¹ Nma tirkiri adaor kami na khono kugahm kamah wonoh uraoh inung amaturih pivigha pezon anrhe unku pokoro uraoh konkusu mumi musi raovao kovere a rinyii rimi risiyi ruh ratanu, ''Ruva!'' ² Anrhe nku tirkiri arehye pivarka pivok piya ituvihm iyaob utah, amah roh yhi akata. Ima cira neh pirogwo awar kuwoh irhi nasara. ³ Adaor kami na khono kugahm kamah wonoh maturi mavak, anrhe Nku pokoro ikusu kevak kimi kisu raovao kin vere, ''Ruva!'' ⁴ Anrhe pimanzu pivarka pinku chira-pisen naviet. Pituwi upin amah rohyi awara ku cuwune a mavok inung urikuya, awar kuwoh ayaor akun an wuhnzana. Pituwi urhu ama rohyi utang kugwaki. ⁵ Kadaor kami na khono kugahm kamah ka wono a maturi ma tar, Nmah pokoro avere ikusu kisi raovao ke tar kin vere, ''Ruva!'' Nma rehye a pivirka, pisir, pituwi upin imah yaoe uruntuzeni anacara nayhi. ⁶ Nmah pokoro a rirong rinyii rimi risiyi neh re kusu muh nas mumi musin raovao kevere, ''Kuruntezeni kurao a rittii rikorgwo utehfu ko yira, muruntezeni matar mi Barley utehfu ko yira. Suh ka naze manuk nan mani-mansighe. ⁷ Kadaor kami nan khono kuguhm a maturi ma nas Nmah pokoro rinyii rikusu ke nas kimi kisi raovao kevere, ''Ruva!'' ⁸ Nma gura rehye api rong pivarka pinri usudi ontao, pituwani upin umah roh yhi rizayi awo kukao, uhades undaorkoni yhi, amah roh yaon usuru riraoh inung ati nas rurikuya, anwuhnza a tan kami, igbohm, nang tiwontono nang uvigha rimi ugwakazi urikuya. ⁹ Kadaor kami na khono kugahm kama wono maluri mishi, Nmah rehye amasemeni muh Bagadi marik mayaor ami na amah wuhnza awar ka vereh a Sirih nang ushaida umi na'ama yaop. ¹⁰ An seri majina a rinyii rigwaki, ''Kawanpa piyu suru nasang, piya vur nang rivin, na penka temene a zonzoni urikuya, agura zika rivaak rhi manyo mawurhi. ¹¹ Anrhe inung uyaon amah rukse yaon makusu mavook, a migha n awo an suksa adaor Katiini an korone ajami urehreh uyaon nang a Khommini arumi nang ayaoni ami na'an wuhnza a koroh, neh kenna amah wuhnza yaon. ¹² Kadaor kami na Khono kugahm kamah wono a maturi ma tasi, Nma tirkini anrhe uzunkdenu ugwaki urikuya oh ruva Annyii mumasir na Giit neh makusa mami masir na rikdik. Upii uma sugwa manyo. ¹³ Anrehruhm mizo muma righi ajaos, neh kenna katih ka'ros kaku yerkene isumuru imi iroto yaonao adaor kami na rijimara ru'vunu reh cakataka. ¹⁴ Izoh imah vinta neh avah ami na apisighi Apana nang mavenderi amah cowuze mahn atek kazontoko ka mahn. ¹⁵ Anrhe awomoh urikuya nang ayaor a mazib nang irogwo iriwuhma, aya tikarma, aya usuru, nang ayaor nasang, arehreh nang aya aviskini amah wukuzunu inung a makoring nang akwang a mapana. ¹⁶ Amah vereh nan makoring nang mapana mami, ''Riksini a natii awurhi! a wukune irhi annyen muh piya izomi izoh ukursiyi nang rikaozao rikhono kugahm. ¹⁷ Awar kuwoh katuk kagwaki ka rikaozao riyhi kamah ruva wammi penka susku yezene?''