¹ Nyǝngkǝ bǝtǝ dǝbbǝn gǝrǝng, nyǝra bwiranəm ba Kristiyəm na bǝ tarǝ jɨna kulu-kulu bwiyəm yəmbə nyam ba Niyajiyuwʊm. ² A murga tǝ waiwe, mǝn fau mo dǝbbə tarəm a chi bən nga gərəm. ³ Mǝnni agwe miyu ji kǝttǝle tǝ nǝngngai mǝn duute, ki wa kanda duutǝn da nǝbbənki. Bǝrki me mǝn nǝngnga tǝn duuta dʊrda miyǝn. ⁴ Yǝmbe ki ka dagi kǝbbar a durda miyǝn ki, mǝnni kangke a chi bə da mǝnǝ sorəm. Nigra gǝn nǝngngai mǝn duute. ⁵ Bǝra rǝ nyang, karǝ tǝ katən da mwetang nga duute fula nəngnga be, nyǝngkǝ Nigra ba kauwe bwiyǝng. Ba jǝggawe warigu kwetəre jɨna kulu-kulu bwi a kumi, na bo a gulawe kǝmmarang ka furiyǝng. Mǝnni wuneki ba nya wertang ka ngǝng agwa Niyajiyuwi. ⁶ Kʊ, Chittǝ, mǝn bəngotən ban yom ba durda miyən na Afolos bǝrǝn nǝn jin, nyǝngke agwa nǝnniyu bǝttǝ mǝsa fumtang a yǝmbǝ suwerǝm go, ''Kari bǝttǝ sumǝn na jin mulai.'' A chi nyang kari gʊwa jinu ba fuga nʊng dəndangngi go gʊ ka li gʊ. ⁷ Nǝng wunǝ ga chu dang-dangngi a jʊggʊr da jɨnǝn tǝn bagi? Wulai ji tǝ karǝgi na tə yəbə nǝtəttan gʊwi? Kǝn nǝttetǝ tǝ yuwi ki, bǝrarǝ wulai kǝtǝ gug dur da me nyangngǝng? ⁸ Kǝtǝ nya jɨni warigʊ tǝ fari kǝtǝ yulo bǝrǝ jɨna kaniyǝm! Kǝtǝ sʊ nǝngnga tang a dʊʊte me nǝ nǝn! Nyang, fautang ka miyǝng mo tǝ nǝngnga dʊʊte, na nǝn nǝngnga dʊʊte kin. ⁹ A kǝmmarang ka miyǝng, nǝn nǝb tǝmrǝm, Niyajiyu a dǝg bǝna nyai ya bugi nyǝra nǝbbǝn mwetǝn duutǝtta bwiya tǝm. Kǝ nǝn yulo jiya nuttoi a gʊsǝtte, weni tǝmri na nǝb bo. ¹⁰ Kǝ nǝn yulo mwʊte bǝrǝ nǝn Kristi, mǝnni jǝn kǝtə bǝrsa a mura Kristiyu. Nǝ me nǝnnǝ kumni, jɨn tənən kwabən. Kǝn chubbǝne rǝ bʊnai ya grati, jǝn tǝ bǝrǝ gratǝm. ¹¹ Yǝggira wai jii we nǝn nwi jʊn rǝ hi kʊgri, bǝ merǝ duttǝttǝ nyaiyǝm, kǝ nǝn no baurang kǝ bwirang, bo kǝ nǝn yulo bǝ merǝ kaini yǝm. ¹² Kǝ nǝn no kʊnʊng rǝ kwani, nǝn nǝngnga swer rǝ kana nǝnnʊ. Gwilabǝn ki kǝ nǝn dǝgtǝnkang, nyəngkə wʊnglabǝnnǝng ki, kǝ nǝn mida. ¹³ Nyǝngkǝn kǝbba bǝnki, nǝn su yǝm nǝ tautangnga a bwi. Kǝ nǝn chi, a nyangbo kǝn dǝbbǝn a nyiya dʊn da gʊsǝttənni na jɨna li kʊrsǝnni warigʊ. ¹⁴ Mula bǝ jini yaiye mo na nǝggǝn bujiri, mǝnni mo na yǝngna ngǝn nyǝra bǝttǝm ba miyǝm bǝn yotǝn dam. ¹⁵ Na chi tǝ ka tǝnǝ bǝ togǝnnǝm netǝ kwʊ a mura Kristiyʊ ki, tǝ metǝnǝ tebǝ mwam. Bǝrki kǝn yulo te jinu a mura Kristi Yesuwi a gwa yǝmbǝ lǝmmangngǝmi. ¹⁶ Bǝrǝ rǝ nyang, kǝmǝn chəla gǝne tǝ mǝssamǝna mi. ¹⁷ Jiya nǝngngga kǝn tǝmgǝmǝn Timotiyu, bwe miyu yotǝn dai nga rǝgi a mura Nigrai. Ba kǝmma gǝmǝn jʊta miyu a mura Kristiyʊ, nyǝra kǝmǝn mǝsatən gǝra gani warigʊ na gana Ekklisiyai. ¹⁸ Mǝnni kʊ bagi ban jinǝm ka yulo bǝ wer bwi tǝm, nǝngnga rǝ da me bǝn kaubwi agwa jɨni yu. ¹⁹ Mǝnni bǝn ya gwan Jǝnniyu merǝ Langtang, Nigra ngaki. A fula hi ki me bən nwi yǝmba nǝbbə wer bwi ta jiyuwʊn gən kwan, bən chu kumnitan jiyu. ²⁰ Bǝrki dʊʊte ta Niyajiyuwi a kʊmbə yǝm gǝn kwan, mǝnni a kʊm kʊmni. ²¹ Tǝ fau wulai? Yagǝmǝn rǝ damǝr da yotangnga dan rǝ da we denin ga?