¹ Kadhaor kami nan konoh ku gam ku ka wono maturi ma pivigha pe zohn, ande anku kiza izoh kodhaor kagh'i ne katehti kapi korgho piraoh. ² Anre nh ku regh'e mayhenku piviga pizohn mami mu yaozaohzi annyeng mo Sirih, an gura roh yaon a tuma pivigha pizohn. ³ Ku rong ku yhenku kun ruva, a yaoh aseph kunnyah i sumuru u poksoh ku zinariya a yaozi anyeng mu bagadi. An joh mu poksoh a gbwakane na'arohyi asa iruh a mane nan riyaob re yu rumenu nasang nan ku bagadi ku pokso kunnyha i sumuru ku zinariya anyehng mo rira kami. ⁴ An joh munnyha i sumuru, nan riyaob re yu rumenu, an cho izoh anyheng mo Sirih a wori a chara kuyhenku kumi. ⁵ Ku yhenku kumi kun zika a sehp ku nyha i sumuru a korone nan urah, awori nh bagadi kumi. Anre iku tah kin a jaos nh rikuyah, u ratanu u aradu nh nan ruvah, nan u runu, nang unyhagharenu on peze nan ku riruwoh ku mayinzi. ⁶ Mayhenku pivigha pezohn mami ma yaobsi a tuma pivigha pizohn an nasanu pervehni. ⁷ Kuyhenku ku zoni kun perveh rituma rikun, anre itari uruh nan urah ku rirkuruwo a mannyho. Anre ku tah man a jaos makan nh rikuyah, anre ka kuwhu karaoh innung nh rikuyah kuni kun ku poksunuwo, karaoh unnung anatih kan poksuruwo nasang nan tighi ti zuk timi tin poksunuwo nasang. ⁸ Kuyhenku ko vak kun perveh rituma rikun, anre kirangmwa ki sighi rikwang ri gbwaki kisin raoh urha an tangane kin innun nh manu gbwaki. Ka kuwhu karao innung nh manu gbwaki kumi kan wana mannyoh. ⁹ Karaoh innung a tithar kan kusu mu warsi mumi muri innung a marmasir mun kaoh, anre ku wuna araoh innung a mawasa ma marmasir. ¹⁰ Kuyhenku kothar kun perveh rituma rikum, anreh kireh rung kigbwaki kin ku righi a wori izoh, asin raoh kinne pi tochila, awaowari a kuwhu karaoh innung anthar nama mana nan ma yellezeng ma marmasir. ¹¹ Rizayi ri rerung kimi Unnyanku. Ka kuwhh karaoh inun ana thar man nyhakana, anre ayaor a gbwakane an ku kizih awar marmasir mami mama nyhakana. ¹² Kuyehnku kothar kun perver rituma rikun, anre riraoh innung a na kuwhu nathar kon nyhi kun purunu, karaoh innung ana kuwhu nathar ku pii a maneh nang riraoh innung atithar kong rerung. Anre karaoh innung an kuwhu nathar nami nasang nan wana marini; karaoh innung ko tuk an viza an pezeh mu yaon. ¹³ Anre nh ku reghe a pokoro i pendu ki seri mawanghnyana makin a tehti ki zoh kin sih kagha nan rinnyhi ri gbwaki, "Tigaohsum, tigaohsum, tigaohsum, nan aya zohm nh rikuyah awar kama takazang ma tuna a mayhenku ma athar na rama perveh."