¹ Mǝn fau mo tǝ yǝm, chitte, to tebəbba nǝnnǝm ka yo təm rə korte warigəm ban jiyəm ka yau wimang. ² Warigǝm ba jiyǝm kǝn nǝngngatən batisma a mura Musai na mura korte tən wimang, ³ warigǝm ba jiyǝm ka jau jɨnni jauriya yobiya We Yulgoiyu yə kwani. ⁴ Warigǝm ba jiyǝm ka no jiya chi wa yobi ya weyu kwan. Mǝnni bo ka no a mura wer da yobiya wei wa fung hanjimi, dan wer nǝn Kristi. ⁵ Mǝnni Niyajiyu a nwibǝ lǝmmang ka mwamiyanjiyʊwʊng, kǝ libotanjiyu a wusəla bwi a mura sɨyəng. ⁶ Kʊ jɨnni yaiye a chi bəmən jiya mǝsarangnging, kari bǝn nǝn fau swiyer də bwiranən nyəngkə hanjim a nəngnga rəgəng. ⁷ Kari bǝtǝ yulo nǝbbǝ fung yəttənatəm, nyǝra ki bagi banjiyǝm a nǝngngagrǝng. Nyǝrǝ kǝn mula gǝre mo, “Nǝb ka chi a jau a no, ka guno nəngnga yutəng.” ⁸ Kari bǝnən dǝgi a talte nyǝra ki mwami yan jiyu a nǝngnga gǝrǝng. Ko kwan nǝb nete furtǝssʊ a jɨr tǝ bwanbi (23,000) a bɨtɨro bəra rə ge. ⁹ Kari tǝ bəngo Kristi nyǝra ki bagi ban jiyəm mwam a nǝngngagǝrǝng na sota juwo. ¹⁰ Nyang bo tə dʊ kʊglatang a yǝm nyǝra kǝ hanjim a nǝngngagǝrǝng ka bǝtǝro a kangka we-təmri ya bwitiyəng. ¹¹ Jɨnna nǝngnga bwi nǝn hanjimye a chibǝmǝn jiya mǝsarangngi. Mula bǝmǝnna mo na chi jiya mǝsarangngi-nǝn bǝ jitang ka gʊsǝteng a ben bǝmənəng. ¹² Bǝrǝ nyang wʊ churǝ kidda kǝggǝ si nyagʊwi a nǝngnga ba den bəri ba yar. ¹³ Mǝrǝ bəngorang kǝ bǝtǝ dǝggiwʊng ka yulo ji fiyəng a gwa nǝbbi. Warigʊ rə nyang, Niyajiyu nən yəmbə nyam. me ba dun bəngorang ka li kumni ta mʊwʊn a nyan. Rə bəngoranghəng ba nǝngnga juwi bǝn jirgǝri, ba na nya tau furi. ¹⁴ Bǝrǝ nyang bana yodaiya miyu, tǝ mwaməna nǝngngatang a yəttənate. ¹⁵ Mǝn sʊgəmən yǝm nyǝra nǝbbǝ rǝ jǝggatangngǝm, na batǝ bǝngo yǝmbǝ suwem. ¹⁶ Culle ya dǝgtang a kangngi wʊnǝn dǝgtang kangngi, me wutogotang a mura dʊgʊm ba Kristiyəm ga? Mwan də wularən, me wutʊgotang a bwiyan Kristiyu ga? ¹⁷ Bǝrǝ ki ka kwalgərən da mwan wu din, nən bə tənən ka mwamən nən bwi kwan. Warigʊ tənən dəb kwalgərən da mwan kin ¹⁸ Jɨga nǝbba Israilawam, me gǝm ba jau jɨnni nəbbən a gwa chəriyǝm ga? ¹⁹ Wullai ji mǝn suweri gi? Jiba nǝn guji ga? Mǝnni bo jɨnni jauri yagtənna jibai nən guji ga? ²⁰ Mǝn suwe yǝm a jiya ji nǝbbǝ kuməm nǝbǝni, mo bǝ ne jɨnni yaiye simba bwirai men Niyajiyu. Me mǝn fari mo tǝ murga bwi tǝ murga bwite tǝn simbatǝ bwirai! ²¹ Kari bǝti no chulle a Nigrai ki tǝ kaubwi tǝ no wa simbatə bwiraiyu. Me bǝtǝ kʊra bwi a tamsirən da Nigran kitǝ kʊra bwi a tamsirən da simbatə bwirayən. ²² Mǝnni bo tǝnən muggo Nigra na nǝnga nugǝn ga? Kǝn nǝn li hangu rǝ kumni ga? ²³ “Sori ka nga rǝ jɨnni warigʊ,” mǝnni me jɨnni warigʊ rǝ fini. “Sori ka nga rə jɨnni warigʊ,” mǝnni bo men jɨnnni mure nǝb. ²⁴ Kari gʊ ba fau ji nya wa dur da gənni. A nyangngi wunəki a fau ji ba nəngngatən nyagʊ a chiya kʊliyuwangu. ²⁵ Bǝn dǝmǝn jau warigʊ jɨnni mira banduwai, me gulləntə a mura furi. ²⁶ "Bǝrki gʊsǝte warigu rǝ ji ka muran giwi wa Nigrai.'' ²⁷ Niya nǝbbǝn bǝ yǝmbǝ nyami a bǝn rǝ jɨnni jauri ki, kǝ fau mo yǝggi ki, jau jɨnni warigu tiya kak ka mungngi, me rə nǝngngatang a gullǝnta furi. ²⁸ Mǝnni gʊ a sugumǝn go, “Jɨnni jauri yaiye yə nəbba kuməm a nǝbbǝn na yəttənati yuki," kari bǝtǝ jau. Bǝn nǝngnga nyang bǝra rǝ wa sunǝni, na bəra rə fʊranmu. ²⁹ Me mǝn suwere bǝrarǝ furamu, mənni bo, mǝn su bǝrarǝ furiya wa sunən yǝmmi. Wulai ba ma ki bǝn mweimǝn duute a chim ba durǝm ba miyə bǝra rə furiya gʊwiyu? ³⁰ Mǝnni bo jau jɨnni jauri rǝ wunanki, wulai ya ma ki kǝbbairəng bǝra rǝ ji yu rǝ wunanni? ³¹ Bǝri rə nyang, ki ji jauri ki ki ji nori ki, wunǝ ji mǝn nǝngngari, nǝngnga warigʊ yigira gratə ta Niyajiyuwi. ³² Kar bǝn yulotǝn wer da bautangnga a wuriyən a Yahudawan na Hellenawa, na bo rǝ Ekklisiya Niyajiyuwʊn. ³³ Kǝn nǝngna mo mǝn ne furda kwauwʊn nǝb warigʊ a mura jiɨnni warigʊ. Me mǝn fauwe jautang nga kak ka miyǝng, mǝnni bo bǝrǝ begai mwam. Nǝngnga nyangke na ba hanjǝm a nya yiyarang.