¹ Tǝ mǝsa mǝna mi, nyǝngkǝ mə mǝsamǝn gəra Kristiyǝng. ² Kʊ ka mǝn wergǝnne bǝrki ka tǝ kǝmma nǝn me a mura jɨnni warigʊwʊng. Kǝn wergǝn bəraki ka tə fung sori nyǝngkǝ nʊngngən gərəng. ³ Kʊ mǝn fau mo tə yəm to dʊr da wunə nibariyən nən Kristii, dʊr da wunə nyiyən nibari, dʊr da Kristiyən Niyajiyu. ⁴ Wunə nibari wa nǝngnga nyini-ruwaniyu rə yǝm yuwerǝm a mǝra-mǝrai dʊri a nebə gratǝ dʊrdan gən. ⁵ Mənni wunə nyi wʊ ruwa nyiniyu tǝn yǝm yuwerǝmi rǝ bunai ya mǝratangnga dʊri a nebǝ gratǝ dʊrda gən. Ba chi kǝ kinəng ki kurməntangnga dʊr. ⁶ Bǝraki nyi me ba mǝra dʊrda gǝn ki, a kemən yir da gǝn na dʊ kəbtɨr. Ki ba chi jiya bujiriyu nyiya kemǝn yir tǝn kʊrmǝntangnga dʊr ki, a mǝra dʊr dan gǝn. ⁷ A duatǝn buwe nibari a mǝra dur da gǝn bǝraki hangu n'wulo tǝn gratətta Niyajiyuwi. Mǝnni nyi jiya grati ya nibariyu. ⁸ Bǝrki nibari jige ba bwiya nyiyu. Mǝnni nyi ga jire wa bwiya nibariyu. ⁹ Nǝngnga bǝ nibari bǝra rǝ nyi. Nyi gǝn nǝngnga bǝra rǝ nibari. ¹⁰ Jiya nǝngnga ki nyi ba chi rǝ wulo kumniyu a jiya dʊr dan gən bǝra rǝ weni tǝmri. ¹¹ A nyangngi, a mura Nigrai, nyi merə chim ba dʊr da gənəm a gwa nibariyu, nibari rə kəgang nən nyang. ¹² Nyǝra rǝ kǝ nyi a jire wa nibariyǝng, nibari rǝ kəgang a jire wa nyi. Mǝnni jɨnni warigʊ a jire wa gwan Niyajiyuwi. ¹³ Tǝ mwe dute rǝ butə jǝni , ka dautuwe nyi a ruwa nyini a kak ka Niyajhiuwung dʊrdagǝn a wumǝn wuyi bwi ga? ¹⁴ Bali yobi a nʊngbǝnbe go jiya bujiriyu nibari a chi rǝ yir wulili ga? ¹⁵ Yobi a mǝsangǝm bǝ go yir dǝ wuliliyǝn jiya grati nyi ga? Mǝnni bo newe yir bǝrǝ rǝ mǝrratang. ¹⁶ Kǝ karǝ wʊ farǝ nəngngatang a buriyu ki, me nǝnnə gʊ yobi, nyǝngkə Ekkilisiya Niyajiyuwi me gərəng. ¹⁷ Bǝra rǝ sori fungngeri wergǝnbe. Bǝraki a fula tə kura bwiyu ki, me bəri ji nya mǝnni bəra ji bwira. ¹⁸ Rǝ jigʊ, n'nwi mo a jiwu tǝ kʊra bwi a kanda nyini-ruwaniyən, ka dan-dangi wa jʊgʊr dan jənnən, kən su ngatang rə yəmhəm. ¹⁹ A chin kwak nya bunai ya nwigotangngi a jʊggʊr da jənǝn nan ba jǝgga bǝn ngagrǝm a mura jǝnni. ²⁰ Bǝrki a jiwe tǝ kura bwiyu men chulai ya Nigrai gu tǝ jari. ²¹ A jiwutǝ jari wunǝ ki bǝ jau wugo me yamtang we. Gʊ ki bə nwi jʊn, bǝgi ka rira a ju. ²² Metǝnǝ kaini bǝtǝ jau tǝ no a muriyu ga? Tǝ mamǝn dǝli a kulmor da Niyajiyuwun na tǝ ne kunang bǝ me rǝ gujiyǝm ga? Wulai jin bǝn sugǝmənni? Wergǝn ga? Me bǝn wergən a wai jiwe! ²³ Bǝraki ji yuwe wa gwa Nigrai gu mǝn nǝggenni, go Nigra Yesʊ, a kumwu nǝbbǝn Hanguwi, ka dǝb mwan dǝ me rə bariyən. ²⁴ Bukka nǝngnga wunnanǝng, ka wulang ka sʊwe go, “Waiwe ngǝn bwi a miyu wu bǝra nǝn jənni. Tǝ nǝngnga nyang na tǝ kǝmmare nǝn me.” ²⁵ A nyang bo ka dǝb chulleng ka sʊwe go, “Chulle we wa yǝmbǝ burǝm bǝ fiyəmmi a mura dʊgʊm ba miyəm. Tǝ norǝ nyangkǝ juttǝ kwong, na tǝ kəmmarə nǝn me.” ²⁶ Bəraki a jiwu tə jarən dan mwan də me rə bariyən na tə nora wai chulle waiwi, tǝ si finang ka bwiyata Nigrai yigra ji ba bei. ²⁷ Bǝrarǝ nyang, wunə wa jau a mura mwan dǝ meri bariyǝn dande, a no a mura chulle waiwe na Nijǝgrai rǝ yobiya dautǝn bǝ wi, ba bunai ya yəmbə nyami ya bwi na rə dʊgʊm ba Nigram. ²⁸ Wuni ki a bəngo dur dagǝn fu a jii we ba jau mwan, na jii we ba no a mura chulle. ²⁹ Bəraki wa wunə wa jau a noi, me rǝ yəmtang ka bwiyəng, ka jau a notən duuta dur da gən. ³⁰ Ji ya nǝngnga ki mwam a mura jinu karǝ yarmǝntang a bwite rǝ bwate, nyǝngkǝ bagi mwam a mura junu ka da dum. ³¹ Mǝnni nǝn bəngo bwitanunu ki, me duute we. ³² Mənni Nigra nǝngnga bǝmǝn duute ki, kənə nya wʊngrang, nan ba karbǝn lungtǝbǝn tǝn gʊsǝte. ³³ Bǝrarə gərə nyang, chittǝta miyu, a jii wu tǝ kura bwi a jautang a jǝni jauriyu, tǝ yam bwite. ³⁴ Kǝ karǝ guwan junu nwi jun ki a jau jɨnnni jaura kai, kari kʊrgatang a bwitǝn kan jɨnɨng ba wʊgǝmǝnne duute. A jiya yagi jɨnni tǝ mulawi, bǝn nʊngngǝn jʊtan gʊ a jiwun bei.