¹ Atini kanang ara nrehye a manyenku ma nas mahn yeze ana kuva na nas nurikiya, an yaobsi unrirghanu uvunu unas urikuya awar kuwoh uvunu unka suka sunge urikuya, amani-masir mumana, vah arong kaoti. ² Nma rehye umanzu kunyenku kunma chira a macira mahn nyhi, kumi ku yaoh maturi ma Sirih kuvoh. Ima (kumah) kande a rinyi rigwaki nahn manyenku ma nas mami na ama roh mahn avaong an urikuya nang mani masir mumana ivura. ³ "Varani tirur urisenu uh maturi annyen moh rehreh a Sirih kawurhi, innu semu rah vuraze urikuya, mani-masir mu mana, vah naoti." ⁴ Nma pokoro uvaru oyhaor ami na a riseh yhaon maturi: 144,000 ayha na a matuzzu yhaon awori a tiverven teh yhaor uIsra'ila. ⁵ Maduvu akiri-ativa awori a tivervene tih Yahudawa, Maduvu akiri-ativa awori ativernene tih Ruben, maduvu akiri-ativa mawori a tivernene tih Gad, ⁶ Maduvu akiri-ativa awori a tivernene ti Asha, maduvu akiri-ativa awori ativernene tih Naftali, maduvu akiri-ativa awori a tivernene tih Manase. ⁷ Maduvu akiri-ativa awori ativernene tih Saminu; maduvu akiri-ativa awori ativernene tih Levi, maduvu akiri-ativa awori ativernene tih Isaka. ⁸ Maduvu akiri-ativa awori ativernene tih Zibalun, maduvu akiri-ativa awori ativernene tih Yusufu, maduvu akiri-ativa awori ativernene tih Bilyaminu amah nseh yhaon maturi. ⁹ Atini kanang ara nmah tirkiri arehye amakonkuzuwo ma yhaor adunn ami na zah piya enka suska uvazze awori a mayinzi nasang, tivernene, ayhaor nang tivernene an yezezi annyen muh kursiyi nang annyen ma konoh kugam. Amah rizzi amakusu mavaoksi nang ku yaobsi ipagha idabino ana achara na yhaon. ¹⁰ Amasi kangha arinyi rigwaki: "kuwaska kuri nang Kasirih kawurhi kami kami kazomi unkursiyi, nang konoh kugahm!" ¹¹ Manyenku mami nasang mamah yezi agirkini ukursiyi agura agirkini aya chirvu nang mavoh ma nas mami maku nomoh na bwonis nang nyen moh mahn annyen mu kursiyi, aseri a Sirih usujada. ¹² Aku vereh "ken, uyezu, udaukaka, tipamba, kusanjinghi, tichirvu, usuru, nang unighanu unwan oh Sirih kawurih zamara mazamara! Ken!" ¹³ Anreh piyhaor urao inung anaya cirvu erivihm, "awani ara, abuwuzini a makusu mavaoksi, ikii na a cirahm?" ¹⁴ Nmane yhi, "kizon-kizon, piyhao," anreh iku manehm avere, "Ayhaon arhe ayhaor ami aruva awori invura igwaki mi. Ama guzu a makusu ma yhaon a rene mahn wana mavook inung a manyo ma kono kugam. ¹⁵ Awar karisohn rhi, ayhaon, arhi annyen mu kursiyi kho Sirih asi riyhi usujada rikata nang katuk inung uhaikali kuyhi. Piya izomi izo arirah katakari enka baongao ugari kuyhi izo uyhaon. ¹⁶ Ayhaor ara anka zaku pi gura pokoro igbom vah upokoronu user. Annyi monka zaku pi cizza uyhaon vah kanong katek kapu arivah katakari-kursiyi. ¹⁷ Awar kuwo konoh kugam kami kari atehti karira-katakari kankan kare pivighi uyhaon, enka gwasa yhaon makana mayellezeng ma mani-masir muvoh, Kasirih kanka veske mayizi mayizi ayhaon."