¹ An reghe itambaut izo kikunih, piyorwoh i ginninih anyhi, nang upih ajaos kanavinna na yhi nang a karr anrerung rikirih a navah a ritih riyhi. ² Isitih, asi villanah asayh kurewho, a mapiya manonoh. ³ An gurah reghe irong kitambaut izo, reghe! Uvekuh kusen ku kangari arih atih a pivigha pezon nang a tumah rikirih, nang akarr rikirih, nang a karr rikirih a ritih rikun. ⁴ Urumuhkun un rufure i rerung ke tar izo a nurkaramun a jaos. Kuviku kumih kun yazhanao a patih nang piyowohmih umiy imarah pituh reghe, sa in nang e reghe, eranggwaneh kono kapinyowohmi. ⁵ Ereghe kono karumih, siruh, kamih kan yaoptao riwomoh durikuyah nasang na kukturugn ne pikorwoh. An chirkineh konomi a jagha a Siri azom kakan. ⁶ Pinyowohmi i sumah yhi a kungdu, a tek na Kasiri kamah a napsa yhi, sa andah kupsa yhi ana tuk 1,260. ⁷ Riwohma din cho. Mikailu nang nakandao nang womana nang kuveku, kuviku nang nakandao nakun an guzuzu riwoma dimih. ⁸ Kuviku kumih kun zaku tsiri urao riwoma dimih. Kun visana a teghe nang nakandao nakun izo. ⁹ Kuviku kukun, piyowoh pichettimih nako piviku ko pisipu, kumih kovatazeh urikuyah nasang- an tanganeh kun ina ajaos, nang nakandao naku an tanganeh yhaen nasang a jaos. ¹⁰ Ande unku pukorao ariyhi rivip izo, "Kughaska kuma ruvah ne kini, kure utsiruh; kugoh kusiri, nang udughazanu u Kiristi, pitemenih u cheyhi ama tanganeh yhi ajaos, umih ekusi temeneh yhaen a tuk nang rikata nang Kasiri. ¹¹ Anku raghayhi a mayor mu gam nang avereh uginnenuh a yhaen, a zaku suni mavoh mayhaen ko kunkuka jagha ukah. ¹² Awar ken, rerenenih nateghe izo, nang ayah zonzim. Ivurah yhin kajas nang ripuk irmarmasir awar ku woh piviku ima nigheinih nagbwing. A korih nang rikaozaoh riyhiring, awar nang iyhao awoh kadar kayhi na chini kataka. ¹³ Kadaor na kuviku kumi koyhaghaotae awoh ama nurkarah kun a jaos, kun paghatanah urighu u piyowoh umih ereze kono karumi kamih. ¹⁴ Piyowoh mih an ma rao yhi avek avah apiyagha, sa isum yhi a tek namanapsa yhi a kungdu, ateghe nang anda kupsa yhim, adhaor, anadar nang kusarka kudhaor- maza uri kupiyowoh. ¹⁵ Pinnyowoh pimih pin punguruh a marmasir anao kapin ne kumana, urene ujah kuveskeneh yhi nachee. ¹⁶ Kajaos kan kana piyowoh mih, kajaos kan wakh anao kakan asakareh umanah kumi nang kuviku kumi kuma ghaszanah anao kakun. ¹⁷ Kuvikuh ku mih kun reneh pinnyowohmih irene rikazah azeh (semeh) riwumah nang kurezeh kurichandiyhi, ayah a dukaranih a Sirih ayaop uyhao ku Yeshoh. ¹⁸ Ku viku kumih kun yaezanao in san ugwantih kuripuk rimarmasir.