¹ Pas, waktu aku datakng ka ikau, bale menak an, aku cak datakng jongan kehebatan kate- kate atau hikmat makai menceritekan rahasia Allah ka ikau. ² Sak, aku memutuskan makai cak ngepanai ik opai pan dak antare ikau selaitn mengenaik Kristus Yesus, nyak Iye ye dak salibkan. ³ Aku besame jongan kau dalapm kalomahan, dalapm kagolak an, ngan haje gontar. ⁴ Omongan ku ngan pemadahan ku bukatn dalapm kate- kate hikmat ye menyakitn kan, tapi jongan bukti Roh ngan kuase, ⁵ Makai iman kau cak bedasar ka hikmat insie, melaitnkan ka kuase Allah. Allah Menunyu ik Hikmat- Ye Melaluik Roh ⁶ Kami mengatekan hikmat dak antare ye dewasa, tapi bukatn hikmat zaman ituk atau dari penguase- penguase zaman ituk ye akan dak binase ik, ⁷ Melaitn ik kami mengate ik hikmat Allah dalapm rahasia, hikmat ye dak tapuk ik, ye Allah totap ik sebolupm permulaan zaman bagi kemuliaan kite. ⁸ Cak ade penguase- penguase zaman inyak ye ngonale. Sak jika bale insie mengonale, bale insie cak akan kolak menyalib ik Tuhatn ye mulia. ⁹ Lalu, be ye tetulis, " opai ye mate cak kolak nongan, ngan kelinakng cak kolak ningai, ngan cak kolak timul dalapm ati insie, semue inyak Allah dah nyedie ik bagi bale insie ye mengasih ik- Iye." ¹⁰ Lalu, Allah dah mengate ik hal- hal inyak ka kite melalu ik Roh karne menyelidik ik semue hal, bahkan kadalapm Allah. ¹¹ Sak, sopai dak antare insie ye ngepanai ik hal- hal dari insie selaitn roh insie ye ade dak dalapm me? laitn pan, cak ade sikukng pan ye ngepanai ik hal- hal dari Allah selaitn Roh Allah. ¹² Dah ituk, kite dah nerimak, bukatn roh dari dunie, melaitn kan roh ye dari Allah makai kite dapat ngemanai ik hal- hal ye dak anugrah ik Allah ka kite. ¹³ Hal- hal ye kami omong ik ituk, bukatn dalapm kate- kate ye dak ajarik oleh hikmat insie, melaitnkan hikmat , melaitnkan ye dak ajarik oleh roh jongan membanik ik hal- hal ye rohani jongan ye rohani. ¹⁴ Lalu, insie ye cak rohani cak menerimak hal- hal ye asale dari Roh Allah karne hal inyak merupe ka buduan bagi iye. Iye cak dapat memahapmik ye karne hal- hal inyak hanye dapat dak nilai secare rohani. ¹⁵ Insie ye rohani menilai semue hal, tapi iye soyakng cak dak nilai oleh sopai pan. ¹⁶ Sak, "Sopaikah ye ngemanai ik pikiran Tuhatn angar kun dapat madah ik Iye?" Tapi, kami ade gerayakng Kristus.