¹ Anang arah ama vaohraoh mpokoroh irangmwa ke chira ne rinyhi rigbwaki re yhaor a dunn izoh asiri akowo, "Hallaliyah kuwaska uchangwu, nang usuru uri nang Kasirih ka wuri. ² Mateh nakan marip areh rivim, kama temeneh uvapkwa vaoraoh ku gbwaki kumi koh nazeh urikuya nang kanon ka matabsana ka yi kan. Aguddu a kan a warka mannyo ma rereh ma Siro mami na kama nekse." ³ An vere avaok: "Halleluyah! Anjo mun cho maze rara" ⁴ Areveh akiri anass ativah ami na anarah anas ami asin voh an tutu a changhha Siri kami ka zomi atiwomoh tikan. Aku woh, "ken. Halleluyah!" ⁵ Ringnyhi rin cira awori atek ka zom ka tiwomoh, aku woh, changhha ni a Sirih, aya reh arereh akan, aya apokoro ukau ukan, aya azaku re kirangnwa nang ayha a sisazi." ⁶ Ngura pokoro a rinyi ne reh yhaor a gbwaki, kinne mariri na maminasir ma gbwaki, kin ne uchallenu uriru ugbwaki, akuwoh, "Halleluyah! Kasirih ke seri timowoh, ka serei timowoh ti kusu nasang. ⁷ San i gaoraonaoh a rentene a changha Sirih awarku ruvanu ku penge ki runga kugam nang kuwo Rinni kami kama napsana. ⁸ Ama jaoh kan, kan rene makusu masin terere mavur mu linen." ⁹ Kunyenku kun vere nang mini, "Nyakara anang arah: An zikine ayah na ama kanghha yaohn upenge ki rungu kugam." Agura woh nang mini" Avere rah a rivim are avere Sirih." ¹⁰ Mini ntutu ana vinah nakun a changhha kun, kun woh nang mini, "su rise ken! Nre pirere ne pighi unam nang akoni ami ayaop masara ma Yesoh. Changhha Sirih, kuwaghha ku masara ma Yesoh kureh mazir mu anabci." ¹¹ Nreghye izo Asirih in wonto, ntirkiri a reghye pivarko pivok. Piah ituwim ire piya naku kande awoh piah vur nang piya rivim. Nan rivim na eku rise mateh nang riwuma. ¹² Ayizih ayhi an suw urah usin gauzoeh a ritih riyhi anreh nawozoh na gbwaki na rim. Ari rizaghyh na ama nyakara zah piyi yaoh, yhi nazik. ¹³ Ari makusu na ama rene a mannyo, rizaghyi riyhi ankuwo avere Asiri. ¹⁴ Aya riwuma izo sin and dorkoni yhi in varka ivoksi, ari makusu ma linen, ma vok ma vur ¹⁵ Awori a noeh kayhi katan kami na isin challaze maroh nang kan, a yelli tiwomoh nang karowo ka pikorwo. A tuksana a tek ku gbwalleze mani mu voh kuyikun ko Siri. ¹⁶ Ari rizaghyi na ama nyakara a makusu mayhi na ibambam iyhi." Piwomoh o womoh nang pikarma or karma." ¹⁷ Nreghye unyenku kun yoezih annyih. I kangreh a ringyhi ri gbwaki anoen mi zoh "Ruwani, a konsuzuwoh ayelli upenge ku gbwaki ko Siri. ¹⁸ Ruvani a raoh inama eh womoh inama eh rumi ariwuma, inama eh rum a sisazi, inama ivarka nang aya tiwi, nang inama eh yhaor nasang arere nang ayah a zan arere, ayha zakure kirangwe nang aya sisazi. ¹⁹ Nreghye urara nang awomoh murikuya nang ayha riwuma ri yhaoh. An sin konsuzuwoh an yelli riwuma nang piya ituwi a pvarka nang ayha riwuma riyhi. ²⁰ An puru unare kumi nang anabawa mi cotti ami ama rise anang a gbwakazi nang yhi. Nan anang ami na ima kokoze ayha ama sere ulamba ku nara kumi agura changhha yhi. Uvah ku yhaoh na ama taongaoneh inung urah usini goabzaoh an sih voh. ²¹ An wunza ayha taka nang katan kami ka chira a naoh ka piya ituwi a pivarka. Anaohn am an raoh inama eh ya ama kizi kume.