¹ Anreh unku reghe akangda kasi tuzonoh awori izoh, ayaop uwonozong kowok kadungari, ari anyhen adersi achara. ² Ipuruh uviku kumi, piyorwoh pichettimih, pireh piviku, vah pisipuh,asisi yhi atiwa uduvu. ³ Atanganne yhi awok kadungari, awura kan amumakan uyhi. Saisu guranvatazeh atirindina atiwah uduvu kunku.Unran-nuh rah,anka viskinne yhi arong kadaor ka chini. ⁴ Un-reghe anarirah, ayah zonzi anre aya namah royaon rikutu dimateh, ungurah reghe amavoh mayeh nama kuru yaon atih awar asi tarkaze Yesi nang avevereh Asiri. An rotoh chekze uviku ko risuk-sana rikun, ama vonoh yaon usereh ariwamah itin kiyaon ko achara. Anguddu uvoh, azomoh ariseh atiwomo nang Yesoh atiwati uduvu. ⁵ Kutakaru kuma kinuru man guddu man uvoh inung atiwa uduvu ku.Uchonu uruh ure ozohn umakinuru. ⁶ Aya an kacho unchonunuzoni umakiniru areh aya zikini avursi, anatih nayhaon kukha ku vak ku zakun usiru uya0n. An kawana areve asirinang a Kristo aka rise tiwomoh nang yhi atiwa uduvu ku. ⁷ Natiwah uduvu ku terarh, anka viskine pisipuh aworo ukarvu. ⁸ Ichira jarayhi sa ikavatazeh atirindina intum inas urikuya-Gog nang magog-ayende yaon amane riwuma. Ankare rifighi ne isan iripuk rimarmasir. ⁹ Anchiruzoh amachandari arikutu rurikuya ajing-gwinuwoh avaon karumeni, kuroh narothim, urah uworih izoh unturo araggwaneh yaon. ¹⁰ Piviku, umih imah vatazeh yaon, an tanghaneyhi inung ajing kasi puvurun unsulpur, katek napivuku nang kumegharung kichotti atanghazanim, anrah chokozeh yaon rikata nang katuk unren-kiren. ¹¹ Anreh unku reghe arirah kavok kachitiri nang piya izohmi ukan. Kajhaos nang izoh anranguruwoyaon nang yhi, aviza ateghe kuwoh ankanam. ¹² Unreghe ukha-pirowoh nang machiri-an yazaezih apatih arirah kami, an wonovah, agura wonoh arong-avah uvoh. Antemene amakinuru anarah ayakari anvah mih, timanang mayaon. ¹³ Ripuk rimarmasi dinroh amakinuru madin, kukha nang kukarvuh anroh makinuruh mayaon, antemene makinuru mami anatih ankusu na mama mariseh. ¹⁴ Ku kha nang kukarvuh an tanghane yaon inung ajing kurah.Ku kha kovok-kajing kurah. ¹⁵ Na rizayi ripirong rinyakaranih rin ana vah uvoh, anku nurkarah yhin inung ajing kurah.