¹ Sak, aku cak onak ikau cak ngepanai ik ye, bale menak an, bahwa bale inik moyang kite, semue ye ade dak bobah awatn ngan semue ye melalu ik laut. ² Bale insie semue dak baptis dalapm Musa, dak dalapm awatn ngan dak dalapm laut. ³ Bale insie semue makatn pemakatnan rohani ye same, ⁴ ngan semue ye minum peminumun rohani ye same. Sak bale insie minum dari batu rohaniye pogi besame bale insie, ngan batu inyak adelah Kristus. ⁵ Meskipun modal inyak, Allah cak berkenan ngan sebagian bosar dari bale insie. karne inyak, bale insie dak tewaskan dak padang belantara. ⁶ Dah ituk, hal- hal inyak dak jadikan contoh bagi kite makai kite cak jadi iyakng ye bekeinginan jahat bopai pan bale insie menginginkane. ⁷ Inang jadi penyembah antu jolu macapm beberopai dari bale insie, macapm ye tetulis, "Bangsa inyak duduk makai e makatn ngan minum, pas inyak bangkit makai bajal." ⁸ Inang kite ngerojekan perzinaan macapm ye di kerojekan beberopai dari iyakng sampai 23 ribu iyakng mati dalapm seari. ⁹ Kite pan cak dapat encube ik Tuhatn, beberopai dari iyakng nak encube ik ngan membinasekan oleh ular-ular. ¹⁰ Inang ikau besungutn-sungutn beopai bale insie pan besungutn-sungutn ngan dak binase kan oleh malaikat maut. ¹¹ Hal-hal ituk tejadi pucuk bale insie macapm contoh ngan dak tuliskan sebagai peringatan makai kite, ye ka sopai akhir zaman udah datakng. ¹² karne inyak, culut um iyakng ye nyangkak kalau iye toguh bediri ati-ati makai iye cak jatuk! ¹³ Caditn ak pencobaan ye kolak ninih kau kecuali pencobaan ye biase bagi insie. Ngan Allah adelah setia, Iye cak bakalan membiarkan ikau dicube melobih ik kemampuan kau. Tapi, besame jongan pencobaan inyak, Iye pan akan meyiapkan jalatn keluar makai ikau dapat nangukng e. ¹⁴ Karne inyak, bale menangk an ku ye terkasih, jauhkanlah ikau dari penyembahan antu jolu. ¹⁵ Aku ngomong macapm iyakng ye bijaksana, petimakngkanlah opai ye ku omongkan. ¹⁶ Cek e cawatn berkat ye kite syukur ik inyak adelah persekutuan dalapm darah kristus? Ngan, cek e roti ye kite pocahkan tuk adelah persekutuan dalapm tubuh kristus? ¹⁷ karne ade sutik roti, maka e kite ye banyak ituk adelah sutik tubuh; karne kite semue menjadi bagian dari sutik roti inyak. ¹⁸ Tongan am bale iyakng israel, bukatnkah bale iyakng ye makatn persembahan ngamik bagian dalapm altar? ¹⁹ Jadi, opailah maksudku?Opaikah pemakatn an ye dak persembahkan ke antu jolu adelah sesuatu? Atau, opai kah antu jolu adelah sesuatu? ²⁰ Cadak. Aku madah kau bahwa hal-hal ye bangsa-bangsa laitn kurbankan, bale iyakng mengorbankan e makai roh-roh jahat, bukatn makai Allah. Ngan, aku bolek ikau bersekutu jongan roh-roh jahat. ²¹ Ikau cak dapat minum cawatn Tuhatn ngan cawatn roh-roh jahat. Ikau cak bise menjadi bagian dari jamuan Tuhatn ngan jamuan roh-roh jahat. ²² Atau, opaikah kite membangkitkan kecemburuan Tuhatn? Opaikah kite lobih kuat dari pada Iye? Hidup untuk Memuliakan Allah ²³ "Segale sesuatu di dapatkan," tapi cak semue e begune. "Segale sesuatu dak dapatkan," tapi cak semue e membangun. ²⁴ Inang ade sutik pun ye ngogak kebaikan makai masikng-masikng, melaitnkan kebaikan yakng laitn. ²⁵ Makatn am opai ye dak jual dak pasar dagikng tanpa memeriksa e, demi ati nurani. ²⁶ karne, bumi ngan semue isik e adelah umpuk Tuhatn. ²⁷ Man insie ye opatn pecayak ngunakng kau ngan ikau siap makai pogi, makatnlah opai ye dak ontakan dak adap kau tanpa merikse e, demi ati nurani. ²⁸ Mun, ade iyakng bekate ke ikau, "Pemakatn an ituk dah dak persembahkan ke antu jolu," inang ikau makatn, demi iyakng ye madah kau inyak ngan demi ati nurani. ²⁹ Maksudku, bukatn demi ati nurani kau soyakng, tapi ati nurani iyakng laitn. Imai kebebasanku dak tontukan oleh ati nurani iyakng laitn? ³⁰ Man aku ngamik bagianku jongan omongan syukur, imai aku dak salahkan sak makatnan ye pucuk e aku meucapkan syukur? ³¹ Jadi, tah ikau makatn atau minum, atau opai pun ye ikau kerojekan, kerojekan lah semue inyak makai kemuliaan Allah. ³² Inang mulah iyakng tersandung, baik iyakng Yahudi, iyakng Yunani, ataupun Jemaat Allah, ³³ macapm aku pun dalapm segale hal menyonangkan semue iyakng, tanpa ngogak keuntuknganku soyakng, tapi keuntukngan makai iyakng banyak kai bale insie dapat di selamatkan.