¹ Anreh nku reghe urong kunara kusin chizza izoh inung unteku kunrih a tumarikiri atih apivi'ah-pizohn izoh anatuma apin anrih akar rikiri, anreh inung akoh ariketih ring yaop arizayi rizah kuriva. ² Kunarah ku na nm reghe kun sighi u dammisa. Tinuh tina vinah tisighi tu begar anreh kannaoh kakun kasighi mudurr piyogho pimi penkuh roh pin usiru, anreh kararah katiwomoh, nang ti womoh tih yhi tujitari. ³ Kuvaoh inung anatih rima narah mami kun raotao asighi ne ankuma wuna, anreh kunur kumi kun sighi ne kunma zuwu kurikuya nasang kun rise amina adorkoni unara kumi. ⁴ Ama gura riseh apiyogho pimi usujada, awarkuwoh pima raoh unara kumi atiwomoh. An riseh unara kumi usujada, ma, atujariyhaon aku vereh, ''Wammi isighi unarah kumi?'' ''wammi enka kuwana nang kun?'' ⁵ Ama raoh unara kumi anaoh ku vereh avereh uzaovaoh kuritih nang avereh ayak. Ama jighi yhaon anriseh timoh nang usiru ipi anakiri-anas amavah. ⁶ Anreh kunara kumi kunku wonoh a naoh kakun asa kunsur aSirih, asin sura arizayi rikan, kateghe kazohm kayhi, nang ayami azonzi izoh. ⁷ Ama jighi unara kumi kun yende riwunah nang arumeni agura wana yhaon kiwoni. Agura, roh kun tiwomoh amaruva nang kabila, ayhaor, tiverveneh, nang ma roh. ⁸ Nang aya zonzi inung unrikuya anka riseh pin usujada, piya na aroto ma nyakara arizai riyhi, chette u nnapsanu urikuya, inung untagada ku voh, kumi kure ku konoh ku gam, kumi na ama cheske ⁹ Piya irih utoh, ipokoro. ¹⁰ Inang arama zika pirong aka wura yhi, inung ama wurana ijarayhi. Inang arama wuna pirong nang katan, nang katan na anka wunayhi ukaghu unuru uhome ko sugwu nang urenu osugwu awar kayhaor ami a vur. ¹¹ Anreh nku reghe umanzu ku nara ko rimi kusin rupsa izoh amachira inung unrikuya kun rih atuma avah ne ku gam, kunsin verveneh kinne ku dragon. ¹² Kun riseh ti womoh tu nara ku zohni anyen mukun, anreh kunku reneh urikuya nang aya azonzim ariseh unara ku zohni usujada-kumi nang ku noar kukun kuma suwu. ¹³ Kun riseh anang amina kun rene uvah untoroh inung unrikuya amachiri zoh anyen moh yhaor. ¹⁴ Antambout mumi na amajighi kun kun riseh, kun riseh aya azonzi inung unrikuya kun migha yhaon awoh an napsa iramwa asa an rukse unara kumi tiwomoh kumi kuri ukha kotan kami kasin whar. ¹⁵ Ama jighi kun asa kun roh unara kumi uvah asa kikusumi kinka vereh agura rene anwunza aya ama vonoyhaon urise unara kumi usujada. ¹⁶ Kuma gura mura kowammi, ayuwa'am nang ayapikarma, ayi korgho nang aya zayhaon, aya zahku sisizi nang ayu rereh, asa an ser utambout achara kuraom vah in tin kiyhaon. ¹⁷ Zah piya enka zemine vah uzizi iramwa azakuri u tambout ku nara kumi, awarken ku tambout kumi kure rizayi. ¹⁸ Anang arah ankusin kagha uyaoh. Piya iri unyen, ivakzeh utambout kunara kumi. Awarkuwoh areh ku tambout koh yhaor kutambout kumi kure 666.