¹ Innan kawo Kasirih kan yelli ayhaor mateh nh riseh ki kusu nan ka vono kan na innan en vere ken, insin verven rivin awph Kasirih kan yellini matini awar ayini una'ini inmah riseh anang ami araoh. Inma rise imuzi kusu nan ariseh. ² Ti yhaoh nan mariva awoh Kasirih kan yelli mateh ahori ayah avonoh yhaon ukawaoh kan aseri ankusu anang muyinun. ³ Awar ken ayine mi en woh Kasirih kan hori arong nh riseh konnag ayheni anatih ayhin, innan ka zaku denneh awoh ayhini ana tih ayhin innan ka susku chira awri nan Kasiri inan ka semu horini! ⁴ Vah pisin yaksa mavur mami nan Ka seribu tu pette ku raotaoraonao nan mateh makan? Pi zaku yhaoh awoh mavur makan asa Kan jagha vuh nh jengnuwonu? ⁵ Na awar kurok uritih ripu nan kasugwhu ku zah ujengnuwonu nan pisin tazza ritih ripu, uwantanu asugwhu atuk ka sugwhu mun mureh anyhi masirih. ⁶ En ka beh ayhaor nasang nh risenu onang ayhaon. ⁷ Nan aya a nace nh rise konang amavur an ka zuwa uchangh nan udaraja nan kuvoh kuwuri. ⁸ Areh nan ayu sunu uritih ayah ama vonoyhaon uroh tichirvu nan rivin, ayelli aroh uzah matini tichirvu, kuwanta kosugwhu nan ukau ku piu kan toroh yhaon. ⁹ Kasirih unakan kan ka toddo yhaon ubala'i nan kasugwhu na sir nan mavok mani ma yelli ikusu kiyikin, ari zoni nan a Yahudawa, ama na nan ayu Heliniyawa. ¹⁰ Wa uchaghu udaraja nan kazom kama mentu mun kawana nasan nan aya ayelli annang amavur, nang a Yahudawa arizoni anu naghao nan ayu Helenawa. ¹¹ Awar kuwoh Kasirih ka zang piyu tezuh. ¹² Nan aya a yelli ivang anzang nan mateh kennan anka kizih anzang nan mateh nan aya ayelli ivang nan mateh anka yelli yhaon mateh ariti rimateh ¹³ Awar azang ayu pok kumateh mami are aya matini nan Kasirih, are ayu yelli anka zuwa ubarata nang Kasirih. ¹⁴ Awar al'ummai anni azaku yhaoh mateh tu dabi'a ama yelli amanan kikusu kire kimateh ama vakane ki nang kuwu aza yhaon mateh. ¹⁵ Atuten ama sa awoh annang ami nang mateh masuni a nyhazanani inung ana sugwhu na yhaon. Ulamiri uyhaon oku seri yhaon ushaida. Udennezenu uyhaon, vah usin wunza yhaon, vah oku gwara yhaon. ¹⁶ Kennan muri nang Kasirih arana anka wana atuk nan Kasirih kan Ka emene anang awukuzuni tu waghanu u Yesoh Almisihu. ¹⁷ Awar pisin kagha ritih ripu awo Pi Yahuawa, pi zomi izoh amateh asin zaovaoh ritih nang Kasirikh. ¹⁸ Pi yhaoh ikusu nan Kasirih ka suni awar pi gura yhaoh ankusu mumi mo vaktuzuwom nan ken pima tini azuwa umisenu aritih ri mateh. ¹⁹ Awar kuwoh piri ugaba gadi aritih ruwo pire kuzongozong nan arumu anpheze nan ayha ari amarini. ²⁰ Piyu hori aya ari uza yhaoh, pi miseni an kinonoh, na inung amateh mami piri nan ki kusu ke mene nang kuyhoah a mane nan rivin. ²¹ Ayini aya insin mise arong inku zaku miseh atih ayhin? ayhini ayah en ku wagha awo aka su yelli utuwohu in ku zaku yelli utuwohu? ²² Ayhini ami insin wagha an kasu yelli utuma usumu uripum, in ku zaku seri utuma usunu uripum? Ayhini aya insin nuku ubauta uma reveh, inku zaku yelli utuwohu nh raghaoh ku tutunu? ²³ Ayhini ami insin gaoraonao nang kuzaovaoh kuritih amateh inku zaku sin wullakanta Asiri nh zah dorkoro ku mateh makan? ²⁴ Awar ken ama wurtakanta rizayhi reh Siri inung ama al'umai awar kayhin," kinneh ken nang amah mire nyhaza. ²⁵ Umuranu ukachiya uri nan uzuwhu nang ayhini, innanen dorkoro udoka, na in nang in zang ayu dorkoro ku doka ukachiya uyhin awana uzah ukachiya. ²⁶ Awar ken inang piyhaor izahyi ukaciya an ka dorkoro usunu udoka an ka zaku susku zika uza ukachiya uyi ukuwo piyu kaciya iriken? ²⁷ Nan ken inang piyhaor iza yhi ukaciya umannyho en ke dorkoro udokoki nasang, enka zaku susku yelli ayu kaciya mateh ayhini aya ayu kaciya? Ken nan mo gura wana awar inri nan mateh nh nyazamamu nan ukaiya na in zaku dorkoni udoka! ²⁸ Awar yhi izang pi Yahudawa nh yah agura zamg piyu kaciya umi nan aku cheske ukwa. ²⁹ Areh pi Yihaduwa inung, nang piyu kaciya asugwhu nan mazhir azang avah, imuzi piyar uning uchaghu uyi azang nan ayar nang oku ruvam anreh nan Kasirih.