¹ Kemudian,Yesus betutur ke padangan murid Nye,"Batu sandungan pasti bakal ade,kaliagak celakelah urang an menyobapannye. ² Lobih boyek sebuah batu kilangan dikobatan pade lihiknye wan nye'e ditikaman ke dalam lowut daripade nyee menjadi sandungan bagi anak anak kocit inen. ³ Waspadelah, jike dulor kayen bebuat dosa terhadap kayen, togorlah nye'e, jike nyee menyosali dosanye, amponilah nye'e. ⁴ Bahkan, jike nye'e bedosa terhadap kayen sebanyak tujuh kali dalam se ari, wan beulang ke kayen tujuh kali sambil betutor,'Doan menyosal, 'Ampunilah dia." ⁵ Kate rasul rasul onan ke Duate, "Tambahanlah iman urang koay!" ⁶ Jawab Duate ke sidak," Jike kayen mempunyei iman sebosar bigik sensabi jak, kayen dapat mengatean ke kayu murbei inen, tecabutlah tanggai tanah wan tetanamlah dilout, wan kayu onan bakal taat ke kayen. ⁷ ''Sapekah di hentare kayen an mempunyei hambe an tongah membajak atau menggembala, bakal betutur ke hambenye onan ketike nye'e pulang tanggai lakau, ayom duduk dam wan makan'? ⁸ Ukankah nye'e malah bakal betutur ke hambenye onan, ''Siapanlah makanan engkai doan wan bepakaianlah an layak engkai melayani doan. Selagik doan makan wan minum. Selopas onan barulah kayen boleh makan wan minum. ⁹ Apekah nye'e bakal beterimekasih ke hambenye onan kerene melakuan an diperintahannye? ¹⁰ Beonan jam juan kayen. Apebile kayen udah melakuan semue an diperintahan ke kayen, hendakalah kayen betutur, ''urang koai adelah hambe an cade beharge. Urang koai hanye melakuan ape an wajib urang koai lakuan. ¹¹ Dalam pejalanan-Nye dap ke Yerusalem,Yesus menyusuri sepanjang perbetosan henrate Samaria wan Galilea. ¹² Wayah mansuk ke sebuah desa, Nye'e betomu juan sepuluh urang kusta an bediri jowoh-jowoh tanggai Nye'e, ¹³ wan sidak mendorok juan suare bogai, ''Yesus, guru kasihilah urang koai!'' ¹⁴ Ketike Yesus meliat sidak, Nye'e betutur ke sidak, ''Pogilah wan tunjuk'an di'i ke imam-imam.'' Wan, ketike sidak dalam pejolanan sidak menjadi tahir. ¹⁵ Ketike salah seikok tanggai sidak meliat bahwe di'inye dah nyaman, nye'e beulang wan memuji Allah juan suare bogai, ¹⁶ lalu besujud di hadapan pehe Yesus wan beterime kasih ke-Nye'e. Urang onan adelah urang Samaria. ¹⁷ Kemudian, Yesus betutur ke urang onan Ukankah ade sepuluh urang an tolah disombohan? Di menekah sembilan urang an lain? ¹⁸ Tidak adekah diantare sidak an beulang engkai memuliean Allah selain urang asing inen? ¹⁹ lalu, Yesus betutur ke nye'e, ''Bangun wan pogilah, iman kolai tolah menyelamatan kolai.'' ²⁰ Ketike ditanyak leh bebeyepe urang Farisi tontang sembile kerajaan Allah bakal datang, Yesus menjawab sidak juan betutur, ''Kerajaan Allah bakal datang mulan tande-tande an dapat keliotan, ²¹ cade bakal ade urang an betutur, ''Liat, Kerajaan Allah ade di seen'' atau 'Kerajaan Allah ade di soon!' Kerene sebonarnye kerajaan Allah ade ditongah-tongah kayen. ²² Kemudian, Yesus betutur ke murid-murid-Nye, ''Bakal tibe wayahnye kayen seje hondak meliat satu hari tanggai hari-hari Anak Mendesie, kaliagak kayen cade dapat meliatnye. ²³ Urang-urang bakal betutur ke kolai, Liat, disoon' atau 'Lihat, di seen!' Akan tetapi, gowoklah kayen pogi wan meikuti urang-urang onan.'' ²⁴ ''Sobab macam kilat an memancar tanggai hujung langit an lain, demikianlah jam Anak Mendesie pade ari-Nye. ²⁵ Kaliagak, Anak Mendesie harus menderite banyak hal terlobih look wan ditulak leh generasi inen. ²⁶ Wan, ma cam an tolah tejadi padre ari-aridi zaman Nuh, be on an bait bakalnye pade ari-ari Nanak Mendesie. ²⁷ Urang-urang makan wan minum, bepepalet wan did pepaleti sampai padre Dari Nuh mansuk ke dalam bahtera wan datanglah banjir bosar lalu membunuh sidak semue. ²⁸ Same halnye an tejadi pade zaman Lot, wayah onan Urang-urang makan, minum, memboli, menjual, menanam wan mebangun. ²⁹ Namun pade ari ketike Lot meninggalkan kota Sodom, api wan belirang garak tanggai langit macam hujan wan mebunuh sidak semue. ³⁰ Beonanlah keadaannye pade ari ketike Anak Mendesie dinyatean. ³¹ Pade ari onan, sape bai an tongah berade di hatap ruah, wan baban-baannye ade di dalam rumah, gowoklah nye'e turun engkai meutiknye; wan sape bai an tongah berade di lakau, gowoklah nye'e pulang. ³² Ingatlah ape an tejadi pade bini Lot! ³³ Sape bai an beusehe memelihare nyawenye, bakal kehilangan nyawenye. Wan sape bai an kehlangan nyawenye, bakal menyelamatannye. ³⁴ Doan betutur ke kayen, pade malam onan bakal ade 2 urang an iduk disebutik keiduk'an. Kaliagak, an seurang bakal diumbai, sedangan an lain bakal ditinggolan. ³⁵ Due betine bakal menggiling gondom besesame. An seurang bakal diumbai, sedangan an lain bakal ditinggolan. ³⁶ Beonan bai due pekereje di lakau, an seurang bakal diumbai, sedangan an lain ditinggolan. ³⁷ Lalu murid-murid betanyak ke Yesus, "Dimene, Duate?" jawab Yesus ke sidak," Di meneh ade bangkai, disoanlah burung elang bakal bekumpul."