¹ Ma vereh vah, Kasiri kan kuma vono kan ayhaor akan? Kon zaku nana wana ken. Awar kuwoh mini unamini in re piyu-Isra'ila, awori unnaok ku Ibrahim, unrarah ku Biliyaminu. ² Kasirih kama roto vono kan ayhaor akan, kami kama yhao cettao zon. Inku zaku yhao ikusu mi nan pinn yara pivur pe vere amaja'ah nan Iliya, ken na eriseh atanzu nang Kasirih a maja'ah nang Isra'ila? ³ Pikarma, ama wuna a matatun ma pu, ama satara a mapik mapu. Mini ute mini ma taka a sin gura ringhyi un voh ku nang." ⁴ A mazakuguranu, yemmi nang ku guddu ko vereh ko Siri ku sin vereveneh nang yhi? "Ma nungha ayhao a rume maduvu pivigha pezohn, awar ka ritih ri nang, a yhaor a mi ama rotoh tutu nana Ba'al. ⁵ Awar ken, adhaor kana kutakaru ku gura rim awar ku zikanu ku ningheni asugwhu. ⁶ A mazakuguranu, inna kure tu rina tu ningheni asugwhu, ku za ku roti rih tu rina tu utuma. Inna a zan ken unigheni asugwhu on ka za ku roti reh unigheni asugwhu. ⁷ Na yemmi iri ken? Ki kusin kimi nana Isra'ila pima sin ringhi, pima rotoh ma zuwa, a mazakuguranu ayami nang ama zika ama zuwa kin, agura reneh atih ayami ama taka an rowuwoh. ⁸ Muri ken na a nyakara: "Kasirih kama ro yhaon rijarum ru wam, a yici ami a zaku nyen ateyeh, nan ato ami a zaku sin pokse a marawa atuk kana." ⁹ Awar ken Dauda eku vere awph, "Sa undaka ku yhaon kun wana karong kabang, ku guntin ku nukkpokwuruwo un rina, ki kusih ki yeni nan ama napsa kn nangao a ritih ri yhaon. ¹⁰ Sa ayizi a yhaon an wana marini ken na an ka zaku yika tirkiri ateyeh, a gura gbwepkwe natini na yhaon inung adhaor mazaman marasa." ¹¹ Awar ken, ma vere awph, "Anku nukkpkwuoro awar kuwoh an rigyi ajaos? Kon zaku nana wana ken. Untami, tu rina tu riksinu ti yhaon nan kuwaska ko ruva nan Majir ma Yahudawa, awar kuwoh an rene yhaon an rise ripuvu. ¹² Na kini, inna urisinu ku yhaon ko wana ti karma ti rikuya, inna uvizu u yhaon o wana ti karma ti Majir ma Yahudawa, kun ka zaku pirka ken inna uvaru u yhaon o koro? ¹³ A mazakuguranu, na kini in kusin vervene nang ayini majir ma Yahudawa, in sin rerene adhaor na sang awar kuwoh mini in reh kapkgweng a makana nang majir ma Yahudawa. ¹⁴ Man ka gita chone ripuvu re ayhaor ami are rikommina ri nang a tipum. Ten ka gita waskane arong awori inung ayhaon. ¹⁵ Awar kuwoh, in nang unvononu uyhaon usin dinnin yhao a makana zonzawuma mu rikuya, yemmi nan u rumenu uyhaon on ka wana in nan a zaku reh kuvoh awari aya mi ama kizih? ¹⁶ Inna a tara irao izoni nang ama buba, ken nang kufaowaorhi kumi ko takah. Inna ajao unaok kumi, ken nang mapa'ah mami. ¹⁷ A mazakuguranu, in nang a pongoh arong a pa'ah ami, in nana azika vu piyi piyami pireh pi pa'ah pi zaitun pe rimi, a ninghara vu inung uyhaon, in na pe gura zuwa rhi awori inung atik ama tu naok ko tih ku zaitun kumi. ¹⁸ Kasu ka rerene a yaksa mapa'ah mami. A mazakugurane, inna peh zokpkworitih, a zang piyi pi sin yaop unaok kumi, a mazakuguranu a reh kunaok kumi ku sin yaop vu ¹⁹ Na pen ka vereh awoh, "Ama pongo a mapa'ah awar ku an ningh'aram inung." ²⁰ Are rivin. Awar ku za rume asugwhu ka yhaon nang ama pongh'o yhaon; a mazakuguranu, pi yhaozih a kakkwani awar ku rumemnu o sugwhu ku pu. Kasu ka yelli udinnu ku piri usuru upuh; a mazakuguranu, yelli ukau. ²¹ Awar kuwoh Kasiri kan rotoh jhao a mapa'ah mam mari cetto zohn, kan ka zaku jhao vum. ²² Awar ken, tirkiri anang urentu a sugwhu nang unnyaku oSiri. Unpettu ku rao, unnyaku uma toro izo oYahudawa ami ama riyi. A mazakuguranu, unrong unpettu kumi, urentu osugwhu moSiri mu sin ruvsa nang puh, in na pi tu sin jara inung urentu ko sugwhu ka yi. Inna azan ken an pengh'e vu. ²³ Na yhaaon, inna arotoh sin jarah innung unza rumenu ko sugwhu ku yhaon, anka ningh'ara yhaon inung. Awar kuwoh Kasirih kan ka gura yika ningh'ara yhaon inung. ²⁴ Awar kuwoh inna a pengh'e a cuwune vu, awori inung ikusi kimi kirin katiti ku zaitun ko rimi cette zohn, a ningh'ara vu inung atih ku zaitun ku rif, unrina ku za-jataranu, kun ka zaku pirka inna a ningh'ara a Yahudawa ara ami are mapa'ah cette zohn inung otih ku zaitun ku yhaon. ²⁵ Awar kuwoh in zaku sin ringyhi woh in zonzon uza yhao, rikommina, a maja'ah ikusi kina ki wukuni, awar kuwoh in kasu wana nan ku yhaoh udinnu uyin. Ku wukuniri ku na ku ri woh a rowuh uritih unpette kuma wanna unIsra'ila, a marawa ukoronu uvaru u majir ma yahudawa mami ma ninghi inung. ²⁶ Awar ken Isra'ila nasang kon ka wana nang kuwaska, kenna a nyakara. Piyu waska en cira awari un Sihiyona. En ka cuwune u za dorkoro Siri awori un Yakubu. ²⁷ Agura re ki kusih ki ken wana unungh'u avereh anang, nang yhaon, adhaor kami nang man cuwune yhaon ivang." ²⁸ Unpette ku rhao amaja'ah masara marentu, are aya sugwhu ka riwuma awar ka yin. Unrong ku pette kumi awar ku zokanu ko Siri, are ayami ama roh yhaon asugwhu ku rumenu awar apute munaok ku yhaon. ²⁹ Awar kuwoh na paru nang u kangh'u o Siri mo ku zaku saka. ³⁰ Awarkuwoh ima re ayami aku zaku rene ikusih mih nang Kasirih kawoh in ren. A mazakuguranu, in ma sere rilillipovo awar ku rowonu kotih ku yhaon. ³¹ Un rina urhaoh umi, a Yahudawa ara a riksi urok ritih. Ki kusih ke cira a war ken ke wana awar ka rilillipovo kumi nang asa nang a yinih ayhaon ken na kini anka sere rilillipovo. ³² Awar kuwoh Kasirih kama wura ayhaor nasang inung unrok ritih, awar kuwoh iroh rilillipovo nang ayhaor nasang. ³³ Ku mina ku gbowaki ku jitaru yhaon nan ku yhaoh koSiri utemenu u yi u ma pirka ukitara, marina ma yi ma ma pirka yaotaokeh! ³⁴ "Awar kuwoh wanmi iyhoah rijarum rih pikarma vah wanmi a wana isin mighya yhi urina? ³⁵ Vah, wanmi eseme roh irangmwa nan Kasirih, awar kuwoh Kasirih kan guddu yhi?" ³⁶ Awar kuwoh awori nang yhi, nang tu rina ti yhi, nang a makana nang yhi, nang an kusu na sang mu rim. Ku zoavao kun wana nang yhi karen nang karen. Ken.