¹ Untirkiri areghe ugam kun tezeh upanah Kusihiyona, nang kun ayar 144,000 amih nang rizayhi riyhi nang riputuh ayahkaranih antin muyaon. ² Un pukoroh ariyhi izo ne marunuh mamarmasir nang uratazanuh udunn. Marunuh mani nang unma pok mansiyhi mapi risenuh urumah. ³ An sepsah usivah anyaen murirah nang anyaen kumavoli manas man nang ayakun-ani. Ba piya eyaeghate usivah komih ande ayar 144,000 nazik ayaeghate amih aworih urikuyah. ⁴ Aya arotoh kazazeh ateh ayaen anayorwoh, ama rangunuwoh yaen nachea arituwah arinapes, are yaen adurkunih ugam kumih atek-teghe nako varaom. Aya rirkinih anayar are isumuh izoni esrih nang ugam kumih. ⁵ An zayaen ichotti ananao nayaen, andi napes. ⁶ Un reghe arong kakangdao kansi wawwaraonao kamih kayap amatsara marip mu wawa aya Zouzi urikuyah-nang tirindinah, tipampanah, tiverveneh nang ayarr. ⁷ Ikande ariyhii rizip, "Pukoro ukau Osiri a cheghe kan. Kadar kamateh makan kama wana. Piyah eyelli izo, kajas, nang ripuk ri marmasir, nang nayelling namamarmasir." ⁸ Karong kakangdao-kavak-kandorkorao akuwoh, "urighinuh, urighinuh ubabila nawohkoko, umih oriseh atirindinah usezeh ansaku-saku mumarik mayann. ⁹ Karong kakangdao-katar-kan durkorao yaen, asi vervenh ariyhii napang "napirong echekzeh uvikuh nang utsuwho kun, an kwalle ariwamah itin kiyhi ko achara kayhi. ¹⁰ inang gurah sezeh arong ansako-sako muri kazaeh Desiri, ansako-sako murirkinih mun aghararanih ilong kirikazaeh Desiri. Piya etsu min anchokozehyhi unrah nang usulphur urih kumakangdao masiri nang kurim kugam. ¹¹ Anjho muchokozonumi mun kangtae izo uren-kiren, an zayaen amavuntsono arikata nang katuk-ayahsi chekzeh uvikuh nang ritsuksana rikun, nang ayah asereh ariwamah ritizayhi. ¹² Ukagwu uyah non-natsuwho akwaktarih ayarih napes, aya Zavaraonaonih adukaranih Asiri arih uvurah unYesoh." ¹³ Riyhji riwori-izo namapokoroh rinkuwoh, "yakara-rah, aya kinih Asirih are makinuru mazikinih "yii" maziriri ma guddu ken, "sa an vontsonoh untuma-uyaen, marip mayaen madurkoro yaen". ¹⁴ Un tirkiri areghe ayhiri vok, pirong izomi ananing ne kono kapiyar, aginnih arikar ribararani arithih riyhi nang kuramje acharah. ¹⁵ Karong kakangdao kan kaptaeh uwatah a kandae piyah izomi anayhiremih ariyhi rizip, "Zeh uramje kupuh asemi atibuvah kadar katibuvah kamah wanah, ribuvah dirikuyah dimah yahnao." ¹⁶ Piyah izomi inung anayhirimih iving-gwme uramje kuyi urikuyah, abuvah urikuyah. ¹⁷ Karong kakandao uwatah kizo, ayap unakan uramje. ¹⁸ Karong kakandao unakan kan chirah ajoe kanjoe, kamih kari-upiruh urah. Akangde piyah iyap uramje kuyhaki ariyhi napang. "Zeh uramje kuyhaki kupuh akongkoroh arikutu dimakozoh amarighi murikuyah, makozoh mami mamayhanao nekinih". ¹⁹ Kakangdao kamih kan ving-gwme uramje kukan urikuyah akoonkoroh amakozoh murikuyah na-abuvah. Atangane nih inung ansako-sako murikazaeh Desire. ²⁰ Pi gwallazani-umi an vulle yhi uyah kuroa, mayor manda wolloh uyah ajagharih utakaruh upivarka, ajagharih anstadia 1,600.