¹ menceritean sebuah perempean ke murid murid-Nye engkai memberitohu sidak bahwe idak harus selalu bedue wan cade bekecit hati. ² Kate-Nye, "Di sebuah kute, ade seurang hakim an cade golak ke Allah wan cade mehormati urang lain. ³ Di kute onan, ade seurang jande an torus menorus datang ke hakim onan wan betutur, 'Onjoklah keadilan ke doan terhadap lawandan.' ⁴ Engkai bebeyepe wayah,sang hakim cade hondak menulung jande onan. Kaliagak, kemudian hakim onan bekate dalam hatinye, 'meskipun doan cade golak ke Allah wan cade mehormati sapebai, ⁵ kaliagak kerene jande inen torus menorus mengganggukdan, doan bakal meonjok keadilan ke nye'e supaye nyee cade menyusahan doan juan kedatangannye an torus menorus onan.' ⁶ Lalu, Duate betutur, "Dongai bai ape an dituturan hakim an cade adil onan. ⁷ Cadekah Allah bakal meenji'i keadilan ke urang urang pilihan-Nye an besoru ke-Nye'e siang wan malam? Apekah Nye'e akan menunda-nunda sampai lambat engkai menulung sidak? ⁸ Doan betutur ke kayen, Nye'e bakal segera meonjok keadilan ke sidak. Kaliagak, ketike Anak Mendesie menjuhak, apekah Nye'e bakal menomuan iman di bumi?" ⁹ Yesus bai menyompoian perumpamean inen ke bebeyepe urang an meanggap di'i sidak bonar wan memandang rondah urang lain. ¹⁰ Ade due urang pogi ke Bait Allah engkai bedue. An seurang adelah urang Farisi wan an lain adelah seurang pengumpul pajak. ¹¹ Urang Farisi onan bediri wan meucapan due tontang diinye, 'Ya, Allah, doan beterime kaseh ke-Koam kerene doan cade macam urang lain; macam pemoras, penipu, pezina, atau bahkan macam pengumpul pajak inen. ¹² Doan bepuase due kalian seminggu, dan meonjok sepersepuluh tanggai seluruh pengahasilandan.' ¹³ Kaliagak, si pengumpulpajak bediri agak jowoh, bahkan cade memandang ke langet. Sebaliknye, Nye'e memungkal-mungkal dadenye, 'Ya, Allah. Bebelas kasehlah ke doan, si pendosa inen.' ¹⁴ Doan betutur ke kolai, pengumpul pajak inen pulang ke rumahnye sebagai urang an lobih dibonaran tanggai urang Farisi onan sobab urang an meninggian di'i bakal direndahan, wan urang an merendahan di'i bakal ditinggian." ¹⁵ Lalu, urang-urang meumbai anak-anak sidak an gek ronet ke Yesus supaye Nye'e menjamah sidak. Kaliagak, ketike padangan murid meliatnye, sidak mulai menggedii urang-urang on an. ¹⁶ memanggil anak-anak onan engkai datang Ke-Nye'e wan betutur, "Biaranam bebiak kocit onan data ng ke-Doan, gowok halangi sidak sobab kerajaan Allah adelah milik urang-urang an macam ninam. ¹⁷ Doan mengatean an sesungguhnye ke kayen, sape bai an cade menerime keraja an Allah macam seurang biak kocit, nye'e cade bakal kale mansuk ke dalamnye." ¹⁸ Ade serang pemimpin sidak an betanyak ke Yesus, "Guru an boyek, ape an harus doan lakuan engkai dapat mewarisi hidup an kokal?" ¹⁹ Jawab Yesus ke nye'e, "Meape kolai menyobot Doan boy nek? Tidak ade seurang bait an boyek kecuali Allah seurang. ²⁰ Kayen mengetohui tontang hukum-hukum inen: 'Gowok berzina, gowok membunuh, gowok mengolet, gowok meonjok kesaksian palsu, serete hormati apang wan indai kayen." ²¹ Jawab urng onan, "Doan udah menaati semue onan sejak doan gek mudak.'' ²² Ketike Yesus mendongainye, "Agek ade satu hal an kurang. Juallah semue an kolai miliki wan bagianam ke urang-urang miskin, make kolai bakal mempunyei harte di seruge; wan ayom, ikutlah Doan.'' ²³ Ketike urang onan mendongai perkataan Yesus onan, nye'e menjadi sangat sedih sobab nye'e sangat kaye. ²⁴ Kemudian Yesus memandang dia wan betutur, "Betape sulitnye bagi urang-urang kaye engkai mansuk ke dalam kerajaan Allah! ²⁵ Bahkan, lobih mudah bagi seikok unta engkai mansuk melalui lubang jayum daripade urang kaye mansuk ke dalam Kerajaan Allah." ²⁶ Urang-urang an mendongai perkatean onan betutur, "Kalau beonan, sape an bise diselomatan?" ²⁷ Jawab Yesus, "Ape an mustahil bagi mendesie adelah mungkin bagi Allah." ²⁸ Lalu, Petrus betutur, "Lihatlah, urang koai udah meninggolan semue an urang koai miliki wan mengikut Engkau." ²⁹ Yesus betutur ke sidak, ''Doan mengatean an sesungguhnye ke kolai, cade seurang bai an tolah meninggolan rumah, istri, dulor-sanak, urang tuhe, atau anak-anaknye demi kerajaan Allah, ³⁰ an cade bakal menerime hal-hal onan belipat ganda pade wayah inen, wan pade wayah an bakal datang, yaitu hidup an kokal." ³¹ Lalu, Yesus mengumpulan kedue bolas murid-Nye wan betutur ke sidak, ''Dongai, kite bakal pogi ke Yerusalem wan segale sesuatu an tolah ditulis oleh padangan nabi tontang Anak Mendesie bakal digenapi. ³² Nye'e bakal diserahan ke urang-urang an cade mengonal Allah. Nye'e bakal diejek, dianiaye, wan diludahi. ³³ Wan, selopas sidak mencambuk-Nye, sidak bakal membunuh-Nye. Kaliagak, pade hari an ketige, Nye'e bakal bangkit kembali.'' ³⁴ Namun, padangan murid cade meroti sebutik bai tanggai hal-hal onan. Arti perkatean onan tersembunyi bagi sidak cade memahami ape bai an tolah dikatean. ³⁵ Pade saat Yesus hampir menjuhak di kota Yerikho, ade seurang bute an tongah duduk di pinggir jalan sambil mengemis. ³⁶ Ketike urang bute onan mendongai urang banyak lalu, nye'e menanyaan ape an tongah tejadi. ³⁷ Wan, urang-urang betutur ke nye'e, ''Yesus tanggai Nazaret tongah lewat.'' ³⁸ Make, besorulah urang bute onan, ''Yesus, Anak Daud, kasihanilah doan!" ³⁹ Urang-urang an bejalan di dopan rombongan, menggodi'i urang bute nontai wan menyiuhnye diam. Kaliagak, ye'emalah mendorok lobih koras, "Anak Daud, kasihilah doan!" ⁴⁰ Lalu Yesus behonti wan menyiuh agar urang bute onan diumbai ke-Nye'e. Ketike urang bute onan mehamping, Nye'e betanyak ke nye'e, ⁴¹ "Ape an kolai inginan supaye Doan perbuat bagi kayen? "Orang bute onan menjawab, "Tuhan, doan hondak matedan bise meliat," ⁴² Yesus betutur ke nye'e, "Meliatlah, imanmu tolah menyombuhanmu.'' ⁴³ Seketike onan bai, nye'e dapat meliat wan mulai meikutiYesus sambil memuji Allah. Ketike urang banyak meliat hal onan, sidak bai memuji Allah.