¹ Kasih Man aku dapat ngomong dalamp bahasa- bahasa insie ngan bale malaikat, tapi cak ade kasih, aku adelah gong ye bebunyi ngan canang ye gemerencing. ² Man aku ade karunie bernubuat ngan ngemanai ik semue rahasie ngan semue pemanaian, tapi man aku ade semue iman makai meminahkan gunung- gunung, tapi cak ade kasih, aku bukatnlah opai- opai. ³ Man aku munyukan semue hartekan makai munyuk makatn ka iyakng miskitn, ngan menyerahkan tubuhku makai makai dak bakar, tapi cak ade kasih, sikit pan cak cak ade gune e bagiku. ⁴ Kasih tik sabar ngan murah ati, kasih tik cak cemburu, cak memegahkan dirik, ngan cak somukng, ⁵ cadak melakukan ye cak pantas, cak ngogak kepontikngan soyakng, cak mudah godik, cak memperitukngkan kesalahan iyakng laitn, ⁶ cak bersukacita sak cak kebonaran , melaitnkan barsukacita besame kebonaran. ⁷ Kasih inyak tahatn menangukng segale sesuatu, mempecayak ik segale sesuatu, mearapkan segale sesuatu, ngan sabar menangukng segale sesuatu. ⁸ Kasih cak kolak berakhir. Tapi, kalau ade nubuatan-nubuatan, akan dak losikan; kalau ade bahasa-bahasa, akan akan dak bontikan; tapi man ade pemanaian, akan dak losikan. ⁹ Sak kite ngepanai ik sebagian inyak ngan kite bernubuat sebagian ne. ¹⁰ Tapi pas ye sempurna tibe, ye sebagian inyak akan dak losikan. ¹¹ Waktu aku agik biak aku ngomong macapm anak biak, aku bapikir macamp anak biak, ngan mengituk macamp anak biak. Pas aku jadi dewasa, aku ningalkan hal- hal ye macapm bale anak biak inyak. ¹² Karne dah ituk kite nongan dalapm cermin secare samar- samar, tapi okak nyak muke jongan muke. dah ituk aku hanya mengonal sebagiane, tapi okak nyak aku akan mengonal seponuh e. ¹³ Jadi, dah ituk ketige hal inyak ye totap tingal yaitu iman, pengharapan, ngan kasih; ye tesebar dari ketige e adelah kasih.