¹ Vah inku zahku yhao, ko'nii ( areh nku sin vervenu yhaor ami a yhao u muru ), awoh u muru umi usin pusu pirong amajahari adhaor kami nang isin voh? ² Awar kuwoh pinyoho irunga Isisi nang pirumi uyhi adhaor kami nang Isin voh, Ama inang pirumi umi ekha, am viskine yhi un doka irunga. ³ Na kini, adhaor kami nang pirumi isin voh, inang izohmi nang pirong urumi, anka kagha yhi awoh piyu zina. Ama inang pirumi yhi ekha, izahkuri inung un muru, awar ken izahkure piyu zina inang izohmi nang pirong urumi. ⁴ Awar ken, koni kanang, ama rene vuh pi kha inung un doka inung a ripum riKristoh. Munku rikini awarkuwoh anka mane vuh ari manzu, awar ken, amajahari nan yhi umi ima cho inung ama kinuru, awar kuwoh tikah sumu anki nohnoh mo Siri. ⁵ Adhaor kami nang timah rih aripum, usunu ivang, unkuh cho inung unmuru uma seri utumah inung ana pum awuri asa tiriseh isumu ukha. ⁶ Na kini ama ciddirih inung un doka uruh. Timah kizi inung ankusu mu mumi nang timah yhaom. Munku wana kini awar kuwoh tika rene tirere inung unpas umazir, anreh anzang inung amazir mawuss. ⁷ Yemmi nan tenka vereh kuma, udoka aritih runih ivang? monka zahku wana ken. Anarehken manka zahku nana yhaoghaotaoke ivang, anama zah kureh inung un muru. Nnama zahku yhao utuwu sai ko u muru uvereh, ''su riseh utuwu.'' ⁸ Ama ivang ima zika adhaor inung un muru inku yende ko uriki usha'awa inung unang. Awarkuwoh zah umuru, ivang inama kha. ⁹ Aron kadhaor nma wara zah udoka, ama adhaor kami nang umuru uma ruvah, ivang ima guddu voh, anreh nku kha. ¹⁰ Udoka umi umaruwoh un yendu voh un vanduruwoh a wana ku kha nang. ¹¹ Awar ken ivang ima zika a dhaor inung ur muru anreh iku vhandharem. Inung undoka ima wunam. ¹² Awar ken mateh ma vur (tsarki/holy) anreh u muru un vur, riving arip. ¹³ Na kini kikusu kirip kima wana ku kha nang mini? Monka zahku wana ken. Ama ivang, asa anka nuna awoh ivang inung ankusu mu rip, ima yende u kha inung unang. Munku wana ken awarkuwoh inung un muru, ivang inka wana ivang izah ma rasa. ¹⁴ Awar ken ti yhao awoh umuru ureh mazir, ama mini nreh piya ripum. Ama zizim inung un rereh amakajaha in vang. ¹⁵ Ki kusu nang nseri, maku zahku yhaoghaotaoke ki kusu nang un suni nriseh, nzahku seri, anreh kikusu nang nzahmusu, kin nang nseri. ¹⁶ Nna ma riseh ikusu nang nzahmusu, umma rume nang udoka awoh udoka umi urip. ¹⁷ Na kini azahkure mini nseri ken, areh ivang imi iri unang. ¹⁸ Awar kuwoh nyhao awoh inung unang, watoh inung aripum ri nang, zah kiramwa kirip kirim. Awarkuwoh urenu osuwu mon kusu murip muri nang mini, a mazakuguranu manka zahku susku riseh mun. ¹⁹ Awarkuwoh ankusu murip mumi nang nsuni nriseh nzahku seri mun, Amma ankusu mu yimun mumi nang nzahmusu, mun nang nserih. ²⁰ Na kini nnama riseh ankusu mu mi nang nzahmusu nriseh, azahkure mini nseri ken, Ama areh ivang imi izohmi unang. ²¹ Mina zuwa, aripamvah inung unang awoh nrusu nriseh ikusu kirip, ama kikusu kiyikin ki rih inung unang. ²² Awar kuwoh nseri righarhao un doka oSiri nang piyhaor inung. ²³ Ama nmareghe ari rong ripamvah inung aripum rinang re ku kuwana amajahari ari pamvah ri pas inung a suwu kanang. re ku zikam a sisim aripamvah tih vang timih tiri ama pette ma ripum rinang. ²⁴ Nreh piyu vereh! Wammi enka waskam inung aripum rinah ruh kha? ²⁵ Ama kusangini amakana nang Kasirih inung un Yesoh Kristoh Titah uwuri ugwaki! a tuken, mini aritih rinang insin bauta asiri nang ka suwu kanan. Atuken, nang ripum nsin bauta a ripamvah rivang.