¹ Man, Bale menak an, aku cak dapat ba omong panir ka ikau macapm ka segale insie ye rohani, melaitnkan kak segale insie duniawi, nyak be ka bale anak biak dalapm Kristus. ² Aku munyuk ik ikau minum susu, bukatn pemakatnan nak,karne ikau opatn mampu ak. sampai dah ituk kau pan opatn mampu ak. ³ Karne ikau agik duniawi. Sak, golak ade iri ati ngan perselisihin dak antare ikau, cek e ikau agik duniawi ngan idup secare insie? ⁴ Sak, pas insie bekate, "Aku dak pihak Paulus,'' ngan ye laitn,"Aku dak pihak Apolos,"cek e inyak ba arti ikau adelah insie? ⁵ Lalu, sopai Paulus inyak? Hamba- hamba ye oleh nyak ikau nyadi pacayak macapm ye Tuhatn karunia ik ka masikng- masikng. ⁶ Aku menanam me, Apolos menyirapm me, tapi Allah ye menumuh ik. ⁷ Jadi, bukatn ye menanam me, ngan bukatn ye menyirapm me, melaitn kan Allah ye menumuh ik. ⁸ Iyakng ye menanam me ngan ye nyirapm me adelah satu, ngan masikng- masikng akan nerimak upah e soyakng sesuai jongan usaha e soyakng. ⁹ Sak, kami adelah ka'atn sekeroje Allah; ikau adelah lakau Allah, bangunan Allah. ¹⁰ Sesuai jongan anugrah Allah ye dak karunia ik ka ikau, be insie ahli bangunan ye terampil, aku mobah ik fondasi ngan ye laitn membangun dak pucuk e. Lalu, setiap iyakng arus dak tongan nik bopai iye membangun dak pucuk e. ¹¹ Sak, cak ade sikukng pan ye dapat mobah ik fondasi ye laitn selaitn ye dak obah ik, nyak am Kristus Yesus tin. ¹² Man ade insie ye membangun dak pucuk fondasi inyak jongan emas, perak, batu- batu baroge, kayu, rumput, jerami, ¹³ Karoje ye dak lakukan setiap iyakng akan jelas karne ari itukakan menyatekan nejongan api, ngan api inyak soyakng akan encube bopai jenis pakarojaan setiap iyakng. ¹⁴ Man keroje ye dah insie nyak bangun ik batahatn, Iye akan nerimak upah. ¹⁵ Man karoje iyakng inyak kecuculun semue, iye akan menderite kerugien ne, walau pan macapm inyak, iye soyakng akan dak salamat ik, tapi keadaane be melalu ik api. ¹⁶ Cak panai ak pai ikau an bahwa ikau adelah Bait Allah ngan Roh Allah tingal dak dalapm kau? ¹⁷ Man ade insie mengancurik Bait Allah, Allah akan mengancurik iye karne Bait Allah adelah kudus, nyam ikau tin. ¹⁸ Inang ade iyakng ye nipu ik iye soyakng. Man ade iyakng dak antare kau ngire bahwa iye bijaksana zaman ituk, biaram iye nyadi bodo makai iye dapat nyadi bijaksana. ¹⁹ Sak hikmat dunie inyak adelah kabanuk un dak adap Allah. Sak, ade tetulis, "iyelah ye nangkap iyakng bijaksana dalapm kelici in bale insie," ²⁰ Ngan agik," Tuhatn ngepanai ik pikiran- pikiran iyakng ye bijaksana, semue e adelah sia-sia." ²¹ Karne inyak, inang ade sikukng pan ye bermegah dalapm manusie. Sak, segale sesuatu adelah umpuk kau, ²² Baik Paulus,Apolos, ngan Kefas, baik dunie, baik idup ngan mati,baik hal- hal ye dah ituk ngan hal- hal ye akan datakng; semue adelah umpuk ikau. ²³ Ngan, ikau adelah umpuk Kristus, ngan Kristus adelah umpuk Allah.