¹ Ten na nan ten vere awo Ibrahim ku kaka ku wuri aripum, ezuwa? ² Awar inang a temeneh Ibrahim e tuma inih, in rama zuwa mabuzi mu zovoh kuritih an zang e zan Asirin ³ Na yhen nan overe? Ibrahim ima rumeh Asirih ande ku vazzini ana ya matini. ⁴ Kini nang piya eyelli utuma. Ki kusu nan an be anka zaku vazze uko kaparu, uko ki kusu kire ki yhi. ⁵ Na awar kapiya irotoh risu tuma tiken erume nan piya en ka waska yhi ivang asin vazze urumenu uyi ana ya matini. ⁶ Dauda ima yelli vere uzikinenu apiya nan Kasirih ka vazze iri matini azaku semu tuma. ⁷ Ima woh "areh ayu zikinenu aya nang ama gusku ivang iyhaon are aya nan ama tumu ivang iyhaon. ⁸ Piyu zikinenu ire piya nan pikarma enka zaku vazze ivang iyhi." ⁹ Na uzikinenu umi nan asrim nnku reh usu oya nan ama yelli ceske yhaon apigang uteoyhaon, vah nang aya nang a rhoto ceske yhaon apigang? Awar teh woh "a vazze erumeh nang Ibrahim uku matini." ¹⁰ Na inii nn a vazze? Atini ku jeske yhaon pigang. Ibrahim vanhza u jesken yhaon pigang. ¹¹ Ibrahim imah sere ukizihku jeske pigang arana ani are ku hatimi ihumatini urumenu umi nan irighe rih arizoni unza jeske pigang, zikinemu ukizi kuna kuma reneyi iwang putu nang ayu rumenu nasang vah anku zakuri jeskenu pigang. Are ku ikoh aya matini an vazze yhaon ana ya matini. ¹² Anreh nah ukuwo Ibrahim en wana putu oya are jeskenu pigang nang aya azang usu oyu jeskenu pigang are nang aya adorkono avina urumenu u putu wuri Ibrahim inroto ma yelli ujeskenu pigang. ¹³ Awar ka matazza na makana nang Ibrahim nang makama nan ayhaor inninawo en zuwa uwuruh inii urikuya. Ku roto ruva ti mateh are ti matini mu rumenu. ¹⁴ Awar aya arim ti mateh awar inang yhaom are amateh areh ayu zuwa ku urumenu uzauni irankwah nang matazar ama nekereh rin. ¹⁵ Awar mateh yende asuwu wonehre katek nan mateh mazaman mizu aku zaku gbwekkwe umuru. ¹⁶ Awar ka matuzi ma ken nang mo wana tu rumenu inung umatazza na vansono amapes kinne ken matazzana rima wana nasang ku naok, Ibrahim en zaku wanzana nan Ibrahim, ire putu wuri na sang. ¹⁷ Kinne ken nan anyaska an marene bu pi wana putu uma yinzi a gwakane," Ibrahim inrih mu yi piyhaor umi nan ima rumeh yire, Kasirih, piya iroh uvoh ana aya ma kizi akan yhaor an kusu moku zaku ri mavoh mun wammi. ¹⁸ Nasang nan uhalli umi uwonti, Ibrahim ima rume nan Kasirih, aritih ren kusu mumi mon ruva ande inku wana putu nan mayinzi agwakane, kinne ken nan ama vereh ken nan unaok upu an wana. ¹⁹ Irotoh gwebteh en rumenu Ibrahim e yayata awo ripum rini nen ku zaku pi reghe (awar ira yi tiwu akirih rikirih) nan tichirvu. Etini ayagatake awo kana ku reghe ki Saratu kan ka suska ka urho konoh. ²⁰ Are awar ka matazzana Kasirih, Ibrahim inroto pokoro mazib mu ah urumenu tuken, in zuwa unirgaranu urumenu inii and in ku zovoh Asirih. ²¹ Irih nan ukoru nan kuyhoah awo kikusu nan Kasirih ka yelli matazzana kan ka susku korone. ²² Awar ken an vazze yi ewana apiya matini. ²³ Kini aroto yhaza awar ku utuma usi uteyi, nan avazze awar ku yi. ²⁴ Amma nyaska nasang nan awuri awar aya nang an vazze yhaon awar aya te rume nang yi piya ima chone Yesoh pikarma uwuri atek ka ya ama izi. ²⁵ Piyallu ire piya nan amma roh yi awar ki vang iwuri ama tini achone yi awar ka maceci ma wuri.