¹ Areh kini ire Uvitaranu Yesoh Kristoh umi nang Kasirih kama raoa Yuhuna asa isah a rereh ayhi ankasu mumi mura patuh wang. Imah rene mun munun yaoyutuwo tuken na. Ima tuma unyenku kuyhi amajahari nang pirere uyhi yuhana. ² Yuhuna ima shaida amaruvah nang avereh asirih nang majagha na ushaida umi na amah raoh amajahari nang Yesoh Kristoh ankusu nasang mumi nang ima reghe. ³ Aya zikini areh aya akaranta a gbongoroh, nang aya apokoro averh anabci, nang aya riseh matini nang ankusu mumi nang ama nyakara inung, awarkuwoh kadhaor kara pati. ⁴ Yahaya, amajahari Ikilisiya imanzi vak inung amayinzi mu Asiya. Mavur man zo mun hyin nang mapes amaruvah nang piya ireh yhi, nang piya ima reh, nang piya enka ruvah, nang amaruvah nang mazir amanazi vah mami ma pati atiwomoh ti yhi. ⁵ nang amaruvah nang Yesoh Kristoh, umi i yaozi arivin, Konoh kazohn inung ama kinuruh, nang piya I yhaop awomoh urikuya. Ama jahari nang piya i suni ri anreh ikuma ciddi ri inung invang iwuri ama nyoo ma yhi. ⁶ Ima reni ri tiwomoh, ma firist ma Siri ka yhi nang Titah nan yhi u daukaka nan u siru unwan amaruvah un rhaosi nan ku rhaosi. Mon wan ken. ⁷ Reghe ni, isin rupsa nang uriruh; koh ariki ayizi anka tirkiri yhi, amane nang aya ama coggo yhi, Tivervene tirukuya nasang tenka riseh umakoki awar ka yhi yih, mun wan ken. ⁸ "Mini ireh kizohn nang riwuri," Titah ugwaki kasiri ivereh, "piya ireh, nang umi imareh, nang umi enka ruvah, piya usiru nasang." ⁹ Mini, Yahaya-koni kayhin nang piya isin hanza nang ayhini, inung unrereh nang tiwomoh nang u hankuri umi uri inung un yesho-ima rih izoh un tsibiri kumi na aku kangde awoh Batamusa awar ka vereh a Siri nang shaida u Yesoh. ¹⁰ Mma ri inung amazir atuk ka Tituh gwaki. Um pokoro atini kanang ari nyii ri gwaki ne ku tatun. ¹¹ Rinku verh, "Nyakara ankusu nang pe reghe inung ana vah, anreh piku tumah amajahari Ikilisiya ama nazi vah amajahari un Afisa, simirna, Birgamas, Tayatira, sardisu, filadalfiya nang Lawudikiya. ¹² vanduruwoh asa nrek ari nyii ripiya isin vervenu nang, anreh nku vanduruwoh kenan anreh nku reghe itilla ama nazi vah u zinariya. ¹³ Inung ateti ki tilla imi pirong pima rim asighi ne pivezene upiyhaor, ama rene a rhi rikwangari rimi reka rava ana vinah na yhi, nang u damara u zinariya asuwu ka yhi. ¹⁴ Riti rihyi nang tih ti yhi ti vok na ras ne ti johji a vokoh na ras ne alli, ayizi ayhi ne rirem du rha. ¹⁵ Navina nayhi ne tagulla umi na ama wowoh, ne umi na ama telleze ati kperme, nang ri nyii ri yhi ne u somh uma manah ma mani-masir. ¹⁶ I yhaom an tauraruh manazivah a cara ka yhi kur haom, nang katn kami nang ituwa ivah iyhaki kansin cizza inung a naoh kayhi. An nyen muyhi munsin haza ne an nnyii mi zoh mu yhaki. ¹⁷ Kadhaor kami na ma reghe yhi, anreh nku righi ana vina na yhi ne piya kinni. Anreh ikuh tarkara acara ka yhi kurhaom avereh, "Kassu pokoru khau. Nreh izohn nang ri wuri, ¹⁸ nang piya whara. Nmama kha, ama tirkiri, Nsin vuh har ku rhaosi! Kuma nrih ama budi mu kha nang mu Hades. ¹⁹ Na kini, nyakara ankusu mumi nang pe reghe, ankusi na kini, nang ankusu mumi monka wana kafin kini. ²⁰ Amajahari nang ma'ana ma wukuni amaruvah na antauraru ama nazi-vah mumi nang pe reghe inung a cara kanang kurhaom, nang itilla amanazi-vah u zinariya: An tauraru amanazi-vah mun mure maleku mi Ikilisiya ama nazi-vah anreh itilla ama nazi-vah ireh Ikilisiya ama nazi-vah."