¹ Pas salah sikukng dari ikau ade perselisihan jongan ye laitn, opaikah iye berani pogi makai ngogak ka adilan dak adap bale iyakng ye cak bonar ngan bukatn dak adap bale iyakng kudus? ² Opaikah ikau cak panai bahwa bale iyakng kudus akan menghakimik dunie? Man dunie dak hakimik oleh kau, opaikah ikau cak layak makai mengadilik pekare- pekare ye palikng kocit? ³ Opaikah ikau cak panai bahwa kite akan mengadilik bale malaikat? opai gik hanye pekare- pekare biase sahari- hari! ⁴ Jadi, man ikau me adap ik pekare- pekare biase macapm inyak, mai ikau maik e ka bale insie ye cak dak prituk ik dalamp jemaat? ⁵ Aku ngatekan inyak makai ikau malu. Opaikah cak ade iyakng dak antare kau ye bijaksana, ye sangup ngurus pekare- pekare dak antare bale menak an ne? ⁶ Malahan, antare menak an jongan menak an pogi ngogak ka adilin dak adap bale iyakng ye cak pecayak! ⁷ Sebonare , udah jadi ka gagalan bagi kau karna ikau ade pekare-pekare ukupm dak antare ikau. imai ikau cadak lobih suke dak salahkan? Imai ikau cadak lobih suke dak rugikan? ⁸ Sebalik e, ikau soyakng basalah ngan merugikan. Bahkan, ikau melakukan'e terhadap bale menak an kau. ⁹ Opaikah ikau cak panai bahwa iyakng ye cak bonar cak akan mewarisik Kerajaan Allah? inang sosat! bale iyakng cabul, bale penyembah berhala, bale iyang ye berzina, banci, bale homoseksual, ¹⁰ Bale pangolit, bale iyakng ye serakah, bale pemabuk, bale pemfitnah, ngan bale penipu-penipu, bale insie semue cak akan mewarisik kerajaan Allah. ¹¹ Beberopai dari ikau pan be inyak. Man, ikau dah dak barosihik, udah dak kuduskan, ngan udah dak bonarkan dalapm name Tuhatn Yesus Kristus ngan dalapm Roh Allah kite. Jauhiklah perzinaan ¹² Semue hal dak ijitkan bagi kau, tapi cak semue e bagune. Memang semue hal dak ijitnkan bagi kau, tapi aku cak onak dak perhamba oleh oai pun. ¹³ Pemakatnan makai porut, ngan porut makai pemakatnan, tapi Allah akan membinasekan kedue-due e. tubuh bukatnlah makai perzinaan, melaitnkan makai Tuhatn, ngan Tuhatn makai tubuh. ¹⁴ Allah membangkitkan Tuhan ngan inyak akan membangkitkan kite oleh kuase e. ¹⁵ Opaikah ikau cak panai bahwa tubuh kau adelah bale anggota Kristus? Opaikah aku akan ngamik bale anggota Kristus ngan jadikan bale insie bale anggota pelacur? same sekali cadak. ¹⁶ Opaikah ikau cadak panai bahwa iyakng ye mengikatkan iye ka bale pelacur jadi sutik bukakng jongan ne? Sak, iye bekate, "kedue e akan jadi satu dagikng." ¹⁷ Tapi, iyakng ye mengikatkan iye jongan Tuhatn jadi satu roh jongan- Iye. ¹⁸ Jauhiklah perzinaan! setiap dose laitn ye insie lakukan adelah dak luar bukakng e, tapi iyakng ye berzina, bedose terhadap bukakng e soyakng. ¹⁹ Opaikah ikau cadak panai bahwa bukakng kau adelah bait Roh Kudus, ye ade dak dalapm ikau, ye ikau terimak dari Allah, ngan bahwa ikau bukatnlah ade ikau soyakng? ²⁰ Sak, ikau dah dak tobus jongan harge lunas. karne inyak, muliakanlah Allah jongan bukakng e!