¹ Atini ka ra'arana nh reghe u mazu kuyenku kusin tozzono awori izoh kuri unirgamu agwakane, nan uzakaonanu uyi. ² E zene majina ari yhi a gwakane, awo, ''urighu, urighu u Babila ugwaki! kuma wana katek ka zom Kasifu, makongsozong ma mazhir mayiman, nan makengsozong man kusu nasang nan an naon mu riziri. ³ Awar mayinzi nasang mama seze masaku mutuma usumu uripum. Piwomoh urikuya ima rise utuma usunu uripum nan kin. Atajirai urikuya ama wana ayu rih tu nirganu utuma usunu uripum nh riha urihm''. ⁴ Ande nh ku gura pokoro rimazu rinyhi riwari izoh, re cira uya awari nan kin, ina yaor a nang, awar ken innan zaku wang zana in vang nan kin, awan ken innan zaku sere u bala'i ne kin. ⁵ I vang ikin ima kengsuzuwo aka kwangurwo akajagha izoh, Kasirih kama dinne ama anang akin ayi'ani. ⁶ In guddu kin kinne kennan kima guddu arong atini, in bii kin tiva ariti ri kusu nan kima riseh, innung in cup kima rirkiri, rirkivini tiva awar kakin. ⁷ Kennan kimah zavao ritih rikin innung Luxury, in varaze kin nan mapokoro nan kasuwhu sir ken. Awar kimah vere a suwhu ka kin, nh zomi kinne ki sarauniya, mini nh zang ku kumbu man zaku nanah a magha,'' ⁸ Awar ken atuk karao ubala'i ukin a toroh kin, kukaoh nasao nan igwam. urah an ka pokso kin na piling, awar pikarma Kasirih piyu nirganu are yi en ka temeniri. ⁹ Nwomo urikuyah ami erise anang utuma uripum har aka wuru nan kin, an magha nan ukuzzunu /riwozo awar adhaor kami nan areghe an joh mu poksunuwonu ukin. ¹⁰ Anka yaozazaonao aran gani, yaon, asin kawao ririllipovo, ririllipovo makana nh roh kugwaki, Babila, kuroh kusisazi! Awar adhaor nachini mateh makin maruva''. ¹¹ Aya pizeh agwakazi urikuyah an maghana nan nasuwhu sir awar kakin, ukuwo za piya epi gura zemene makusu makin. ¹² Ma kusu man pha mumi nan apok mim, nan anpha mun terereni, nan akwang a Liferrma, nan ma Lu'u-Lu'u nan ma Litin ma regdeni, na ma hajja ma urihi mu ruwar garura, nan ku siliki, nan alharrihi ri sen han natih nu yha urentu imusimus nan makusu mami nan a sene ana tih ni korghwo, nan nama marikwang ri terereni, ¹³ Nan kirfa, nan ankusu mi yaji, nan utumari urah, nan umar nan Luban, nan marmasir mi inabi, nan manighiss /manuk, nan kumalla kulikama, nan Likama, nan inagha nan magam, nan ma dawakai nan an kehe mu doki / mupi varka, nan avereh nan mavoh man yan'adam. ¹⁴ Iraoh imi nan Re rene asuwhum nasang nan unirganu upu muma comunu nan pu iLuxury ipu nasang nan udaraja upu uma wuru, an ka zaku pi nama azuwa. ¹⁵ A zizini aakazi ama kusu ma ami ama yelli ikorgho tukin./awor ka kin, anka yazane inari marangani awar ku khau ivura ikin, mayizi nan kasaoh agwakane. ¹⁶ An ka wo, kaito, kaito nan kuroh kugwaki kumi kuma rene makusu marib mu Litin nan makusu mu jar garura nan ku jan alharini, nan ke rene makusu nan azurfa, nan akwang ikorgho nan ma Lu'u-Lu'u! ¹⁷ Adhaor kavao udukiya umi nasang nh wanta. ''a kokozene ama wasa mamarmasir, nan aninzeni, nan a kokozeni nasang na aya aku zuwa ubiya usunu yaon / usunu umavoh mayaon an yaozane marangani. ¹⁸ An rene majira nan ureghu on joh mu poksu wonu ukin. An wo ''Kiriku roh kusighi uroh kugwaki''? ¹⁹ An rise anteh /kavutu/ kuvullu ama tih ayaaon, arene majina, aseri mayizi nan kasaoh. Kaito, kaiton kuroh kugwaki katek nan aya mawasa ma marmasir ama yelli ikorghom, awar adhaor kavaoh kuma righi.'' ²⁰ ''Rigarao aritih rikin, izoh, ayini arumeni, naghenk, nan areveneni, awar Kasirih kama cidda mateh mayin nh kini''. ²¹ Kirong kiyenku kinirgami kin zika ri rong rikwang ri sighi rikwang ruwazao atah rin nh manu gwaki, awo, innunk atek/tehtek kama, Babila, kuroh kugwaki an tah kun ajhaos nh nirganu, an zaku pi gura reghe kin. ²² Ringyhi re vavi amajita, asibsani, a pervezeni iseruwa, nan apervezeni aligaita, an zaku pi pokoro aringyhi ruwazao rikin. ²³ An pheze mu pitila man zaku pi pezunuwo nh yin an zaku pi pokoro ringyhi ru ango va re marya innung nh kin, awar ayurih kupu yaon are nanoh nayah tiwomo nh rikuyah, are tu sihiri upu nan pima zika na suwhu na al'umai mim / Yaor. ²⁴ Innung ukin nan a zuwa mannyho ma reveneni nan mayu rumenu, nan mannyho maya nan a wunza nh rikuyah.''