¹ Paulus, dak tongkau nyadi murid Yesus Kristus oleh paonak Allah, ngan Sostenes, menak an kite. ² Ka jemaat Allah ye ade dak Korintus, makai bale insie ye dak kudus ik dalapm Kristus Yesus, ye dak tongkau makai nyadi bale iyakng kudus besame semue iyakng dak setiap tompat ye nongkau name Tuhatn kite Yesus kristus, baik dak tompat bale insie atau pan kite. ³ Anugerah makai kau ngan damai sejahtera dari Allah Bapa kite ngan Tuhatn Yesus Kristus. Paulus Basyukur Ka Allah ⁴ Aku selalu ngucap Syukur ka Allah ku mengonak ik ikau karne anugerah Allah ye dak unyuk ka ikau dalapm Yesus Kristus, ⁵ Bahwa dalapm segale hal, ikau dak pakare dalapm iye, dalapm semue paromongon, ngan semue pemanaian, ⁶ Same be kesaksian mengonak ik Kristus dah dak toguhkan dalapm ikau. ⁷ Jongan inyak, ikau cak akan kekurakngan dalapm sutik karunie pan sementare ikau nunguk penyataan Tuhatn kite, Yesus Kristus, ⁸ Ye pan manoguh ik ikau sampai ka okak e makai ikau cak bercela pas ari Tuhatn kite Yesus Kristus. ⁹ Allah inyak setie, oleh- nyak ikau dak tongkau ka dalapm persekutuan jongan Anak-Iye. Kristus Yesus, Tuhatn kite. Pamisahan dalam Jemaat ¹⁰ Ituk, aku madah ik kau, bale menak an, demi name Tuhatn kite Yesus Kristus makai yukng kau semue mengatekan hal ye same makai cak ade pemisahan- pemisahan dak antare ikau, melainkan makai ikau dak longkap ik dalapm pikiran ye same ngan dalapm pendapatan ye same. ¹¹ Sak dah dak padah ik ka aku mengonak ik ikau, bale menak an ku, keluarga Kloe, bahwa ade pekelaian dak antare kau ¹² Maksudku ituk adelah ikau masikng- masikng bekate,"Aku dari Paulus," ngan,"Aku dari Apolos," ngan," Aku dari Kefas," ngan," Aku dari Kristus. ¹³ Opaikah Kristus tebagi- bagi? Opaikah Paulus dak salib ik makai kau? Atau, opaikah ikau dak baptis dalapm name Paulus? ¹⁴ Aku basyukur ka Allah bahwa aku cak membaptis sikukng pan dari ikau, kecuali Krispus ngan Gayus, ¹⁵ Maka e nang ade sutik pan ye dapat mengatekan bahwa ikau dak baptis dalapm nameku. ¹⁶ Aku pan membaptis ik seisik umah Stefanus; selobih e, aku cak panai opaikah aku dah membaptis iyakng ye laitn ne. ¹⁷ Sak, Kristus cak nyuruh aku makai membaptis, tapi makai madah ik Injil bukatn dalapm hikmat kate- kate makai salib Kristus cak dak pulah sia- sia. Kuase ngan Hikmat Allah ¹⁸ Sak, omongan tentakng salib adelah kabanuk un bagi bale insie ye gik binase, tapi bagi kite ye dak salamatkan, hal inyak adelah kekuatan Allah. ¹⁹ Sak, ade Tetulis, "Aku akan ngancurkan hikmat iyakng ye bijaksana, ngan kepintaran iyakng ye panai, Aku akan menolak e. ²⁰ Dak monai beh iyakng ye bijak? Dak monai beh ahli Taurat? Dak monai beh ahli debat zaman ituk? ce e Allah dah mulah bodo hikmat dunia inyak? ²¹ Karne dalamp hikmat Allah, dunie melalu ik hikmat e cak ngonal Allah, maka e Allah berkenan melalu ik ka banuk un pemadahan Injil makai menyelamatkan ye mempecayak ik ye. ²² Sak, bale iyakng Yahudi mintak tane- tane ngan bale iyakng Yunani ngogak hikmat. Tapi, kami menceritekan ²³ Kristus ye dak salibkan, ye bagi bale iyakng Yahudi sutik batu sandungan, ngan bagi bale iyakng bukatn Yahudi, kabodo. an ²⁴ Lalu, makai bale insie ye dak tongkau,baik bale iyakng Yahudi ngan bale iyakng Yunani, Kristus adelah kekuatan Allah ngan hikmat Allah. ²⁵ Karne ye bodo dari Allah adelah lobih bijaksana daripade insie, ngan ye lomah dari Allah adelah lobih kuat daripade insie. ²⁶ Tonganlah kaadaan kau waktu ikau dak tongkau, bale menak an, cak banyak ye bijaksana menurut dagikng, cak banyak ye bekuase, cak banyak ye tepanakng, ²⁷ Tapi Allah dah milih ye bodo dari dunie makai mempemalu ik ye bijaksana, ngan Allah milih opai ye lomah dari dunie makai mempemalu ik ye kuat. ²⁸ Lalu, Allah milih ye cak tepanakng dari dunie ngan tepanakng bobah, ngan hal- hal ye cak bearti, makai caditn hal- hal ye bearti, ²⁹ Makai setiap insie cak dapat bermegah dak depan Allah. ³⁰ Oleh karne Iye, ikau ade dalapm Yesus Kristus, ye makai kite dak nyadi ik hikmat,kabonaran, kekudusan, ngan penobusan dari Allah, ³¹ Macapm be ye tetulis,"biaram iyakng ye memegahkan dirik, bermegah dalapm tuhatn."