¹ Ina koni arumeni, tunang Kasiri kama pokoro rillilipovoh amaruvah nang ayhini inung unrina udun, Nkusin tanzanini nasang kuyhin asa inruh atih ayhin ne upungurunu umi uwhar, upungurunu umi nang enkuh ruh asiri utekan nang umi na kaku pokoro urentuh. ² Inkasu jighi ayamarini an missini kenang ena zonzohnoh. Tuteng, sa ni asiri kan vandare ini urinah udinninu anreh kanku pazane uni, asa inka yhao ikusu nang isuni in riseh yhi, asa inka yhao kenang inang vokone kan asugwu, inung urinah umih nang kaku riseh. ³ Awar kuwoh Kasiri kama waska asa unwan ka gbweng kakan, kumi nang unrotoma wang, maku vereh anang arah amajahari nang kowammi unyhin. Inkasu dinni awoh inpiri kenang inrih, Tuteng, dinnini awar katihayhin inung unrinah urip, urinah umi ureh uraoh ne urinah umi na Kasiri kama jighinim in rume nang kan. ⁴ Awarken piyhaor irih aripum rirhao, rivih ama patta madun. Ma patta mami nasang marip aripum, awarken makuzahku riseh utumah inung unrinah uraoh. ⁵ Amasuksana, awuri, kokenang tigwaki, timana netih inung arifighi rirhao, anreh tikuh gurahreh ayhaor ami araoh. Atuken zahpirong iriseh ne ikuh pirih pijami! ⁶ Untami, tunang kowammi inung unwuri enka suskuh riseh ankusu muvaktazi awarkuwoh Kasiri kama risirih avaktaziri anatih awuri, Tiriseh ankusumuh anatih awuri na arighaoraoh! Aya nang Kasiri kama raoh irih utumah amajaghari na arong tih vereh inung unrinah umih umah ripkwa ariving riwuri inung aSiri. ⁷ Aya na Kasiri kama rene yhao anriseh ajami utumah anriseh ken. Aya na Kasiri kama reneyhaon an misseh inung a riving anriseh ken. ⁸ Aya na Kasiri kama reneyhaon an sisane amanzu anriseh ken inung asugwu karaoh. Aya na Kasiri kama reneyhaon an pasze amanzuh ankusu, anriseh ken zah unighu. Aya na Kasiri kama reneyhaon an yhaomtaoh amanzu, anriseh ken marivah. Aya na Kasiri kama reneyhaon ankana ayu righu anrisehken inung arighaoraoh. ⁹ Urinah umih nang inang sunuwoh ayhaor uni ureh in sunuwohyhaon inung asugwu kavok! vonini ankusu muyimun! inkarim aseri ankusu mumi na Kasiri kamawoh murip! ¹⁰ Sunuwohni atih ayhin kinne kenang ayu raoghao kuraoh akuriseh, anreh inku gura rukse atih ayhin tiwomoh, inkare ayhaor izohn ankariseh kini! ¹¹ Inkasu wana apai Tuteng renni asugwu karaoukaraoh atumzana aSiri! Renni a sugwu inung untuma u Titu gwaki! ¹² Ghaoraonaohni awarkuwoh imma rene usiru asin suksa ikusu nang Kasiri kan risini! kadhaor kami nang enriseh ivura, nomeni na sugwu! inka jarini aseri addu'a inkasu jitta! ¹³ Inang pirong uyhaor oSiri izahyhi iramwa, whanzanani ankusu na inrih! Risehni ripamvah unsennu korong! ¹⁴ Tanzanani aSiri kan ren matini amajaghari na aya asin ghaosini awarkuwoh inma rume nang Yesoh! Tanzanani kan renyhaon matini, inkasu tanzana nangyhaon. ¹⁵ Inang aseri righaoraoh, risehni righaoraoh nang yhaon, inang azahkuh pok urentuh, inkasu pokoro urentu nang yhaon! ¹⁶ Sunuwohni arong ankusu mumi nang insuni. Inkasu zhavaoh atih inung ankusu na insin dinni, tuteng, wanni ijan nang aya azahkure mapuk. Inkassu tirkiri atih ayhin awoh inrih tipamvah. ¹⁷ Inkasu riseh anang ayeni amajaghari nang piya ima risini anang ayeni. Risehni anang inung urinah umih nang ayhaor anka yhao awoh anang arip! ¹⁸ Risehni azohm kamapes nang amanzu ayhaor kenang inang monka wana, amaka ravah kenang inang ka kuvareh anang amih. ¹⁹ Ina koni arumeni ami nang unrusuh, inkasu guddu anang ayeni adhaor kami nang ayhaor arisihni anang ayeni! untami, jighini asiri kan ghaosaoh yhaon. Avereh akan awoh, ''manka guddu ayami akuh riseh anang ayeni areh riving rihnang unguddu yhaon, Tituh gwaki ivereh.'' ²⁰ Nang kuwoh inriseh anang ayeni, risehni kenang avereh akan ama miseh ''inang mavunuruh mapuh mapok igwboam, royhhaon marinuruh! inang apok user, rohyhaon iramwa ansuh. Unrisehnu kini, inang karene yhaon anpokoruh wanu ugbwoar anreh anku gitta saka anang ayhaon amaruvah nang puh.'' ²¹ Inkasu jighi anang ayeni ami nang arong amarisini. Utami risehni yhaon ankussu mumi mupiri mumih na amarisihni unrip!