¹ Amar rom pighwo ne karoghwo ku runtuze. Amigham awoh, "Cho a gbweke ikilisiya anang ripig, nang aya asin changha inung ikun. ² Kasu runtune ariri kuya, amaroh aya marini. An tuksana uroh kuvur in pih akire nass ativa. ³ Man roh ayah anka wagha usiru an yelli anabci ana tuk 1,260, ama rene makusu majitazi." ⁴ Awaghani ami nateh nu zaotun navah nang na yoezi n rivak navah nami na yoezene annyen mu pikarma urikuya. ⁵ Piya woh en nazeh yaohn, urah un chira a noeh ka yaon a roeh ayah seri ripuvu nang yaohn. Piya eh cho awoh en yelli ripuvu nang yaon kennaan wuna yhi. ⁶ Awaghani ami ari usuru uwara izoh siri sa uru unsu rohwoh adhaor kama na a yelli anabci. Ari usunu usoehskoeh manimasir man wana manyho. A challe uriurikuya nang ko tiriki tiwomoh adaor na arusu. ⁷ Kadhaor anka ma ruru uwagha,kunara kumi konka chira awori unung uza marasa kon yelli riwuma nan yaon. konka roah riwuma awuna yaon. ⁸ Apum ayhaon anka non amakarata mu roh kumi atek na ama sanghareh pikarma u yhaon mim. ⁹ Ana tuk atar nang ku patta, ayhaor awori ko tiriki tivori, tivervene, nang mayhinzi an ka rengze apum ayhaon. An zaku joeh yhaon an zika apum ami an rene amasek. ¹⁰ Ayah a rotu sin voh urikuya anka rentene a bukuna awar kivizi. Atumza a peru makane nang ijam awarkuwo annabi avah arah ama rukse ayah asin voh urikuya ivurah. ¹¹ Na atuk atar nang kupatta a voehh kuvoh ku wori nang Kasiri kon ningghun yaon, an cho ana vinah na yaon, u kau ugwaki un zuwa ayah reghe yaon. ¹² Annu pokoro rinyhi ri gwaki ri wori izoh Siri akuwoh, "Ruvani na!"Annu jarayaon izoh Siri un riru, ayah ripuvuh ri yoehn an tirkini. ¹³ Adhaor kami kurikuya konka ririwwo, kupatta kuraoh inung ariki kuroh kumi konka yitti. Ayaor ma duvu manazivah zah diraoh anka wuna amaririh mu rikuya kumi, ayah anka chira asi voh anka rih inung un khaou aroh aSiri kizoh uchangwhhu. ¹⁴ Ipivih eh voehroeh.Ipivi eh tar en ruvah a roekoehroeh. ¹⁵ Kunyenku ku manazivazah riroah kun perve u tatung, tinnyhi tin rah vervene izoh a siri akoh, "Tiwomoh tu rikuyah tima wana tiwomoh tih pikarma nang Kristoh uyhi. en yelli tiwomo maza marasa." ¹⁶ Avereh akirih anass ativa ami a zonzi a zom katiwomoh an tutuh a Siri nang annyhen mu yaohn a joehss.A changhha Siri. ¹⁷ Akoh, "Ti serivuh sangjinnyih,pikarma Kasiri, kami ka rih agura ma rim, pima zika usunu utiwomoh tipuh ti gbwaki aseme tiwomoh na sang ¹⁸ Nasughwuh na maroh nang wante, nanken mateh mapuh mamma toroh. kadhaor kama wana an yelli ayah ama kizi mateh nang ku roh a rereh nang annabawa, nang nayah ama rume nang puh, nang ayah ama pokoro u kaow urizaghyih ripuh,ayah gbwakazi nasang.Kadhaor kama wana kami na pen yitirih ayah asin yitiri urikuya." ¹⁹ Anreh ku baogaodi koh Siri inung izoh kun wontoh anre anku wono u nyakaru a tek ku baogaodi kumi. Anreh irah inku whaska, nang urirung, nang uwonu u jhaos nang uruh u gwaki.