¹ Kǝbǝn su yǝm rǝ langtǝ ta nəbbi na rə ta weni təmriyu ki, mənni na me mənə yodai ki, kən yulo kur dən barə rə kin tən sʊgiyate. ² Mǝnni a chi ka mǝnǝ nǝbbəntang ka yǝm yuwerǝməng ki tən jəggatang ka jɨnna bəmənbʊwiyu ba na yəmtangngi, na ka mənə nəbəntang a yəmbə nyam kə bə tung bangngər gərəng. Mənni bo me mənnə yodai ki mən me guji. ³ A chi nǝbban jǝnna kaniyu a miyu warigʊ kʊng na jau rǝ nǝb bǝ megrǝm, a chi nǝbbən bwiya miyu tʊng, mǝnni bo me mǝnni yodai ki, nyabǝ jirtang. ⁴ Yodai karǝ mitangka dang rǝ yobi. Yodai me rǝ nʊgʊn merǝ wertang a bwi. Merǝ guktang a dur ⁵ merǝ durdǝ nǝggǝnǝn. Me bǝ nǝngnga swerda dur da gənəng. Me bə nəngnga jʊgər rə kwa, me bə ke bwiran. ⁶ Me bə nəngnga fur də kwauwʊn rə ji me nyagʊwi. A nyangngi bə nəngnga furdə kwauwʊn nən yəmbə nyam. ⁷ Yodai karǝ mitang ka daang a jɨnni warigʊ, ka nǝbbǝn yǝmbǝ nyam a jɨnni warigʊ, karǝ dura siim a jɨnni warigʊ, ka rǝ tautang nga furi a jɨnni warigʊ. ⁸ Yodai me rǝ mwatǝnte, ki ka yǝm yuwerǝm wu ki, ba su. Ka langtəwu ki, ba lira. Ki ka yǝmtang wu ki, ba su. ⁹ Bǝraki yǝmtang ka nənəng nən bani-bani rə yəm yuwerəm bani-bani. ¹⁰ A fulla wa ri-riyu a beiki, wai wa ribi ba su. ¹¹ A jiwun mǝn bwei, mǝn su yǝm nyǝre bwe, nǝngnga kǝmmarang nyǝra bwe, mǝn nǝngnga jǝgatang nyǝra bwe. A jiwe lau niyu kǝn du yobi ya bǝttǝbiyu. ¹² Mǝnni kʊ mǝn chu a wulo nyira jii jəga kak rə gi, mənni a koyi ba chi kak rə kak. Kʊ yəm nən bani-bani, mənni a wai fula bən yəm warigʊ kʊng nyəngkə yəmi gərə nyagʊwʊng. ¹³ Mənni kʊ jɨnni tə bwanbiyu yə ka chi: nǝbbǝntang a yǝmbǝ nyam, tidah ka dur a siyǝm, na yodai. Mǝnni wa li grata bambi yodai.