¹ Toh, yemmi igwaki nang piyahude iri? Nan yemmi ipiru kaciya? ² Mureh mu gwaki inung unrinah na sang. A ti zohn, ama rhao a Yahudawa atirku kama rangazan uma ruvah nang Kasirih. ³ Awar ken yemmi enka wana inang arong ayahudawa ama zah yhaon riving? U zah uriyhin ri yhaon rin maka rene ariving re Siri rin wanka? ⁴ Monka zahku wana ken. Tuten sani anka zuwa Asiri kare riving, awar nang ko piriki u piyhaor ire piyi cotti. Ken nang ama nyakara. "Asa anka regheniinka reh ayhaor u yhao (Adalci) inung ana vereh ayhin, agura wana piya gwaki inang en ruvah amateh." ⁵ Amma inang uadalci uwuri osaa u adalci Osiri, yemmi nang tenka vereh? Tika vereh awoh Kasiri ka zakhan uadalci asa kan yende ri ghazhao rikan izoh un wuri? (nseri utumah nang urhawhaonoau piyhaor) ⁶ Monka zah ku wana! a tuteng ini nang Kasirih kanka riseh urikuya mateh? ⁷ Amma inan rivin re Siri inung incotti inang re yende uchagwuh udung unyhi, yemmi ereneh insin teme nem ne piyi vang? ⁸ Yemmi erene inzah ku vereh, kenang ama massih ri tih vereh, arong kuma amma vereh awoh rima vereh, "sani tih riseh anang a yenni, asa anang arip ankasu ruvah?" Maeh mayhaon mareh marivin. ⁹ Yemmi kuma, Tisin cizaza atih awuri? Zah nasang. Awarkuwoh timah sura ayahudawa nang al'ummai, nasang kuyhaon, awoh iri inung invang. ¹⁰ Areh kini nang ama nyakara. "Zah piya iri rivin, zah urhao. ¹¹ Zah piya eku pokoro. zah piya eku righe Asiri. ¹² Ama vanduruwoh yhaon nasang. Ama manuwoh a wana aya zah yhaon utuma, zah piyami eku riseh anang, arip zah, zah koh piyhaor urhao. ¹³ Makogwaro mayhaon masi usek ku wontih. Arem ayhaon ama, remere uwan upiyowhoh uri inung ana naoh na yhaon. ¹⁴ Na naoh na yhaon na kuri tisuraru nang unyaku. ¹⁵ Na vina na yhaon naku rene a rhakaharhao nan wazzana amannyo. ¹⁶ Tih iyitirih nang ivurah urih un rinah uyhaon. ¹⁷ Ayhaor arah azakhu yhao urinah uma pes. ¹⁸ A zahkuri ukau Osiri ana yizi ayhaon. ¹⁹ Na kini ti yhao awoh kikusu nan ka kumuru, kumuranu ko vereh, unkusin verneneh ana ya ari inung undoka. Awar kuwoh kokarike naoh kan kizah, kurikuya na sang konka yhaon Asiri. ²⁰ Mun kure awar kuwoh zah ripum rima nang anka reske awar ku tumah ku kumuru ana yizi ayi awar ku kakumuru ko yhao ki vang kuma ruvah. ²¹ Ama nakini unzah udoka rivin reh Siri rima yhawutuwoh udoka uma wana ushaida nang matatun. ²² Tu ken rivin reh Siri inung urenu osuwu inung un Yesoh Kiristoh amaja'ah nan ayami aama rumeh. Awar kuwoh zah u bambanci. ²³ Awar kuwoh ayhao nasang ama riseh ivang agbepkwe tiwomoh te Siri. ²⁴ Anreh kuma riske yhaon unwam inung alheri amaruvah uceto umi urih inung un Kristoh Yesoh. ²⁵ Awar ken Kasiri kama yende Kristoh Yesoh asa kan napsa yhaon inung urenu osuwu inung ama nyo. Ima rhao a Kristoh asa isa u yhaozhi nawas u yhi, awar ku reghenu ivang iyi izohni. ²⁶ Inung u hankuri. Anang arah anka wana kini awar ku yhaozhi nawas adhaor kana. Monkuri ikini asa ika sa ritih riyhi rivin, aka gura saa awoh ima riske kowammi awar ka sugwhu inung un Yesoh. ²⁷ Iki nang ushap uritih? uzah unim unrina uriki nan a nekerem? un tumah? Uza'uni, ama areh inung un rumenu-o-suwhu. ²⁸ Tima mankarah avoh ama riske piyhaor inung unbangaskiya anzang untumah uma teh. ²⁹ Vah Kasirih Kasirih kanku reh ku Yahudawa na zik? Kanku zohku reh Kasirih ku Masir Ma Yahudawa? Y ikure o yhaor na sang. ³⁰ Inang areh ken kasirih ka reh karhao, knaka reskeh aya mi na ama senghe yen pigang inung urumenuo suwhu nang aya zah yhaon ukacya inung ubangaskiya. ³¹ Tika tumuh udoka inung un rumenu o suwhu, Monka zahku tabu wana ken! Tuteng, ti yhaomthao udoka