¹ "Makana nang kunyenku ku ikklisiya ku Sardisu nyakra: 'Avere api yah i yaop mazir pivighha pe zohn ma Siri nang an rerung piviggha pe zohn. "Nyoeh anang na pe rise. Piri unyen kuwoh pisin voh, aareh ku kiniru. ² Cho a sisaneh i kusu ki takani, ara kin ku rama kaoh, nroto zuwa anang a kori nang puh annyen mo Siri kanang. ³ Ka yaoh awoh, arah na pe sere a gura pokoro. Rise ni, a tuba. Na pi roto ma cho, man ruvah ne pitugwhu, penka yoeh vuh a dhaor na mang ruvah vuh. ⁴ Kuro a zaghyhi a yaohr a zaku gbwaki un Sardisu ami a rotoh rise makusu ma yoehn marik. An jara nan mini ama rise makusu mavok, kure anku ma hama. ⁵ Ko wan eh chidda ritih anka rene yih ma kusu mavok, a zaku veskene rizaghyhi riyih a na vah u voh, a gura kangreh rizaghyi riyih an yen mu Tita, nang anyenku muyih. ⁶ Piyah iri atoh i pokoro anang na mazir masin mise Ikkilisiya." ⁷ Makana nan ku nyenku ki ikklisiya un Filadalfiya, nyakarak: "Anang ami are avere a piya ivur, piya rivin- i yoehbp mawononi ma Dauda, na eh wono zah piyen wura, na eh wura zah piyen wono. ⁸ "Nyaoh anan na pe riseh. Tirkiri, nma taravu a toworong ka wonti zah piyenka suska u wura. Nyoeh usuru puh uri na chini, nang ken pima dorkoro a vere nang a roto ma saravu rizaghyhi rinang. ⁹ Tirkiri! Aya are aya tek ka ma kongsuzuwoh ma pisufu, aya a kuwoh tire are a Yahudawa an zaku riken, i chotti na a seri. Man rene yaohn an ruvah a tutu ana vinah na yihn, a yaogaoteke woh n suni nih. ¹⁰ A warkuwoh imma nuzuruwo, a pkwakturuwoh a dorkoro mateh manang, man ka kaninih a doehr ku gbwekenu kani kan ruvah urikuyah, a gbweke a yah a rih urikuya. ¹¹ Man ruvah kinikini, kayoeh i kusu na piyoehp na kang sa pirong i kasu sereh a wozoh kapuh. ¹² Man ka rene piya eh wana kiwoni pillang urarah kuma konsuzuwoh ko Siri, enka gura pi zaku chira inung u kun. Manka nyah kareh un yih rizaghyi reh Siri kanang, rizagyhi ru ruoh ko Siri kanang (ku Urshalima ku pass, kumi kusin tozzonoh a wori zoh nang Kasiri) nan rizaghyi ripass. ¹³ Piyih rih a tohh i ka pok anang na mazir masin miseh ikklisiya." ¹⁴ "Makana nang ku nyenku ku ikklisiya ku Laudikiya nyakara: "A vere a piyih reh Ken ana rah anang u yoehptoeh a rivim, yih ima rim, piwomoh izoh ankusa na Kasiri kama napsa. ¹⁵ Nyoeh i kusu na pima rise, pi zaku zughwu a zaku piya. In pirusu annareh pi zughwu voko pi piya. ¹⁶ Awar kuwoh pi zavu annyen mu roeh, a zaku piya a gura zaku zughwu, nrama chatkane vuh uyah a noeh kanang. ¹⁷ Pe ku woh, nrih a ziki, nrih an kusu a gbwakane, nsuni mi rangwa, "Pi zaku yaoh awoh pi pireh ki kusu ki yikin, ku ziri, piyu wam, pirumu aru pkwatkurok. ¹⁸ Kapok anang anang: zemene nang mini u zinariya kuma na ama napsa nan urah sa pi wan piya ziki, na makusu mavok masin terereh a rene ritih ripu a zaku sa a gura pokoro ugbworr upkwat kurok ku puh, nang manuk a rene ana yizuy apu sa pike nyen. ¹⁹ Maku chima piya na nsuni, a miseh yaohn kenna an yelli a zom. A war ku ken, ka yaop na kang, a tuba. ²⁰ Tirkiri, nyoahzih a toworong, a sin challaze. Piye pokoro ringhnyih rinang a wono a toworong, man ninghe urara kuyi a raoh nang yih, yih nang mini. ²¹ Piya eh wana kiwoni, man roh yih a tek ka zom nan mini a tiwomoh tinang, ken na mina nma wana kiwoni ara zomi nang Titah a tiwomoh tiyih. ²² Piyah iri a toh i kapok anang na kunyenku ko ku vereh un ikklisiya."