¹ Unrunnuh onang arah unvengkeh, areghe atowohrong awoan ti naworong izo. Riyhi rizonih rumih nang unpuk rin sighi rutatum, akuwoh, ''Ruvah ina, ba unsavuh arah an wana atinih karah.'' ² Adiraoh unguruh inung amaziriri, ante unku reghe arirah ka tarih izo, arong an zonzim. ³ Piyah izomih isighi (ujasper) nang (ucarnelian). kuviring gwohni kun girih arirah kamih kuvirgwohni kun siyhi (emarald) ⁴ Avaskanih arirah kamih narong narirah akirehvah nangirim, ayah kun akirehvah amanas an zonzim, arizzi amakutsu mavuktsi, nang akarr nabararah anatih ayaon. ⁵ Unsunarirah namih anpezeh nabarara, ukuszunuh, nang uyhaghazanuh uratazanuh, avak pivigha pizoni andaovanuh urah anyhaen monarirah namih, avak ami anre maziriri masiri maravih pivigha pizoni. ⁶ Arirah kamih kajing kigilas, asighi icystal, atetih nang unvaskanuh orirah kamih mavoh manas manrim akorenih ayhizi tenyhaen nang terikoroh. ⁷ Ki kutsu kuvoh kizoni kin tsuwi uzaki, kirak nekikuk, kitar kin rhi anyhaen nemupiyar, kinas kinsighi apiyhagha, ⁸ Ankutsu munass mumi mon riszi avekh matasi tasi,nang ayhizi nachotoroh tizo nang tejas. Katuk nang rikatah anrotoh jah ukuwoh, uvur, uvur uvur ure Kasiri kamih kamarih, kamihkarih, kamih kan ruva''. ⁹ Kadar nang ankutsu muvoh kumih mu cho unghenzenuh, urohtichirvu, nang kusangjini kupiya umi ima zome arirah, umi irih uren kiren, ¹⁰ Ayahkun akire vah ananas a-ni anjikkwara anyhaen mayaen awar kapiya izomi arirah an tukuruwoh apiya ghrunuh nih uren-kiren atangyazeh akar ayhaen terirah kamih, awoh, ¹¹ Pituh riken, titah uwurih nang Kasir kawurih, sapi ser ucheghenuh, ughenzenuh nang usiruh. Pighi pe riseh ankukkutsu, unrumehnuh upuh, namurih anma riseh mun.