¹ Yemmi na ten vereh nan kini? na tira jariri a seri ivang asa mavur man gwakana. ² Mon ka zaku nanh wana ken. Ini nan an kawoh awuri ayha timah khaoh inung ivang ti ra jariri inni? ³ In ku zaku yhaoh awoh ayhaor nasang ami nang ama waktaze yhaon inung Almasihu Yesoh ama waktaze yhaon aka ravah ukhaoh ku yhaon? ⁴ Ama gura kaviri nang yhi, tu waktanenu inung ukhaoh mu ma wana ken kinneh kennan Alhasihu imah cho awori ukhaoh inung an zaovaoh ku titah ana rah'ara awuri unawuri ten yello uvoh nang yhi. ⁵ Awar inung, tirih nang yhi inung ama suksana mu khaoh ku yhi, ten ka gura zomoh nang yhi aka jagha ama suksana mu chonu uyhi. ⁶ Ti gura yhaoh awoh, ama dankare (giciye) piyhaor uwus uruna uwuri nang yhi Kristoh, awar an wun ripum ri vang arana ama wana awar kuwoh ti kasu kara jariri arise kivang. ⁷ Nasang piya imah khaoh anku kanyhe yhi apizeh pimatini aritih ri vang. ⁸ Are innang teh khaoh nan Almasihu, timah rume ten ka yelli uvoh nang yhi. ⁹ Tiri nan ku yhaoh kuwoh ama chone Almasihu awori en khaoh, awar ken izaku roteh piya kinii. Ku khaoh unakun ku zaku roti unirganu aritih riyhi. ¹⁰ Ku Khaoh kumi, nang imah yelli nann ivang imah yelli riraoh awar nasang annan ami nang iseri una'ani iku seri Asirih min. ¹¹ Awar ken ayhini una'ini in zika atih ayhin akuwoh makerung nang ivang are ayha mavoh nang Kasirih inung Alhmasihu Yesoh. ¹² Awar ken inkasu jhaoh ivang min in pirka tiwomoh anre pum riyhin, mun ka wana uwoh en roh tichirvu an sunu urin. ¹³ In kasu ronu gabobi opum ayhin nang ivang awar man kusu mu tima uzah matini. Na in ru atih ayhin nang Kasirih aya warah aworih en khoah. Ingura roh na gbagara ma pum ayhin nang Kasirih ankusu umu tuma umatini. ¹⁴ In kasu roh ivang urina in yelli tiwomoh inung uyhin, awar azang in ku semeni undoka, are mavur nan in semenim. ¹⁵ Na seh iyemmi? Sa ti yelli ivang awar ti zaku semenin undoka, anre mavur mon ka zaku nanh wanah. ¹⁶ In ku zaku yhaoh awoh nasang piya nan en roh atih ayhin, mim ukuwoh arere, nang yhi ayimi arereh? Anang atu reh rivin, vah ayhini arere ivang umi ureh makana unkhaoh vah arere en roh kuti chirvuh kumi koku jagha amatini. ¹⁷ Are ku kwang ajighi ikuma wana nan Kasirih awar ayhini anre arere ivang na in ru tichirvu ana sugwhu nayhin, kinne imuzi misenu umi nang ama rohinii. ¹⁸ Ama saob kwanini awori ivang, in saobbaonaoni tima tini. ¹⁹ An sih vervene nan ayhini kinneh piyhaor awar ku zah suska ku yhin ki nama nan mannyoh. Kinne kennan en roh ana gbagara uri pum riyhin a mayiman nang ayieni, ken in ru na gbagara na apum ayhin ukuwoh arereh amatinih. ²⁰ Awar adhaor kaminan in wahreh arereh ivang, in ma sernuwoh tima tinih. ²¹ Adhaor kanka, yemmi ere uamfani umi nan en zuwa ana nang ami nan nahkini in pok anching moni? Awar usakamako anang arana uni ureh kukhoah. ²² Nah nehkini nan ama chunini awori invang areniniin wana arereh Asirkh u amfani/uzuwu uni unih unre ku vurkaneh ku yhin. Usakamako umi unih unre kuvoh kuwurih. ²³ Awar usakamako ivang unih ureh ku khaoh. Are kaparu Kasirih kan kareh kuvoh kuza rahra inung Almasihu Yesoh pikarma uwuri.