¹ In kasu nyakana apireveh. Tuteng, gargao-di yhi neh piya ima reghevu. Gbonzoni ama zaoraoh ma rumi, neh rikommina. ² gbonzononi anaya curvu anyogwo neh a nawi, nang narinni neh rekommina inung unvur nasang. ³ Roni ama kumbo atichirvu, areh ma kumbo marivim. ⁴ Ku kumbu kumi kuri nhono vah sank, sani, yaon an semu ukuh rho ugirma inung arari Kayaon. Sa'ni an guddu aputih nang a muni (parents) Awar kuwoh Kasirih ka pok urentu. Ken. ⁵ Kumbo ku rivin aku jighi kun ute kun ko ku taru Siru inung aSirih ko ku yhazi inung a tanzu nang riyaoe atuk nang rikata. ⁶ Na kini, pi nyoho umi i zhomi awar kama rentu ima kha, koh kenang i rotisin voh. ⁷ Miseni anang arah asa anka su wana kikusu Kitijam. ⁸ Ama inang pirong iroti ma rhoa a kummini ayhi iramwa, masamman a kummini urara ku yhi, ima vonoyhi rivin kumi ipiri aya'marini. ⁹ Sa'ni pinyoho iwan ku kumbu umi iravi atiwa u sittin, pinyoho upirumi urhao. ¹⁰ Kulailai anka yhao yhi nang anang arip, koh ikama nyente nohnoh vah usere a jhaon, vah ama guzu navina na ya marini, vah a kana ayu rereh, vah ama rene ritih ana nang arip. ¹¹ Ama ma kumbu ma nyiza, in kassu rene yhaon inung ana vah. Awar ken adhaor kama nang ama rume nang usunu uripum uzah urina u Kristoh, a suni irunga. ¹² Na kini, ama nighe ukhau awarkuwoh ama gbebpkeh u wa'adi uyhaon i zohn. ¹³ Ama gura gbekse a zohm ku waom. Aku gisa mararah nang mararah. Azang ku wana ayu waom na zik, ama gura wana ayi gulma nang u shishigi, Aku vereh ankusu mu zahmun uwoh anvereh. ¹⁴ In sunuwoh an siha moh nyoho mun runga, asa mun reksene nohnoh, a kuvare u rarah, asa ansu rho api sifu u dama asa isur irih u riseh u viseh anku kusu mu yimun. ¹⁵ Awar kuwoh arong ama jengne ara dorkoni pisifu. ¹⁶ Inang pirong unyoho urumenu irih ma kumbuh, ikana yhaon, asa Ikilisiya inkasu righi, asa an ka kama ama kumbu ma rivin. ¹⁷ Sa'ni ma dattawa mami ma seri utuma marivah an tirkiri man un girma u gwaki, musamman aya aseri utuma nang avereh na a messeni. ¹⁸ Awarkuwoh avereh aSirih ama vereh,''Kassu rene u takarkari ku takunkumi adhaor kami na ku seri ti sukku ti rhao,'' nan ''pi tumzanani iriuwoh an rhu yhi u lada (asese) kuyhi.'' ¹⁹ In kassu sere u zargi ama ruvah nang ku dattiju saikoh ayhaor a vah or a tar a rume. ²⁰ Nayahni ayi vang anyen moh yhaor na sang asa ku saura kun ka pokoru khau. ²¹ Mma mane vuh nan Kasirih nang Kristoh Yesoh nang Malaiku mami nang ama nerveh, awoh pi tar a nang arah arivin kassu riseh i ramwa inung usunu utih. ²² Kassu wullunoh a tarkara achara un pirong. Kazu wanzana ivang nang pirong. Tarah ritih ripu na pez. ²³ Ka su soh mani-masir kuma Tuteng, soh mani-masir mi nabbi awar kari virih nang uwunuh. ²⁴ I vang erong iwonti a yhao inih ankuh jarayhaon amateh. Ama irong ivang eku menze a dorkoro. ²⁵ Atu-ken, arong anang arip awonti an yhao, ama a manzu anka zahku turruh.