¹ Anreh nh ku reghe izoh pas nang kurikuya kupas awar izoh izoni nang kurikuya kuzoni ama vaoraoh ku manu gwaki ku rota kun unakun. ² Nh reghe uroh kuvur uRusahalima upas, umi otoro jhaos awori izoh nang Kasirih, ama namsana kinne ka mariya awar kapirumi. ³ Nh pokoroh rinnyh rigwaki awori nh kursiyi renkuwo, "reghe! kazomi Kasirih kari nang nonoh na Adam, nang kan zomoh nang yhaon. An wana ayhaor akan, Kasirih aritih rikan kan ra rih nang yhaon nang kan gura wani Kasirih kayhaon. ⁴ Kan vezeh majizin mayhaon ana yhizi nasang anka zaku pi yelli ukaoh, vah kasugwhu sir, vah kasaoh voh ivura awar ankusu muwhas muma vaoraoh pituwa. ⁵ Piyah izomi nh kursiyi kumi iwoh, "reghe! nh ma rene an kusu nasang nh nang mupas. "Ewo, nyakara arana ajhaos awar maverene ma ma rumeneni nang rivim." ⁶ I vere nang mini, "ankusu mu a ruru! nh reh Alpha nan Omega, usenemu nang mararah. Nang piya ipok userih man rohyi aparu awore mayelle zeng ma marmasir movok. ⁷ Piya eyelli nasara en zuwa uwuru ankusu mu, mini unang nh nang wana Kasirih kayi, yhi inang wana konoh kanang. ⁸ Anreh nang ayu kau, nang ayu zah urumenu, nang ayi izizih nang awunzani ayhaor nang ayu tuma usunu uripum, nang aya mayighe, nang adorkonon ama reveh, nang ayi cotti nasang, kazomi kayhaon kan ka wana inung nh tafki korih nang urah uvok kun kure khaoh kovak ⁹ Kuraoh amayenku pivigha azohn ku ruva nang mini kumi ku yaop masehp pivigha pizohn akori ang mayha mawuri, kun woh, "ruva ina nang sabu amarya, piyowo ukonoh ku Bam." ¹⁰ Anreh kun ku zikam amazhir ama kana arikwang rigwaki akwangari a sang uroah kuvur Urushalma nh sih tozzono awori izoh nang Kasirh. ¹¹ Urushalima urih uzaovaonaonu Osirih, matereh mu ni masighi rikwang mai tamani kinne rikwang ru jasfa garu kinne karau. ¹² Kuri ugaru ku gwaki nan na toghoromg nang mayenku rikiri amava ana toghorong nami, ama nyhaza azahyi rikiri ana vah ati verene ti nonoh nu Isra'ila. ¹³ Ama cira mannyhi narong nathar ama riva ma mum narong nathar nh kudu narong nathar ananena nang uyama narong nathar ¹⁴ Ku teng kuroh kumi kuri i chira rikiri a ivah, a tarkaninni a zayhi rikiri anavah a zayi ana gbweng rikiri ana vah a konoh ku gam. ¹⁵ Yi piya e vereh nan mini a yaoh a tih ku runtuzenu ku zinariya i rutuneh uroh kumi, ana rong na kun nang mateng. ¹⁶ Ku roh kumi nan ukwangaruku nan upandaru nasang u muzi raoh. I rumtune uroh kimi nan kati ku runtunenu, i mill inagha rikiri a ivah a yaozi (u pandaru kin u kwangaru ukun nan kayaozu ka kin nasang umu raoh). ¹⁷ I gwura runtune mateng makon 144 a riti ru runtunenu o yan adam (umi ure uruntunenu uyhenku). ¹⁸ Kuteng kumi kusuwa nan yasfa kuroh kumi nan u zallu zinariya, kusiyyi madubi mami masih terereh. ¹⁹ I chira uteng kumi an kawata nan imus i mus i mus ekwang a ribsi rizoni rereh jasper, re vak rin reh sapphire, rethar rin reh a gate, re nas rere emerald. ²⁰ Ri shi rire onyx, ru tasi rireh carnelian, ripi vigha pizohn chrysolit ri ma naszivah rireh beryl, ri pivigha pivak rin rire chrysoprase, ri rikiri araoh rih rire jacinth riri kiri ari vak unarin rin rireh a methyst. ²¹ Na rong rikiri anavah malu’alu’ai rikiri ana vah mim ko kariki karaoh ku yelli kan nh lu’ulu’u kuraoh tirindina turoh kuni areh usuh o zurfa kannieh madubi nagwarang. ²² Nh roto regheh uraoghaoh ku tutunu nh roh kumi awar pikarma Kasirih nasang nan konoh ku gam nazik areh kuraoghaoh ku tutunu kumi. ²³ Ku roh kumi ku zakun usuh nyhi vah upii ukah an terereh nh kun awar uzaovanu o Sirih uma roh ku anpezhe, kun unakun pitilla pikun konoh ku gam. ²⁴ Mayinzi man jara inung a peze mu roh kumi kawomo urikuya unani an yende u daukaka oni inung aman. ²⁵ Na rong una nami an zaku wura nan ana yira, zah katuk una kan inari. ²⁶ Anka yende u daukaka nan u daraja u mayinzi innung a man. ²⁷ Zah kirong kirangwa ki ri ziri kimi ken ka nana a ningeh innung aman. Vah piya eku riseh anang an ching nan i chotti anka ningeh, are usu oya nan ama nyhaza a zayi a yaon innung ana vah uvoh a konoh ku gam.