1 Sani ayaor nasang an ru tichirvu nan tiwomoh, awar za tirong tiwomoh seh innan teh ruvah awori nan kasirih: aya mateh ami ari innah an ku wori nan kasirih. 2 ken nasang diya e ko ku zuwo naw udoka nan tiwomoh e ko ku zuwo nan tiwomoh e koku zuwo nan udoka asirhi; are nasang aya a vono yaon tiwomoh an zuwa mateh. 3 Awar kuwo ayah mateh azang ayuwo an kau yaon nan ayah aseri murib, are nan aya aseri ivang. In ku suni in wan ayui zah ukau umateh? Yelleni ikusa kirib, innan zuma uchaghu tu ken. 4 Awar kuwo yi pirereh osirin nan ayini awar ki kusu kirib. Areh innan en yelli ikusu ki yikin, in yelli ukau, awar izaku yaob itan an zang nam matuzi, awar yi pirereh osirin pisakani upinyu za matini nan kuwanta kosumhu. 5 Awar ken umuranu in riseh uroh kutichirvu, zanam ku nazeh kosuwhu, anre awar ku Lamiri. 6 Awar ka rahanin nan in sih bizeh a gandu nan piya gandu; awar ayah tiwomoh arereh Asirih, aya ku serih ken ana tuk atuk. 7 In ru ayaor nasang ikusu kireh kiyaon; kagandu nan piya gandu: ikorgu fito na piyu fito; ukau nan piya iri uwo akan yi; tichirvu nan piya iri uwo nan ru yi tichirvu. 8 In kusu yaobtaoh ubashi ku pirong, anre in sunuwo ayaor nasang. awar nasang piya e sunuwo kommira e korone udoka. 9 Na, " in kasu yelli utuna usunu uripum, in kasu wunza, in kasu tuksu, in kasu yelli ripuvuh innan urong udoka ugura rim, ama kutununu nh jimlaku: "Sunuwo komina kapu kinne ritih ripu." 10 Usunu oku zaku rene ajangu azomtokoh ukha: Awar ken usunu uni ureh ku koroneh ku mateh. 11 ka raharana, in yaoh awo Kadhaor kama wana, zintani awori an marah. Awar kuwaska kuwuri kura pati apirika ken ti masin riseh asuwhum. 12 Katuk kama rangurwoh, rikata rirah patu vurka. awar ken, sani kun uwo ti watta nan anang ana rini, ti reng an kusu murok mo pheze. 13 Sani ti ja kennan mor ripkwa, kinne rikata anzang nh shashanci va nh vaondurwonu tikasu tini ajara innung nh tuna usunu uripum nan usunu uyieunii amazan nh chonze kuna suwhu nan uza usu. 14 Are in reng Pikarma Yesoh Almasihu, in kasu gura a tazza uhalli uti yaor, awar ku dorkoro ku sunu u yiuhni yi.