¹ Yesus menalau kedue bolas mured-Nye meenji'i sidak kuase atas roh-roh johat wan ngkai menyembohan sidak nggai penyakit. ² Nye'e meutus ngkai memberitean kerejean Allah wan ngkai menyembohan sidak nggai penyakit. ³ Nye'e betutur ke sidak, " gowok meumbai ape bai wayah kaen bejalan, gowok meumbai tungkat, tas,roti, duit, wan baju due holai bai gowok kaen umbai. ⁴ Ke rumah di mene bai kaen mansuk, bediam mam di soon sampai kaen bejalan nggai tompat nontai. ⁵ Man sidak an cade hondak menerime kaen, tinggolan nam kute nonan wan kosan dobunye nggai pehe kaen nan. ngkai peringotan ke sidak nan." ⁶ Sekali tai bejalan nam pedangan rasul tai wan bekeliling ke dise-dise memberitean injil wan menyembohan urang-urangban saket. ⁷ Herodes, sang raje kawosan, mendongai semue an tengah tejadi wan nye'e seje bingung kerene bebeyepe urang mengetean Yohanes Pembaptis dah bangket nggai antare urang mati, ⁸ sedangan an laen mengetean ELia dah beulang, ade jam an mengetean seurang nggai pedangan nabi an hidop wayah tai dah bangket. ⁹ Herodes betutur," Doan dah memancung kepale Yohanes. Lalu sape bah urang an tontangNye doan mendongai kabar an macam inen?" Make Herodes seje hondak betomu wan Yesus. ¹⁰ Sekali pedangan rasul beulang, sidak menceritean ke Yesus tontang segale hal an dah sidak kerejean wan Nye'e meumbai sidak ke kute an bedame. ¹¹ Tapi urang banyak an tohu wan hal nontai sidak bai memegi'i-Nye. sambil mehambat sidak Yesus betutur ke sidak tontang kerejean Allah wan sidak seje memerluan kesombohan. ¹² Sekali ari dah hondak malam kedue bolas mured Yesus datang wan betutur, " siuh am urang pogi ke laman-laman wan dise sekitar seen ngkai meontang tompat bemalam wan meontang pemakan karene kite ade di tompat teponcel." ¹³ Tapi Yesus betutur ke sidak, " Urang di'i am an meenjii sidak makan." jawab mured-mured-Nye, " urang koai ngkah ade lime roti wan due ikan, kecuali urang koai membelian sidak pemakan ngkai meenjii sidak inen. ¹⁴ " Di soon ade sekitar lime ribu urang lelaki. Yesus betutur ke mured-mured-Nye, " Siyuh am sidak dudok bekelompok, kire-kire lime puloh urang perkelompok." ¹⁵ Sidak bai mengerejeannya sesuai wan perintah Yesus juan sidak menyiuh semue urang dudok di soan. ¹⁶ Yesus meutek lime roti wanbdue ikan nontai. menengadah ke langit, memberkatinye, mecak-mecakan juan meonjoknye ke pedangan mured Yesus ngkai sidak meampahannye ke urang banyak. ¹⁷ Juan sidak semue bai makan sampai konyang. lalu, sisak-sisak roti sidak kumpulan ade due bolas keraanjang ponoh. ¹⁹ Wayah nontai, Yesus tengah bedu'e seurangan, mured-mured-Nye ade wan Nye'e. Lalu Nye-e betanyak ke sidak, "Sape bah doan nen menurut urang banyak?" ¹⁸ Jawab sidak, "Yohanes Pembaptis, an laen mengetean Elia, an laen lagek mengetean Di'i adelah salah seikok nggai nabi-nabi wayah Zaman lohok an beulang bangkit." ²² Sekali tai Yesus betutur ke sidak, "menurut kayen sape doan?" Jawab Petrus, "Di'i nan Kristus nggai Allah." ²¹ Tapi, Yesus memperingoti sidak wan koras juan memerintahan sidak ngkai cade memberek tohu sape bai tentang hal oyen. ²⁰ Lalu Yesus betutor, "Anak mendesie haroo menderite banyak hal juan di tulak oleh tuhe-tuhe, imam-imam kepale, juan ahli-ahli taurat, di bunuh juan dibangkitan pade ari ketige.' ²³ Yesus betutor ke sidak semue, "Jike seseurang hondak memogi'i Doan, nye'e haros menyangkali di'inye seikok, juan menyohan salibnye setiap ari, wan memogi,i Doan. ²⁴ Sobab sape bai an beusahe menyelamatan nyawenye, bakal kehilangan nyawenye. Tapi sape bai kehilangan nyawenye kerene Doan, nye'e bakal diselamotan. ²⁵ Ape bah untungnye mendapotan seluruh dunie, tapi mati atau kehilangan nyawenye seurang? ²⁸ kire-kire, lapan ari sekali Yesus dah jadi memadahan pengajaran-Nye, Nye-e meumbai Petrus, Yohanes wan Yakobus noik ke buket ngkai bedue. ²⁹ Ketike Yesus tengah bedue, rupe pemehean-Nye beubah juan pakaian-Nye menjadi puteh bekilau. ³⁰ Sekali tai nampak am due urang tengah betutur wan Nye-e. Kedue urang nontai Musa wan Elia, ³¹ an menampakan di'i dalam kemuliean juan betutur tentang kematian Yesus an bakal di genopi di Yerusalem. ³² Wayah nontai Petrus wan tambah-tambahnye tengah mengantok borat, tapi sekali sidak bangun, sidak meliat kemuliean Yesus wan due urang an bediri sesame wan Nye-e. ³³ Ketike Musa wan Elia bakal meninggalan Yesus, Petrus betutura, "Guru, lebih boyek kite gek bediam di heninam. Urang koai bakal meulah tige kemah, sebitek ngkai nu Di'i, sebutek ngkai nu Musa, wan an sebutek ngkai nu Elia." tapi Petrus cade menyadori ape an nye katean. ³⁴ Ketike Petrus tengah mengatean hal nontai, datang am awan menaungi sidak sehingge Petrus,Yohanes wan Yakobus menjadi golak sekali sidak mansuk ke dalam awan nontai. ³⁵ Sekali tai tedongailah suare nggai awan nontai," ninam Anak-Doan, Nye-e nonam an Doan pilih, dongai am Nye-e nam." ³⁶ Sekali suare nontao dah behonti, Yesus ngkah seurangan Nye am. sidak merehasieannye juan cade memberektohu urang juan ape an sidak liat. ³⁷ Kolam arinye, ketike sidak turun nggai buket, serombongan bosar urang banyak mendatangi Yesus. ³⁸ Seseurang nggai urang banyak nontai menalau, Guru doan muhun ke Di'i, lioti gan anak doan, satu-satunye. ³⁹ Liatam ade roh an menguaseinye, wan tibe-tibe nyee mendorok. Roh nontai mengenguncangnye sehingge mulutnye bebusa, roh nontai selarat menyakitinye wan caede hondak meninggalannye. ⁴⁰ Doan dah memuhun ke mured-mured-Di'i ngkai meusernye, tapi sidak cade dapat melakuannye. ⁴¹ Jawab Yesus, " Oi, urang kayen generasi an cade percaye wan Tuhan juan an sosat! Beyepe lambat gek Doan harus bediam sesame wan urang kayen wan besabar juan urang kayen? Umbaiam anak di'i tai ke seen." ⁴² Sekali bebiyak ntai tengah mehampingi Yesus, roh johatnontai membantingnye ke tanah wan mengenguncangnye. tapi Yesus membontak roh najis nontai, menyembohan beniyak lelaki nontai. bebiyak nontai dipulangan ke apangnye. ⁴³ Semue urang meyese takjub wan kuase Allah, tapi ketike sidak tengah teheran-heran juan hal an dilakuan Yesus, Nye-e betutor ke mured-murednye, ⁴⁴ "Dongai am kate-kate Doan nen beboyek: Anak mendesie bakal diserahan ke kukut mendesie." ⁴⁵ Tetapi pedangan mured cade mengeroti wan maksud kate-kate nontai, wan hal nontai di tapokan nggai sidak sehingge sidak dapat memahaminye. Namun sidak golak betanyak ke Yesus tentang kate-kate nontai. ⁴⁶ Suatu ketike, tejadilah petengkoran antare mured-mured Yesus tontang sape an teutame diantare sidak. ⁴⁷ Yesus tohu wan pikiran sidak, lalu Nye-e meutek bebiyak kocet wan meumbainye bediri disebelah-Nye. ⁴⁸ Lalu Nye-e betutor ke mured-mured, "setiap urang an menerime bebiyak kocet inen dalam dame Doan, nyee menerime Doan. Juan sape bai an menerime Doan, nyee bai menerime Doan an meutus Doan. Sobab, an paleng hine antara kayen, nyee am an teutame. ⁴⁹ Yohanes menjawab-Nye wan bekate, "Guru urang koai meliat seseurang meusirroh johat dalam nama-Nye juan urang koai beusahe mehentiannye kerne nyee cade temansok kelompok kite." ⁵⁰ Keliagak Yesus betutor ke nyee, "Gowok menyiyuhnye behonti kerne sape bai an cade mekawan kayen, nyee memihak kayen." ⁵¹ wayah nontai semaken somak bagi Yesus untok ditinggikan, Nye'e meneguhkan hati untok pogi ke Yerusalem. ⁵² Nye'e menyiyoh bebeape utosan mendeholoi-Nye'e. Lalu utosan-utosan itu pun pogi wan mansuk ke sutek kampong di Samaria untok menyiapkan segele sesuatu untok Dia. ⁵³ Kaliagak, urang-urang di tompat itu cade menerime Yesus kerne Nye'e sedang ke kote Yerusalem. ⁵⁴ Sekali mured-mured Yesus, nyee tai, Yakobus wan Yohanes, meliat hal nontai, sidak bekate, "Tuhan ape kah Koam hondaan urang koai ngkai menyiyuh api turun nggai langet wan menugok sidak?" ⁵⁵ Akan tetaapi Yesus menampai ke belikat wan menelik an sidak. ⁵⁶ Lalu Yesus juan mured-mured bejalan ke duse an laen. ⁵⁷ Sekali sidak di bejalan, ade seurang bekate ke Yesus, "Doan bakal pogi kemene bai Koam bejalan." ⁵⁸ Yesus bai betutor ke nyee, "Rubah ade lubang ngkai bediam juan burong-burong di udare bai ade kediamannye. Tetapi anak mendesie mulan tompat ngkai beistirahat." ⁵⁹ Yesus betutor ke urang an layen lagek, "Yom pogi Doan!" tapi urang nontai menjawab, "Tuhan, ijinan doan pogi ngkai memasar apang doan lohok." ⁶⁰ Tapi Yesus betutor ke nyee, "mbak m urang mati memasar urang mati, tapi kayen sak pogi ngkai memberitean tontang Kerejean Allah." ⁶¹ Wan ade seurang lagek an betutor, " Dian pogi Koam me, Tuhan, tapi ijinan doan bepadah lohok ke keluarge doan. ⁶² "Yesus betutor ke nyee, "mulan seikok bai an dah meneyohan kukutnye d bajak, tapi gek meliat ke belikat, an pantas ngkai kerejean Allah.