¹ Mǝnni me, chitte, me bǝn sʊgʊmǝn yəm nyǝra nǝbbǝ yo yom a mura wem, mǝnni nyǝra nǝbbǝrǝ yobi ya bwiyǝm, bo mǝnni nyǝra rǝ bǝttǝm bǝn bu kʊwʊm a mura Kristiyəm. ² Kǝn no gǝnne rǝ yim men mwan də kənkangngən bǝrki tǝ labbe jautang a mwan fu, a nyang kʊ hi tǝ labbe bo. ³ A nyang kʊ hi jǝn tʊwa yobi ya bwiyu. Bǝraki ka nʊggʊn na wʊgatang a jʊggʊr da jɨnǝn, anyangngi, jǝn tǝ me tʊwa bwi ga, tə yoyom a ji bǝnggora nǝbbiga? ⁴ Mǝnni gʊ a sʊwe go, ''Mʊwa bukkang Bulusǝng,'' nyangki men chim ba yobi ya bwiyem tǝ nǝngnga rǝga? ⁵ Nyangki Afolos nǝn wune? Mǝnni Bulus nǝn wune? Bwiranǝm bə tə nǝbbǝn yǝmbǝ nyam agwa jiyuwʊm, mən wuna jiyu Niyajiyu ka ne swer. ⁶ Me kǝn wau, Afolos ka kwiyotǝn hi, mǝnni Niyajiyu ga dǝgga gra. ⁷ Mǝnni wa wauwi rəwa kwiyotǝn hiyʊ menǝn guji. Mǝnni Niyajiyu ga dǝgga gra. ⁸ Rǝ wʊ wari, rǝ wʊ kwiyotǝn hiyu warigʊ wʊ kwan ni, bo nǝn wuna jiyu ba yʊ rəgiyangʊ, a dautǝn na swer da gǝn. ⁹ Bǝrki nɨn nǝn kagǝm ba swerǝm ba Niyajiyuwʊm. Jǝn tǝn ku kawʊrni a Nijiyuwi, mʊtang ka Niyajiyuwʊng. ¹⁰ A jiya nəttətə nən dabi ta Niyajiyuwi a dəgi chi nigra dəltəna mʊtangngi, kǝn dəg jɨngngi, kə gʊ mʊtəna jiyɨng. Mǝnni nǝn wune ni ki a nǝngnga ba den nyəngkə mʊrə gərəng jiyɨng. ¹¹ Me gʊ ba kaba sʊwe kagi jɨng dang a dimənna kǝn dǝg rǝ jigʊwʊng, dǝ gǝn Yesu Kristiyǝn. ¹² A kʊ ki gʊ ba nyabtǝn mutang a rǝ wetǝttǝ kǝchikǝlchi na tǝ kǝlbariki, wettǝttǝ rǝ nyiyarri, kǝn rite, kǝn yir, kǝn təlla, ¹³ swer da gǝn ba nʊngbwi, bǝrki kwetərei ya koi ba nʊngngei. Bǝraki bǝn jǝgga. Kǝranghǝng bo ba bɨnggo nyiyar da swer də wuna nǝngngan. ¹⁴ Wʊ swiyer da gǝng na si yuki ba yu jangngǝmi, ¹⁵ mǝnni wʊ swer da ngǝn a juwi ki ba no kʊnang ka bʊnaiyəng, gǝ rǝ bwigo ba ba nya yiyatang, mǝnni ba chi nyǝra wa yaməntang a kǝrangngi. ¹⁶ Bali tǝ yǝmbǝ to tǝn kaita Niyajiyuwi, We Niyajiyu wa chiya mura jini ga? ¹⁷ Mǝnni wa lǝbte kai ta Niyajiyuwi ki Niyajiyu ba lǝbte. Bǝraki kaita Niyajiyuwi nǝn yʊlgo, jɨn tǝnǝn nyang. ¹⁸ Kari gʊ ba jula dur da ngǝn. Ki ka gʊ a mura jɨni churɨgo gǝnǝn yǝmtang ki a dan tangngər de masi a yulo ''mwʊ'' ki ba yulo wʊ rǝ bǝrsani. ¹⁹ Bǝrki bǝrsan da gʊsǝtǝn jirǝ kʊnni a gwa Niyajiyuwi. Bǝraki a mula mula bwi go, ka tarə bǝrǝ bǝrsanəm a mura dəlli bwira jiyu. ²⁰ A kʊ nyang, Nigra ka yǝm kǝmmarang ka nǝbbǝ bǝrǝ bǝrsanǝm kǝrǝ kʊnnǝng.'' ²¹ A nyangngi me wertangnga durwe jɨya nǝbbe! Bǝrki jɨni warigʊ nǝn yǝngni. ²² Me Bulus, Afolos, Kefas, gʊsǝtte, yum, bwiyate, jɨni kʊwi, na yǝ beri. Wari gu nǝn yǝngni, ²³ jǝn tǝba Kristiyǝm, Kristi wa Niyajiyuwi.