¹ Kunyenku kun sam u mana ku manimasir mavook, mavur na teng. Asin suma a wori a tek a zon ka tiwomoh teh Sirih nan kugam kimi. ² a teti ku karata ku rho kumi. Ama petteh mu mana kumi anra katih ku voh kan rim, ari i sumuru i rvi i muzu a kiri a tivah, asin rukse i sumuru ko uriku pih. Tivah teh tih kami tire uwan u ghharghhane mayinzi-mayinzi. ³ Ki kuskaza man ka zah man. Kazom ka tiwomoh teh Siri nang kugam konka rih uroh kumi, arereh ayhi anka rerene yhi. ⁴ Anka reghye annyen muyhi, rizaghyhi di yhi rind dhi ana tin a yoehn. ⁵ Katuk kanka za kan; anka suni yoehn ampeze mu rivak bokoh annyhii awar kuwoh Kasiri Pikarma kan bangara un yoehn. An yelli tiwomoh maza rarah. ⁶ Kunyenku kin woh nan mini, "Kure a vere u puru a rivim. Pikarma, Kasiri k mazir ma annabawa, ka tuma unyenku kun sah a pireru khan anang ani an wana zah marangazana." ⁷ "Tirkiri! Man ruvah kini-kini! An zikine piyah dorkoni a seri kenna a vereh annabci avah arah a vere." ⁸ Mini, Yuhanna, mi ma pokoro a reghye anang arah, ntutu ana vinah nu nyenku a changhha kun, kun ko saam a nang arah. ⁹ Kun woh nang mini "Su rise ken! nre pirereh unam ne puh, nang a konawi annabawa, nan ayah a dorkoni avere avah arah, changhha a Siri!" ¹⁰ I woh nang mini, "Kasu wurah avere annabci a vah ami, kadhaor kara piti. ¹¹ Piyah i zaku vurah, i karim un zah uvur u yhi. Piya i zayi matini, i karim uza ku matini ma yhi, piya i vur, i karim ana nang mu vur mu yhi, piyah isin vezeneh, i karim ana nang ama veze mayhi." ¹² "Tirkiri! Man ruvah kini-kini. Kureze ku nang kuri nan mini, nka beh kowan a runtune anang na eh riseh. ¹³ Mini nre ku alfa nang ku omega, piya zon nang piya wuri, ke semeni nang mararah. ¹⁴ Aya ziki are aya guzu makusu asa an wan aya an zuwa a wara ku raoh a tih ku voh a ningghe u roh kumi teh toworong. ¹⁵ Uyah na asang a rim, a yah tichama, a yahmi aku nonzono nang annyhowo ami aza kure annyhowo a yhaon nan a rumi ami aza kure a rumi a yhaon, ayin sin wuhnza a yaor, ayah mavereh, nan kowan umi i rusu anang mi chotti. ¹⁶ Mini, Yesoh, ma tuma unyenku kunang kun waghhaa anang a rah un ikklisiya. Mini nre kunoehk nang ki paggha ki Dauda, ki rerun kimi keku bangara u moapkwi." ¹⁷ Mazir ma Marya makoh, "Ruvah!" Sa piyah i pok i vere, "Ruvah!" Piya i pok u ser, i rup, kowan i rusu, i rup a zuwa mani masir mu voh. ¹⁸ Nsin wagghaa, kowan eh pokoro a vere annaci avah arah: piyah eh pirem, Kasiri kanka pire i pizi imi na a nyakara ana vah ara. ¹⁹ Piyah eh tuzah a vere a vah annabci ara, Kasiri kanka tuzah ureze ko tih ku voh nang ku rho kuvur na a nyakara ana vah arah. ²⁰ Piyah eh wagghaa anang arah eh woh, "Yih! Man ruva kini-kini." Ken! Ruva, Pikarma Yesoh! ²¹ Sa kuwaska ku Pikarma Yesoh kun ka ka ri nang kowan. Ken.