¹ Sekali jadi nontai, Yesus menetapan tujoh puloh urang pengikut an laen, wan Nye-e meutus sidak pogi bedue-bedue ngkai lohok nggai Yesus ke setiap kute wan tompat an bakal di datangi-Nye. ² Uji Yesus ke sidak, "hasel menggontam seje banyak, tetapi urang bekereje ngkah sedikit am. Oleh kerne onan, meungapam ke Tuan an mendapat hasel menggontam nontai ngkai meutus urang bekereje ngkai mengumpulan hasel menggontam." ³ Pogi am! Doan meutus kayen macam anak domba di tentengah pedangan serigale. ⁴ Gowok meumbai duit, tas wan sondal. Juan gowok menyipe sape bai di tongah pejelonan. ⁵ Kerumah mene bai an bakal kayen mansok, ucopan lohok, 'Damai Sejahtera atas rumah inen.' ⁶ Jike urang an ade di soan cinte damai, damai sejahtera kayen bakal bediam atas nyee. Tapi jike cade, damai sejahtera kayen bakal beulang ke kayen nam. ⁷ Bediam mam di rumag nontai. makan nam wan minum mam ape an sidak sediean ngkai nu kayen nan, kerne seurang pantas mendapatan upahnye. gowok bepindah- pindah nggai sebutek rumah kecrumah an laen. ⁸ Setiap kali kayen memansoki sebutek kute wan urang-urang di soon menerime kayen, makan nam pemakan an sidak ampahan dibhadopan kayen. ⁹ Uboti arang-urang saket an bediam di soon, wan pedahan ke sidak, 'Kerejean Allah dah hamping am.' ¹⁰ Tapi jike kayen mansok ke sebutek dise wan urang-urang di soon cade menerime kayen, pogi am ke jalan- jalan di kute nontai wan bekate, ¹¹ 'Bahkan dobu nggai kute kayen an melokat di pehe urang koai baka urng koai kiposan di hadopan kayen. Tapi, ingat am inen: Kerejean Allah dah hampeng am. ¹² Doan betutor ke kayen pade ari nontai, tanggungan Sodom bakal lebih hampau nggai tanggungan kute nonan." ¹³ Celake am kayen, Khorazim! Celake am kayen Betsaida! Seandainye doan melakuan mukjizat-mukjizat an same di Tirus wan Sidon, make pasti dah lambatam sidak bertobat juan duduk memakai bonang kabung wan dobu. ¹⁴ Akan tetapi, pade wayah penghakiman, tanggungan Tirus wan Sidonblebih hampau nggai tanggungan kayen. ¹⁵ Juan kayen, Kapernaum, ape kah kayen bakal diangkat ke seruge? cade, kayen bakal ditikoman ke dunie urang mati! ¹⁶ Sape bai an mendongaian kayen, mendongaian Doan. Akan Tetapi, sape an cade menerime kayen, nyee bai cade menerime Doan. Juan sape bai cade menerime Doan, kayen cade menerime Nye-e an meutus Doan." ¹⁷ Sekali tai ketujoh puloh pengikut nontai beulang wan besukecite sambel betutor, "Tuhan, setan-setan bai tunduk juan urang koai dalam dame Koam. ¹⁸ "Yesus betutor ke sidak, "Doan meliat iblis garak nggai langet macam kilat. ¹⁹ Tohu cade ai bahwe Doan dah meenjii kayen kuase ngkai meneninjak ular wan kale, wan kuase atas semue kekuatan munsuh. Mulan an bakal menyakiti kayen. ²⁰ Akan tetapi, kayen gowok besuke cite kerne roh-roh nontai tunduk juan kayen, melainan besukecite am kerne name kayen tetulis di seruge." ²¹ Wayah nontai besukecite am Yesus di dalam Roh Kudus wan betutor, "Doan besukor ke Koam nan Apang, Tuahn atas langet wan bumi, sobab Koam menapukan hal-hal inen nggai urang bijaksana wan cerodas. Akab tetapi, Koam menunjukannye ke pedangan bebiyak kocet. Oi Apang, kerne nonam an bekonan di hadopan Koam. ²² Apang- Doan dah meonjok semuenye ke Doan, wan cade seurang bai an konal juan selain Apang. Juan cade seurang bai an konal wan Apang, kecuali anak wan urang -urang an ke sidak Anak hondak ngkai menyelemotannye." ²³ Sekali tai Yesus membelikat ke mured-mured-Nye wan betutor ke sidak secare pribadi, "Berbahagialah mate an meliat apevan kayen liat, ²⁴ Sobab Doan betotur ke kayen: banyak nabi wan raje an seje hondak meliat hal-hal an kayen liat inen, tetapi sidak cade meliatnye. Dan seje hondak mendongai hal-hal an kayen dongai inen, tapi sidak cade mendongainye." ²⁵ Sekali tai seurang ahli Hukum Taurat bediri ngkai meuji Yesus, ujinye, "Guru, ape an haros doan lakuan ngkai mendapotan hidop kokal?" ²⁶ Jawab Yesusb ke nyee, "Ape an tetulis dalam Hukom Taurat? ape an kayen bace didalamnye?" ²⁷ Orang nontai menjawab, "Kasihilah Tuhan, Allah kayen,juan segenap hati kayen, juan segenap jiwan kayen, juan segenap kekuatan kayen, juan segenap akal budi kayen. Juan kasihilah sesame kayen mendesie macam kayen mengasihi di'i kayen seurang." ²⁸ Yesus betutor ke nyee, "Jawaban kayen bonar. Lakuan nonan, make kayen bakal hidop." ²⁹ Akan tetapi, urang nonan hondak membonaran di'inye, make nyee betutor ke Yesus, "Juan, sape bah sesame doan mendesie?" ³⁰ Yesus menjawab juan betutor, "Ade seurang an turun nggai Yerusalem ke Yerikho, nyee garak ke kukot pedangan perampok an merampas pakaiannye juan memungkalnye, lalu meninggalannye tekapar dalam keadaan hamir pogat nyawe. ³² Sekali tai, ade seurang imam lalu nggai jalan nontai. Ketike nyee meliat urang nontai, nyee bai pogi benonam jalan an layen. ³¹ Benonam jam an di lakuan seurang lewi, sekali menjuhaknke tompat nontai wan nyee meliat urang nontai, nyee melaluinye juan bejalan di jalan an layen. ³³ Akan tetapi, ade seurang Samaria an dalam pejelonan lalu nggai sontai. Wan, sekali nye meliat urang nontai, nyee meyese kaseh. ³⁴ Lalu, urang Samaria nontai mehampinginye, wan mengobat lukenye. nyee meenjii nyee wamn minyak anggur lalu menaikan orang nontai ke pucuk keledainye wan meumbainye kesbutek penginapan, lalu merawat urang nontai. ³⁵ Sekali kolamnye, urang Samaria mengeluaran duit due dinar wan meenjii penjage penginapan nontai wan betutor,'Rawatlah urang an luke inen. Juan, beyepe bai an kayen habisan duit ngkai nyee, doan bakal menggantinye wayah doan beulang."' ³⁷ Lalu, Yesus betutor, "Menurut kayen, sape lah diantare ketige urang nontai an menjadi sesame mendesie nggai urang an garak ke kukot pedangan perampok nontai?" ³⁶ Jawab ahli Taurat nontai, "Orang an menunjukan bolas kasihan ke nyee." Lalu, uji Yesus, "Pogi am, wan lakuan nam hal an same." ³⁸ Ketike Yesus wan mured-mured-Nye dalam pejelonan, Yesus mansok ke sebutek dise juan seurang beitine an bedame Marta mehambat Yesus di rumahnye. ³⁹ Marta ade dulor betine bedame Maria an duduk di hampeng pehe Yesus wan mendongaian pengajaran Yesus. ⁴⁰ Akan tetapi, Marta telalu sibok mengerejean semue kereje an haros diselesoian. Marta bai mehampingi Yesus wan betutor, "Tuhan, cade peduli kabe di'i bahwe dulor betine koai membioran doan melakuan semue kereje inen seurangan? Siyuh am menulong doan!" ⁴¹ Akan tetapi, Tuhan menjawabnye, "Marta, Marta, di'i kuatir wan cade memusingan di'i wan banyak hal. ⁴² Hanye sebutek hal an ponteng. Maria dah memilih bagian, an lobeh boyek, wan bagiannye nen cade bakal peronah di utek nggai nyee."