¹ Inachegyhii, mataszanah matowoh kanang nang katanzu Kasirih awar kayin, uzuwanuh whaska. ² Nma wopkwoh uwoh aya vintinineh anyaen Asiri, azaku reh tuyah. ³ azaku yah uwattanuh uyaen Asiri, anku sirigye uwattanuh uyahn. azaku rohritih unwattanuh Asiri. ⁴ Kristi ireh kakorozung kamazeh muwattanuh oyah rumenih. ⁵ Musa ima yjazah uwattanuh oyah rumenih amateh; ''piya izikamih tuwattanuh umaleh nzomoh unwattanuh mih''. ⁶ Areh uwattanuhmih uwohrih uvurah nakoh, 'su vereh atsowoh kapuh,' wan entuwah izoh?' (kuwoh, iyendeh Kristi ajass): ⁷ asu gurah woh, 'wan enturoh inuk ajass?'' (kuwoh, ichidda Kiristi inuk amakinuruh) ⁸ Na yaen nang avereh? ''avereh mih apatih, a nauh nang Katsowoh kapuh.'' Ande avereh uvurah, amih natisi yhatarah. ⁹ Areh nang kanaoh kapuh penka sereh Yesoh awoh Kasiri, arumuh atsowoh kapuh awoh Kasiri kama choneh yhii inung amakinuruh. Pi nang zuwa uwhaska. ¹⁰ Areh nang Katsowoh piyar ekuh rumeh uwattanuh, nang kanaoh esereh uwhaska. ¹¹ Apurah awoh, ''piyah rumeh nang yhii nkazaku pukoroh anchini.'' ¹² Awar kuwoh Ayahudawa nang Abelenawa avaktazih yaen. Kasiri kamih kareh Kasirih kunasang, Areh pirunih uzuwoh ana ya si kagha ukan nasang. ¹³ Piya ekagha arizaghii Desirih enkah zuwa uwhaska. ¹⁴ Tinih nang anka kagha apiya na rohteh rumeh uyhii? Tinih nang anka rumeh upiyah na rohtoh yhii? tinih nang anka pukoroh maza pi umigharung? ¹⁵ Tinih nang anka miseh, anrowoh tumah yhaen?- ken nang iyhakaranih,'' yaen upess unavinah nayah asi yhatarah anang arigharoah de nang aripsi! ¹⁶ An zaku nagha toh amavezeh mamih, ken nang Ishaya evereh, ''Sirih wan emah rueh asarah mawurih? '' ¹⁷ uvurah okuh uwamah tuh puk, kupuk teh vereh Asirih. ¹⁸ Andeh nkuwoh, ''Anku rohtoh pukoroh?'' e, are ken ''Agyhii ayaen amah gurah urukuyah, avereh yaen ammah girah ukak kurikuyah''. ¹⁹ Nrohtih si ripsih, ''Isara'ila nku zaku yhae?'' Azon Musa ivereh, ''Man renehnih rikazha amaya azakureh tirindinah. titih rindinah timih ti zatin uyah, naman renenih inwanna gwok.'' ²⁰ Ishaya imah tsirih ken ne woh, Nmah zuwamah anaya arohtoh rigyhem. Araohtauh anaya arohtoh kinam.'' ²¹ Nang Isra'ila nwoh, ''uren kotuk in rengenih anachannanang anaya apukyhaen agurah ragdih.''