¹ Makana nang kuyenku kuraghao kumi un Afisus, nyakara arah ara maverenen mapiya ima yaobtoah anrerung utasi araoh achara kayhi kuraon yhi ire piya ima jara inung afitilla pu zinari. ² Nh yhaoh ikusu nang in ma riseh nang utuma uyhin uwon nang ku nome kusugwhu nang ukwakturuwanu uyin. Nh yhaoh penka zaku kwakkturwo ayha machok nh yhaoh pima gweke ayha akuwoh are nagweng, azakure nan, peh zuwa yhaon anre ayhi cotti. ³ Nh yhaoh piri unome kotih nang ukwatturuwonu nang imma vurana agwakane awar karizayhi rinang aroto ma gura ruruh. ⁴ Anreh nh za pok kurentu unang nang pu pima jhaoh usuru upu mim uzoni. ⁵ Kayhoah awar kuwo awori ikii nang re righim jengnuwo ariseh ikusu nang pimah seri azon, pinan nu jengnuwo, man ruva vuh atini achwune fitilla pipu awori azoni kapin. ⁶ Areh pirih ikusu ki: pima vonovu ankusu kumi nang ayu Nikolatawa ama risi, kimi nang mimi mah nh ma vonom. ⁷ Sa piya iri atoh ipokoro ikusu nang mazhir masin vernene makana nang marangho mututunu. Nang piya se unasara man rohyi awara iraoh ati kuvoh, kumi kuri nh Fidausi Kasirih. ⁸ Makana nang kunyenku a marangho mututunu mayu samirna nyaza: Ara are mavernene mapiya iri ari zoni nang riwuni, piya imah kaoh agura wana piyu voh. ⁹ Nh yhaoh ipivih iyhi nang uzah uyhin, inreh ayu rih. Nh yhaoh ayu naze kozayhi ami akuwoh are aYahudawa an zong ken nang ariken are maraghaoh mututunu ushaidan. ¹⁰ In kasu kawao ivura imi nang innang reghe nh zonoh. Tirkirini! Shaidan ira patu tah arong ayhin inung nh raghap kipivih kurkuku ukuwo an gwekini inang kurana ana tuk rikiri. In rise matini aka rara ukaoh man rohinni urawani kuvoh. ¹¹ Sani piya iri atoh ipokoro ikusu nang mazhor masin vernene nang marghao en zaku vurana chutu nh khaoh kovack." ¹² Makana nang kuraghao kututunu nh Burgamas a nyaza: ara'arana ani are mavervene mapiya iri atan ku nyaku uvah. ¹³ Nh yhao atek nang pi zomihn. inaori nang ku kursiyi, karira ka pisifu karim. Nang ken ka yhaob rizayhi rinang nh sisazu nh yao'awo piroto saravu urumenu upu nh nang, vah anatuk a Antifas piyu shaida unang, piya matini manang umi na'ama wuhna yhi innung nh yhin, inari atek nang pisifu irim. ¹⁴ An zah umarentu manung na chini nang yhi piri nang arong ami ayhaob umisenu u Bal'amu anasara ye nava umi nang imah mise Balak irene ikusu ku rukkturuwonu, anyen mu konoh nh Isra'ila, awar kuwoh anri a mariniru mani nah amaroh Urehve angura yelli uraskani. ¹⁵ Nrina urao, arong ayhini agura yhaob umisenu u Nikolatawa a gwanyhe. ¹⁶ Dinniwoni inang en vonini man ruba a rakarao, agura yelli riwuma nang yhaon tetan kami kari anao kanang. ¹⁷ Sa piya iri atoh ipokoro ikusu nan mazhir nason vernene nang maraghao mututunu, nang piya eyelli unasara man royhi imanna ki wukununi man gura royhi rikwang rivok nang rizayhi ripas rin nyazanai arin kwank rimi, rizayi rimi nang pirong izaku yhaoh rin anre piya nang aroyhi" ¹⁸ Makana nang kiyonku nh raghaoku tutunu koyu tiyatira nyaza: Arana ani are mavernene ma konoh Kasirih, umi iri ayizi kinne rirem ru rah navina mami kinne ku tagula kumi nang ama wogho. ¹⁹ Nh yhao ikusu nang pima rene: usunu upu nang urumenu nang utuma amane nang kunome kasugwhu ukwakturuwonu nh yhao awo kikusu nang re rise kini ki piri kimi nang pi mamah rise ari zoni. ²⁰ Na nh ri ikusuki nang pu: pima hakurce apiowoh Yezebel, umi ima isin kangha ribi riyhi awoh pireveneni. Nang umisenu uyhi ima ze ana sugwhu na rereh a nang an yelli utuma usunu uripum nang kari kanarinuru mu hadaya ku ma gunki. ²¹ Nh ma royi adhaor ijengnuwo anreh iku zayi usu uwoh irenghuwo nhtun usunu uripum uyhi. ²² Regheni! man tuva kin nh kurmi ku rizuntu, ayha ama yelli utuma usunu uripum nang kin in vura agwakane, se ku ka jengnuwo nh riseh nu ukin ana nang akin. ²³ Man vabkwa nonoh nakin nh khaoh, maraghao mututunun nassang man yaogaotaoke awoh nh reh piya eku rengze udinnenu nang nasugwhu. Man roh kowammi aritih re nang ayhi. ²⁴ Areh ana mazu ayhin ami ari inung nh Tayatira, nan kowanmi uyhin umi iroto yaonbtao umisenu uru, atinin azaku yhao ikusu nang arong asin kagha ankusu mu kambaozi mu shaidannnang ayhi mawo, nh roto renini marong mazhip nh yhin. ²⁵ Ana rong annang, innang yaozane mariva innang puru a gwangyhe nh nirganu nh nang ruva. ²⁶ Piya eyelli unasara nang piya erise ikusu nang marise aka a ari wuri, yi nang man royhi umirgamu aritih ru rikuya. ²⁷ En ka yaobtao yhaon nang kati ka pikorigho, enka satara yhaon kinne anruruk mu ma yinzi. ²⁸ Kinne kennan nh mah sere nang titah man gura royhi an rerung mu mapkwu. ²⁹ Sa piyhaor umi iri atoh ipokoro ikusu nang mazhir mason verene nang maraghao mu tutunu."