¹ Nasihat Mengonak ik Bejadi besuntuk Dah ituk, mengonak ik hal-hal ye ikau tulisik ka aku: adelah baik bagi delaki- delaki makai cak nyegolik batinak. ² Tapi, karne ade perzinaan, setiap delaki- delaki sebaik e ade bini soyakng ngan setiap batinak ade laki soyakng. ³ Laki e arus monuhik kewajiban ne terhadap bini e, jadi benyak jam bini e terhadap laki e. ⁴ Bini e cak bekuase pucuk bukakng e soyakng, melaitnkan laki e. Benyak jam laki e bekuase pucuk bukakng e soyakng melaitnkan bini e. ⁵ Inanglah ikau salikng nyauhik, kecuali jongan pesetujuan besame makai sementare waktu agar ikau leluasa munyuk ik waktu kau makai berdoa. Okak nyak, iduplah besame- same agik makai Iblis cak ngacau ik kau karne ke cak mampuan dalapm pengendalian diri. ⁶ Tapi aku mengatekane inyak sebagai kelungaran, bukatn sebagai penyiuh. ⁷ Aku ba arap ka semue iyakng be aku soyakng. setiap iyakng ade karunia e soyakng dari Allah, ye sikukng dalapm hal inyak, ngan ye laitn dalapm hal ituk. ⁸ Ka iyakng ye cak bejadi ngan bale balu, aku mengatekan bahwa lobih baik bagi bale insie man totap dalapm ka adaan macapm aku. ⁹ Tapi, man bale insie cak bise mengendalikan diri, sebaik e bale insie bejadi. Sak lobih baik bejadi dari pada kecuculun oleh hawa nafsu. ¹⁰ Ka iyakng ye bejadi, aku unyuk ik perintah- perintah ituk ( bukatn dari aku, melaitnkan dari tuhatn), nyam bini cak dapat ningalkan laki e, ¹¹ (tapi man iye dah telanyur ningalkan laki e, iye arus tetap cak bejadi, atau pulakng dak damaikan jongan laki e), ngan laki e cak dapat nyayakan bini e. ¹² Ka iyakng ye selobih e,aku mengatekan (aku, bukatn tuhatn) bahwa kalau ade menak an ade bini ye cak pecayak, ngan betinak inyak onak idup besame e, inanglah iye nyayakkan bini e inyak. ¹³ Benyak jam man batinak ade laki e ye cak pecayak, ngan delaki- delaki inyak onak idup besame e, inanglah iye ningalkan laki e inyak. ¹⁴ Karne laki e ye cak pecayak inyak dak kuduskan oleh bini e, ngan bini e ye cak pecayak dak kuduskan oleh laki e. man cak modal inyak, anak- anak kau adeah anak- anak najis, tapi dah ituk bale insie kudus. ¹⁵ Tapi, man cak pecayak inyak onak bepisah, biarkan iye bepisah. Dalapm hal macam inyak, bale delaki atau bale betinak cak gik terikat. Tapi Allah udah nongkau kite makai idup dalapm damai sejahtera. ¹⁶ Karne bini, bopai ikau panai kalau-kalau ikau akan menyelamatkan laki kau? atau, bopai ikau panai, ye laki, kalau- kalau ikau akan menyelamatka bini kau. Totap dalapm Keadaan Pas Dak tongkau Allah ¹⁷ Tapi, macapm ye dah tuhatn totapkan makai setiap iyakng, bopai pan Allah udah nongkau bale insie masikng- masikng, totaplah idup dalapm keadaan modal inyak. Modal inyak jam aku suruh ik ka semue jemaat. ¹⁸ Opaikah ade iyakng ye dak tongkau iye dah dak sunat? inanglah iye melosikan tane- tane sunat e. ade cai iyakng ye pas dak tongkau iye opan besunat? inanglah iye dak sunat. ¹⁹ Sak, besunat ngan ye cak besunat caklah pontikng. Tapi ye pontikng adelah ketaatan terhadap bale perintah Allah. ²⁰ Setiap iyakng arus tingal dalapm kaadaan macapm be iye dak tongkau. ²¹ Opaikah ikau sikukng budak pas dak tongkau? inang ikau ngewatirkan hal inyak. Tapi, man ikau pan dapat jadi iyakng ye merdeka, lobih baik gunekanlah kesompatan inyak. ²² Sak iye ye pas dak tongkau dalapm Tuhatn adelah budak, iye adelah iyakng merdeka milik Tuhatn. man modal inyak, pas iyakng ye merdeka dak tongkau, iye adelah budak Kristus. ²³ Ikau udah dak tobus jongan harge lunas, karne inyak inanglah ikau jadi budak insie. ²⁴ Bale menak an, hendaklah setiap iyakng totap tingal besame Allah, dalapm kaadaan pas iye dak tongkau. Nasihat bagi iyakng ye Opan Bejadi ²⁵ Dah ituk tontakng bale iyakng ye opan kolak bejadi, aku cak ade perintah dari tuhatn. Tapi, aku munyuk ik pemadahan ku sebagai iyakng, ye oleh bolas kasihan Tuhatn, dapat dak pecayak. ²⁶ Aku ngangap hal inyak baik dalapm kaadaan uyuh saat ituk, ye lobih baik bagi insie makai totap tingal macamp opai ade e. ²⁷ Opaikah ikau terikat jongan sikukng bini? inanglah mengusahakan sayak. Opaikah ikau opatn terikat jongan bini? inanglah ikau ngogak bini. ²⁸ Tapi, man ikau bejadi, ikau cak bedose. Ngan pas ade cewek bejadi, iye cak bedose. Tapi, bale insie ye bejadi akan mengalamik keuyuhun- keuyuhun idup duniawi, ngan aku onak ikau jauh dari hal- hal inyak. ²⁹ Bale menak an, maksudku adelah waktu e udah singkat. jadi mulai ituk, biaram bale insie ye ade bini, iduplah seolah- olah bale insie ck ade iye, ³⁰ bale insie ye nangis seolah- olah cak nangis, bale insie ye besukacita seolah- olah cak besukacita, bale insie ye moli seolah- olah cak ade, ³¹ ngan bale insie ye makai hal- hal dunia inyak, seolah- olah cak ngunekan ne. Sak, kaadaan dunia agik lonyap. ³² Aku onak ikau lopas dari kekhawatiran. Iyakng ye cak bejadi memikirkan hal- hal mengonak ik Tuhatn, bopai iye dapat menyonangkan Tuhatn. ³³ Tapi, iyakng ye bejadi memikirkan hal- hal duniawi, bopai iye dapat menyonangkan bini e, ³⁴ ngan perhatian ne tebagi- bagi. Batinak ye cak bejadi ngan bale cewek mengkhawatirkan hal- hal mengonak ik Tuhatn makai iye jadi kudus, baik tubuh ngan roh e. Tapi, batinak ye bejadi mengkhawatirkan hal- hal dunie inyak, bopai iye dapat menyonangkan laki e. ³⁵ Aku mengatekan hal inyak makai keuntukngan kau soyakng, bukatn makai nyimpatn jorat pucuk kau, melaitnkan makai hal ye baik makai pelayanan kau ka Tuhatn cak teganguk. ³⁶ Man ade iyak ye ngangap bahwa iye udah melakukan hal ye cak pantas terhadap cewek e karne cewek e inyak udah lewat umur ngan macapm inyaklah seharuse, biaram iye melakukan opai ye dak onak kane, iye cak bedose; biar bale insie bejadi. ³⁷ Man, iye ye udah mantap dalapm hati e, cak agik dak bobah paksaan, ade kuase atas paonak e soyakng, ngan udah memutuskan dalapm ati e makai cak bejadi ngan cewek inyak, maka e iye pan bertindak ngan baik. ³⁸ Jadi, man iye bejadi ngan batinak inyak iye berbuat bonar, tapi man iye cak bejadi ngan batinak inyak, perbuatan ne inyak pan baik. ³⁹ Bini e terikat selame laki e gik idup. Tapi man laki e dah mati, iye bebas makai bejadi jongan sopai pan ye dak inginkane, asalkan inyak dak dalapm Tuhatn. ⁴⁰ Tapi, menurut pamikiran ku, iye akan lobih bahagia man iye totap dalamp kaadaane, ngan menurutku, aku pan ade Roh Allah.