¹ Wayah nobtai, Yesus bedue disuatu tompat. Ketike Nye-e jadi bedue, seurang nggai mured-mured-Nye betutor ke Nye-e, "Tuhan ajorilah urang koai bedue same macam Yohanes meajar mured-murednye." ² Sekali tai Yesus betutor ke sidak, "Ketike kayen bedue, bedue am macam oyen: 'Apang, dikudusanlah dame koam. Datanglah kerejean- Koam. ³ Enji'i urang koai pemakan an secukupnye setiap ari, ⁴ juan ampunilah duse-duse urang koai sobab bai meampuni setiap urang an besalah wan urang koai. Dan, gowok meumbai urang koai ke dalam pencobaan."' ⁵ Sekali tai Yesus betutor ke sidak, "seandainye salah satu nggai kayen ade seurang tambah wan kayen pogi ke rumah tambah kayen onan pade tngah malam wan betutor ke nyee, 'tambah, injomi doan tige roti, ⁶ kerne seurang tambah doan an tongah melakuan pejelonan singgah dirumah doan, tapi doan mulan ape-ape di rumah ngkai di onjok ke nyee.' ⁷ Mungken kabe tambah di'i nggai dalam rumah menjawab, 'Gowok ganggok koai! Lawang dah di kunci doan juan peanakan doan di tompat idok. Doan cade dapat bangun ngkai meenjii ape bai ke di'i.' ⁸ Doan betutor ke di'i bahwe sekali bai tambah di'i cade bangon wan meenjii barang ke di'i kerne sahabatnye, tapi kerne di'i toros memuhon, nyee pasti bangon wan meenjii ape an di'i pereluan. ⁹ Jadi, doan betutor ke kayen ungapam, kayen bakal menerime. ontang am, kayen bakal mendapat. Godor an, lawang bakal di bukak me. ¹⁰ Sobab, sape bai an meungap bakal menerime. sape bai an mwontanf bakal mendapat. Juan sape bai menggodor, lawang bakal di bukak an me. ¹¹ Ade kabe seurang apang diantare kayen an bakal meenjii anaknye ular mun meungap ikan? ¹² Atau meenjiinye kale mun anaknye meungap tolor? ¹³ Mun kayen an loyen tohu macam ape meenjii an boyek ke anak-anak kayen, ape lagek Apang kayen an seruge. Nye-e meenjii Roh Kudus ke urang-urang an meungap ke-Nyee." ¹⁴ Pade ari nontai, Yesus meuser setan nggai seurang lelaki an bisu. Sekali setan nontai keluar, urang an lohoknye bisu menjadi dapat betutor wan urang banyak menjadi teheran-heran. ¹⁵ Akan tetapi, bebeyepe urang betutor, "Nye-e meuser setan juan kuase Beelzebul, pemimpin setan." ¹⁶ Bebeyepe urang layen hobdak meuji Yesus, sidak meungap Nye-e menunjukan suatu tande nggai seruge. ¹⁷ Akan tetapi, Yesus tohu ape an sidak pikiran wan betutor ke sidak, "Setiap kerejean an tepocak-pocak wan saleng menyorang bakal ancor. Juan keluarge an anggota-anggotanye saleng bemusuhan bakal tecorai borai. ¹⁸ Jadi, mun iblis bai tepocak-pocak melawan nyee seurang, macam ape mungken kerejeannye dapat totap betahan? Doan mengatean macam inen kerne kayen mengatean bahwe Doan memakai kuase Beelzebul ngkai meuser setan-setan. ¹⁹ Mun Doan meuser setan wan Beelzebul, juan kuase sape bah anak-anak kayen meuser setan? kerne onan, sidak am an bakal menjadi hakim kayen. ²⁰ Akan tetapi, mun Doan memakai kuae Allah ngkai meuser setan, Kerejean Allah dah datang am ke kayen. ²¹ Mun seurang an kuat besenjate longkap menjage istananye seurang, harte bendenye bai pasti dalam keadaan boyek me. ²² Namun, jike ade urang lobeh kuat nggai nyee hondak menyorang wan mengalahan nyee, make urang an lobeh kuat nontai haros merampas senjate-senjate an diandolan leh urang nontai wan membagi-bagian harte rampasannye. ²³ Sape bai an cade di pihak Doan, nyee melawan Doan. Juan sape bai an cade mengumpulan same wan Doan, nyee mencorai-boraian." ²⁴ "Apebile roh najis keluar nggai bukang seurang, roh onan bakal bekeliling melalui tompa-tompat an rangkai ngkai meontang tompat beristirahat, tetapi nyee cade mendapatannye. Kerne onan, nyee betutor, 'Doan bakal beulang ke rumah an dah doan tinggolan.' ²⁵ Ketike nyee beulang, nyee menemuan rumah onan dalam keadaan tesapu beroseh wan teatur rapi. ²⁶ Kemudian, roh najis nontai pogi wan meajaktujoh urang an lobeh kuat nggainye ngkai mansok wan bediam di rumah nontai hingge keadaan urang onan menji jowoh lobeh burok nggai seolomnye." ²⁷ Ketike Yesus mengatean iyen, seurang betine an ade di tongah-tongah urang banyak berseru, "Diberekotilah rahem an dah memberanakan Koam wan buah dadenye bakal menyusui Koam." ²⁸ Akan tetapi, Yesus betutor, "Berbahagialah urang-urang an mendongaian firman Allah wan an patohbke nyee." ²⁹ Ketike urang-urang an bekumpol semangken banyak, Generasi oyen adelah generasi an johat; sidak menuntot suatu tande, tetapi cade sebutek tande bai an bakal di tunjokan ke sidak selaen tande Yunus. ³⁰ Macam Yunus an menjadi tande bagi urang-urang Niniwe, demikianlah anak mendesie bakal menji tande bagi generasi inen. ³¹ Pade ari kiamat, Ratu nggai Selatan, bakal bangket sesame urang-urang bggai generasi inen wan nyee bakal meukom sidak kernenyee menjuhak nggai ujung bumi ngkai mendongaian hikmat Salomo, sedangan di seen ade seseurang an lobeh bosar nggai Salomo. ³² Pade ari kiamat, urang-urang Niniwe bakal bangket sesame generasi inen wan meukomnye, kerne urang-urang Niniwe betobat ketike Yesus berkhotbah dihadopan sidak, sedangan di seen ade seurang an lobeh bosar nggai Yunus. ³³ "Cade seurang bai an sekali menyalean pelite, bakal menoyoh pelite nontai di tompat an betapok atau di babah gantang. Sebaliknye, sidak meneyohan pelite onan di babah pehe pelite sehingge urang-urang an mansok dapat meliat cahayenye. ³⁴ Mate adelah pelite bukang kayen. Jike mate kayen boyek, seluruh bukang kayen bakal di ponohi wan torang. Akan tetapi, jike mate kayen johat, seluruh bukang kayen bai bakal di ponohi kegelopan. ³⁵ Kerne onan, behati-hatiam ngkai torang di dalam kayen cade menjadi potang. ³⁶ Jike bukang kayen diponohi wan torang juan mulan bagian an potang, bukang kayen nontai bakal torang seluruhnye same macam sebutek pelite menorangi kayen juan cahayenye." ³⁷ Sekali Yesus jadi betutor, seurang Farisi meundang-Nye ngkai makan. Nyee bai menjuhak, lalu dudok wan makan. ³⁸ Akan tetapi, urang Farisi nontai hiran ketike meliat Yesus cade mencuci kukot-Nye lohok seolom makan. ³⁹ Keliagak, Tuhan betutor kenyee, "urang-urang Farisi macam kayen memberesihan bagian luar cawan wan pinggan, tetapi dalam diri kayen ponon Juan keserakahan wan kejehotan. ⁴⁰ Oi urang-urang bodoh! Cade ai kayen meulah bagian luar bai meulah bagian dalam? ⁴¹ Kerne onan, bagian nam ape an ade di dalam kayen nontai sedekah kayen. Juan macam onan, kayen bakal bonar-bonar beroseh. ⁴² Akan tetapi, celakelah kayen, urang-urang Farisi! Sobab, kayen meenjii pe sepuluhan atas selaseh, inggu, wan segale macam tanoman lakau kayen, tetapi kayen cade mempedulian keadilan wan kaseh Allah. seharosnye, kayen mengerejean semue hal onan cade mempedulian hal-hal an layen. ⁴³ Celakelah kayen, urang-urang Farisi kern kayen suke dudok di tompat an teboyek di Sinagoge wan Suke menerime hormat di pasar. ⁴⁴ Celakelah kayen kerne kayen macam pasoran an cade betande, an ditetinjak urang cade sidak sadori. ⁴⁵ Kemudian, salah seurang ahli Taurat betutor ke Yesus, "Guru, sekali Koam mengatean hal-hal inen, Koam bai mehine urang koai." ⁴⁶ Namun Yesus menjawab, "Celakelah kayen, oi ahli-ahli Taurat! Sobab, kamu menoyoh boban an kuat ngkai disohan uranf layen, tetapi kayen seurang cade hondak menyontohq boban onan juan sebutek kukot bai. ⁴⁷ Celakelah kayen kerne meulah pasoran ngkai nabi-nabi an dibunoh leh bayan moyang kayen. ⁴⁸ Bahkan, kayen mengatean ke semue urang bahwe kayen mengakui perbuatan bayan moyang kayen: sidak am an membunoh nabi-nabi onan, tetapi kayen an meulah peserannye. ⁴⁹ Ninam sobabnye, Allah dalam hikmat-Nye betutor, 'Doan bakal meutus nabi-nabi wan rasul-rasul ke sidak, tetapi bebeyepe nggai urang-urang an Doan utus nontai bakal dibunoh wan disikse,' ⁵⁰ Supaye darah semue nabi, an tetumpah sejak dunie diciptean, da dapat dituntot nggai generasi inen, ⁵¹ mulai nggai darah Habel sampai ke darah Zakharia, an dibunoh di antare altar wan Bait Allah. Ya, Doan betutor ke kayen bahwe generasi inen bakal betanggong jawal tehadap hal inen. ⁵² Celakelah kayen, hai ahli-ahli Taurat! sobab kayen dah meutek kunci pengetehuan, tetapi kayen seurang cade hondak mansok mehalangi urang layen ngkai mansok." ⁵³ Sekali tai Yesus meninggalan tompat nontai, ahli-ahli Taurat wan urang-urang Farisi mulai memunsuhi-Nye wan menekan-Nye juan bebagai pertanyaan. ⁵⁴ Sidak bekomplot ngkai menangkap Yesus juan perkatean an diucopan-Nye.