¹ Muri ken awar ken kuzantuna awar ka ya ari innunk nh Kristoh Yesoh. ² Awar u ka'ida una zir mu voh innunk nh Kristoh Yesoh ima renem nh zahm ugbwamndu awori nh ka'ida ivang nan kukaoh. ³ Awar ki kusu nan mateh manka suska man awar ku za suska tiri pum, Kasirih kama rene. Kama tuma konoh ka kan ama suksana maripum rivang iwan ku u upungurunu awar kivang, and e iku vonoyi ivang a ripum. ⁴ E riseh kini awar kusunu u mateh man zuk u koruwonu innunk uwuri a wuri aya te jara anzang te pum ande ti mazhir. ⁵ Aya asin jara ti ripum in nanghutoh ana nang a ripum, are aya aseri ujaru ti mazhir naghanutoh ten kusu mu mazhir. ⁶ Awar ku rene kosuwu a ripum ku kaoh kuriken, are kurene kosuwu a mazhir are kuvoh nan marok. ⁷ kurene kosuwu a ripum a mazongoni nan kuh seri nan Kasirih, awar ure uzah urokuti chirvu nan mateh ma Sirih, za enka susuku yelli ken nan a suni. ⁸ Aya ari aripum anka zaku yelli a Sirih mim. ⁹ Nan kini, in zaku rih a ripum anre a mazhir, innang are rivim awo mazhir maSirih marih innunk nh yhin. Are innan pirong uyin izhayi a mazhir ma Kristoh i za kureh uyi. ¹⁰ Innan Kristoh irun pu, ripum ripu rikini invang, are mazhir mawar tu rho ku ti chirvu nan matini. ¹¹ Innan mazhir mapiya imah chone Yesoh awori ana ya ama kizih marun inung uyin, yi piya ima chone Kristoh ana yah ama kizih en rho'ini mavoh nasang nan makiziru mapum ayin tu rina u mazhir mayi ma war nh yin. ¹² Na ina koni, tiri u haki anre ure uzang uri pum, arim makana a ripum. ¹³ Awar innan aem warga tiripum, in ra patu kaoh, are innam are a mazhir nan en wuna a nang a ripum, innan warga. ¹⁴ Awar a yaor nasang ami nan mazhir masirih ma dorkonum yaon, are nonoh Nasirih. ¹⁵ Awar in roto ma sereh mazhir mu tirere mami maku rene ukaou a tureken, en sereh mazhir ma ma vandareh ni in wana a vezeneh tu rina uyi, nan te ku zokkwo rinyhi a sin kagha, "Abba, Tita!" ¹⁶ Mazhir a ritih riman maku wa'ah-uyao nang mazhir mawuri awo tire nonoh na Siri. ¹⁷ Innang tire nonoh, na tire magada ke nan, magada maSirih. Ti gura re ayu sere kuwunu nan Kristoh, muri ken innan te seze ivura nan yi an gura zoviri nan yi. ¹⁸ Awar nh ma yelli u dinne awo ivura e daor ka an ka zaku mane nan uzovonu umi nan an chiddiri uni. ¹⁹ Awar uyellenu usin romonoh an rhenk uchinnu u nonoh na Sirih. ²⁰ Awar ama ghaksa u yellenu uwan a zang nh sumu uni, are upiya e ghaksa uni, uri innunk nh rumenu ulikawari. ²¹ Awoh u yellenu on sabtao awori nh rereh uvozonu, an furu yendunu nh yantarwa ny changh'ha ku zovonu unonoh na Sirih. ²² Awar ti yaoh awo u yellenu nasang usin rumu ne uwanu u rewu amanani anan rava ne kini. ²³ A zan kini zalla, are va a wuri antih a wuri ami are uyaor a zoni a mazhir-a wuri ana tih awuri tisin runu anatih awuri, tisin suksa marandao (diyanci) mawuir, are kuwaska ko pum a wuri. ²⁴ Awar tu rumenu uruna tima hakikancewa nan kuwo an waskirim. Are ki kusu nan tirih u rumenu uko ken wana ti rhoto ma mireh a reghe kin, awar piya erenu sisa asin suksa ikusu nan ima mireh reghye kin? ²⁵ Are innan timini usiru aritih ren kusu mumi nan ti rhoto mireh reghe, na ti suksa mun nan ku nomeh ko suwu. ²⁶ Nh pette kun kurao, mazhir maku tini a kanirinh zah usiru uwuri. Awar ti zaku yaoh kennan ten tanzana, are mazhir a ritih riman ma seri a tanzu nan marunu mami nan an ka zaku susku miya awar ka wuri. ²⁷ Yi piya isin righi a suwu iyaoh u dinnenu u mazhir, awar iseri a tanzu awar kayu rumenu ama kana nan Kasirih. ²⁸ Ti yaoh nan kuwo nan a ya a suni a Sirih, i sin jara an kusuh mariva, awar a yah nan a kagha yaon nh sunu ukan. An kusuh na sang moku wana mapes. ²⁹ Awar kayah nan iyaoh i rangha, yaon nan e tara awan ama suksana ma konoh kayi, awar ima wana konoh ka zoni ari a kommini a gbwakane. ³⁰ Yaon a ya nan ema tara, yaon nan e waska yaon, ami nan e waska yaon nan e zovoh. ³¹ I yemmi ra nan ten vere a ritih ren kusu mu? Innan Kasirih kari awar kawuri, wanmi em vonoyi iri? ³² Yi ima rhoto nuku konoh ka yi, ande iku roh kan a war ka wuri nasang, ini nan enka zaihu rhoiri an kusu nasang a paru? ³³ Wanmi en ka yende na rong narib nan aya nan Kasirih ka teske? Kasirih kare piya eku vere pizavu ivangh. ³⁴ Wanmi ire piyaor uni enka temene awo ivangh iri? Kristoh ire piya ima kaoh awar kawuri, nan u piru ken, yi ima tini a cho isari tiwomo nan Kasirih e tek ku roh kuti chirvu, yi ire piya iseri a tanzu awar ka wuri. ³⁵ Wanmi enka vaktaniri nan usunu u Kristoh? Tirere, vah ku nazhe ko suwu, vah mapovono, va igwam, va ku kwat kurok, va a yiri, va katan, va unirganu? ³⁶ Kinne ken nan a yhaza, "Awar ku zuwu upu nan asi wunziri ana tuk a tuk. Ama reni ri kinne magam rum chezu." ³⁷ Ana nang ara nasang ti piri usuru awo an veriri awo tire an woni tu rina ti piya i suni iri. ³⁸ Awar nh ma rume awo va ku kaoh va kuvoh, va anyenku, va u gwamnati, va annang i kinikini, va annang ama ruva, va unirganu. ³⁹ Na ukwangaru va u kanbaru va urong u yellenu an kusu, on ka susku vaktaniri nan u sunu Kasirih, uni uri nh Kristoh Yesoh pikarma.