¹ Jadilah insie ye menurut ik teladanku, macapm aku ke Kristus. Tane Kekuasaan ² Saat ituk, aku muji kau sak ikau mengingantku dalapm segale hal ngan bepijakng tradisi-tradisi macapm ye ku padah ke ikau. ³ Tapi aku onak ikau ngaroti bahwa kepale setiap bale delaki adelah Kristus, kepale bale betinak adelah bale delaki, ngan kepale Kristus adelah Allah. ⁴ Setiap lelaki ye berdoa ngan bernubuat jongan kepale ye betudukng cak menghormati kepale e. ⁵ Tapi, setiap betinak ye berdoa atau bernubuat jongan kepale ye cak betudukng, menghine kepale e, hal ituk same macapm kepale e dicukur. ⁶ Sak, kalau sikukng betinak cak nudukng ik kepale, culut um iye pun nguntikng semue ramut e. Tapi, kalau memalukan bagi sikukng betinak nguntikng ramut atau mencukur kepale e, culut um iye nudukng ik kepale e. ⁷ Bale delaki cak dapat nudukng ik kepale e sak iye adelah gamaran ngan kemuliaan Allah. Tapi, betinak adelah kemulian bale delaki. ⁸ Bale delaki cak berasal dari betinak, tapi betinak berasal dari lelaki. ⁹ Ngan, bale delaki cak dak ciptakan makai betinak, tapi, betinak makai bale Delaki. ¹⁰ Inyaklah sobab e, betinak harus ade tane kekuasaan di kepale e sak bale malaikat. ¹¹ Man macapm benyak, dalapm Tuhatn, cak ade betinak tanpa bale lelaki, atau delaki tanpa betinak. ¹² Sak, betinak berasal dari delaki, benyak jam delaki lahir melalu ik betinak. Ngan, segale sesuatu berasal dari Allah. ¹³ Petimakngkan am soyakng, opai kah pantas bagi sikukng betinak makai berdoa ke Allah ngan kepale ye cak betudukng? ¹⁴ Cek e alapm soyakng mengajar ik ke ikau man bale delaki ade ramut panyakng, hal inyak merupakan penghinean bagi e? ¹⁵ Tapi, man betinak ade ramut panyakng, hal inyak adelah kemuliaan bagi e: Sak, ramut e inyak diborik kan ke iye sebagai penudukng. ¹⁶ Kalau ade iyakng ye mogal onak membantah, kami cak ade kebiasaan inyak, walaupun model inyak jemaat Tuhatn. Hal-Hal ye Salah dalapm Perjamuan Kudus ¹⁷ Dalapm munyuk kan perintah inyak, aku cak memuji kau sak ikau bekumpul bukatn makai hal ye lobih baik ak, tapi makai hal ye lobih jahat. ¹⁸ Pertame, pas ikau bekumpul sebagai jemaat, aku ningai bahwa ade masalah di antara ikau. Ngan, ikau mempecayak e sebagian. ¹⁹ Sak, arus ade perpecahan dak antare ikau makai bale insie ye tebukti tahatn uji jadi jelas dak antare ikau. ²⁰ Waktu ikau bakumpul dak tompat ye same, hal inyak bukatnlah makai makatn perjamuan Tuhatn. ²¹ Karne pas makatn, setiap iyakng ngamik lobih oluk pemakatne soyakng sampai ade ye kelaparan ngan ye laitn ne mabuk. ²² Mai ikau cak ade umah makai makatn ngan minum? Atau opaikah ikau menghina jemaat Allah ngan mempemalukan bale insie ye cak ade opai- opai? opai ye arus ku katekan ka ikau? arus pai aku muji kau? Tontu e cadak. ²³ Karne, aku nerimak dari tuhatn opai ye aku unyukan ka ikau, bahwa Tuhatn Yesus, pas malapm inyak iye dak hianat ik, ngamik roti, ²⁴ ngan dah ngucap syukur, Iye memocah- mocahkane ngan bekate," Ituklah tubuhku, ye makai ikau; lakukanlah jadi peringatan akan aku." ²⁵ Okak nyak, Iye ngamik cawatn dah makatn lalu bekate,'' cawatn ituk adelah perjanjian baru ye dalapm darahku. perbuatlah ituk, setiap kali ikau minum e, jadi peringatan akan Aku." ²⁶ Sak, setiap kali ikau makatn roti inyak ngan minum cawatn ituk, ikau menceritekan kematian Tuhatn sampai Iye datakng. ²⁷ Karne inyak, sopai ye makatn roti atau minum cawatn Tuhatn ngan care ye cak layak, iye besalah terhadap tubuh ngan darah Tuhatn. ²⁸ Insie arus nguji diri e soyakng, man modal inyak biaram iye makatn roti ngan minum dari cawatn inyak. ²⁹ Sak, iyakng ye makatn ngan minum tanpa ngakuk ik tubuh Tuhatn, iye mendatakngkan ukupm mun pucuk iye. ³⁰ Ituklah sobab e, mai banyak dak antare ikau ye lomah ngan sakit, bahkan banyak ye mati ³¹ pi, man kite menilai diri kite soyakng ngan bonar, kite cak akan dak ukupm. ³² Tapi, waktu kite dak ukupm, kite dak didik oleh Tuhatn makai kite cak dak ukupm besame- same jongan dunie. ³³ Jadi bale menak an ku, pas aku bakumpul makai makatn, salikng menunguk. ³⁴ Kalau ade iyakng ye kelaparan, baiklah iye makatn oluk dak umah e makai inang ikau bakumpul makai penghakiman. ngan, hal- hal laitn akan aku atur pas aku datakng.