¹ Dah ituk, mengona ik karunie- karunie rohani, bale menak an, aku cak onak ikau cak ngepanai ik. ² ikau panai bahwa pas ikau agik jadi bale iyakng ye opatn mengonal Allah, ikau dak sosatkan ka antu jolu bisuk,macapm opai ikau dak pimpin. ³ Karne inyak, aku madah ik ka ikau bahwa cak sikukng pan, ye ngomong ngan Roh Allah, ye bekate,"Yesus terkutuk,'' ngan cak ade sikukng pan ye dapat bekate, "Yesus adelah Tuhatn," selaitn ngan Roh Kudus. ⁴ Ade bemacapm Karunie rohani, tapi Roh e same. ⁵ Ngan, ade bemacapm pelayanan, tapi Tuhatn ne same. ⁶ Ade bemacapm pekerojaane, tapi Allah ye same mengerojekan segale sesuatu e dalapm semue iyakng. ⁷ Ka setiap iyakng dak karunie ik penyate an Roh makai kebaikan besame. ⁸ Ka iyakng ye sikukng dak unyuk ik kate- kate hikmat melalu ik Roh ngan ka insie ye laitn kate- kate pemanaian oleh Roh ye same. ⁹ Ka insie ye laitn dak unyuk ik iman oleh Roh ye same, ka insie ye laitn karunie- karunie penyembuhun oleh Roh ye sutik inyak. ¹⁰ Ka insie ye laitn dak unyuk ik pegaenen- pegaenen mukjizat, ka insie ye laitn nubuatan. Ka insie ye laitn dak unyuk ik makai membedakan roh- roh, ka insie ye laitn bemacapm bahasa lidah, ngan ye laint meartikan bahasa- bahasa lidah inyak. ¹¹ Semue e inyak dak kerojekan oleh Roh ye sutik ngan ye same, ye magi ik ka masikng- masikng iyakng, macapm be Iye kehendak ik. Setiap Iyakng Pecayak adelah Bagian dari Tubuh Kristus ¹² Same macapm tubuh adelah sutik, tapi ade banyak anggota, ngan semue anggota tubuh, walaupan banyak, adelah sutik tubuh, macapm inyaklah Kristus. ¹³ Sak, oleh sutik Roh, kite semue udah dak baptis ka dalapm sutik tubuh, baik iyakng Yahudi ngan iyakng Yunani, baik budak ngan iyakng merdeka, ngan kite semue dak unyuk ik minum dari sutik Roh. ¹⁴ Karne tubuh cak tediri dari sutik anggota, tapi banyak anggota. ¹⁵ Man kaki bekate,"Karne aku bukatn tangan, jadi aku bukatn bagian dari tubuh,"cak bearti iye bukatn bagian tubuh. ¹⁶ Lalu, man kelinakng bekate," karne aku bukatn mate, aku bukatn anggota tubuh,'' cak bearti iye bukatn bagian dari tubuh. ¹⁷ Man semue tubuh adelah mate, dak monaikah peningaian? Man semue e adelah kelinakng, dak monaikah penciumun? ¹⁸ Tapi, dah ituk Allah udah meniapmkan anggota- anggota inyak, setiap iyakng dari bale insie, dak dalapm tubuh, bopai macampm Iye kehendak ik. ¹⁹ Man semue e adelah sutik anggota, dak monaikah tubuh? ²⁰ Jadi memang ade banyak anggota, tapi hanya sutik tubuh. ²¹ Sak inyak, mate cak bise bekate ka tangan,'' Aku cak akan memerlukan kau!"Atau agik kepale ka kaki," Aku cak memerlukan kau!" ²² Sebaik e, anggota-anggota tubuh ye tampak e lobih lomah sebonar e ye palikng dak perlukan. ²³ Ngan anggota- anggota tubuh ye kite gerayakng ik kurakng terhormat, justru unyuklah penghormatan lobih. ngan, anggota- anggota tubuh, ye kite anggap kurakng layak tampil arus dak buat makai lobih layak tampil, ²⁴ Karne bagian- bagian ye udah layak tampil cak memerlukane. Tapi, Allah udah mengatur tubuh inyak jongan munyuk ik penghormatan lobih bosar ka bale anggota- anggota ye kekurakngan, ²⁵ Makai cak ade masalah dalapm tubuh, melaitnkan makai anggota- anggota inyak dapat memperhatikan sutik ngan ye laitn. ²⁶ Man sutik anggota menderite, semue anggota menderite besame e. Man sutik anggota dak muliekan, semue anggota bersukacita besame e. ²⁷ Dah ituk ikau adelah tubuh Kristus ngan ikau masikng- masikng adelah anggota- anggota e. ²⁸ Allah udah menotapkan dalapm jemaat, pertame adelah bale rasul, kedue adelah bale nabi, ketige adelah bale guru, Opas nyak mukjizat- mukjizat, karunie- karunie penyembuhan, pertolongan, kepemimpinan, ngan bemacapm- macapm bahasa. ²⁹ Opaikah semue e murid? Opaikah semue e nabi? Opaikah semue e guru? Opaikah semue e adelah pemulah mukjizat? ³⁰ Opaikah semue e ade karunie penyembuhan? Opaikah semue e ngomong jongan bahasa- bahasa? Opaikah semue e meartikan? ³¹ Tapi, onak kanlah jongan sunguh- sunguh karunie- karunie ye paling bosar. ngan, aku akan menunyukan ka ikau jalatn ye jauh lobih baik.