¹ Sa yhaor na sang ama ari ajhaos kurikuya an rhen aya rahra ashaon an wam tichirvu nasang. An rise ken ansu yelli ivang arizayhi Kasirih nan nmisenu kan. ² Ayu tumu ami ari aya ranyhn are ayu rho kurivim an kasu yaksa yhaon awar yhaon rikommina, ken an yelli yhaon tuma nang karkarhaon awar aya rara ami aku rhao nzuwu ntuma nyhaon aya dorkoni ari ken agura reh ayu sunu. Mise atini awono ankusu mu. ³ Na mu wanuwo pirong isin misi ramkwa kivakti aroto rume nang nrumenu nmisenu nmi nreh mavervene ma titu gwaki Yesoh Kristoh asen nmisali aroto rume nang nmisenu nmioku jagha nang Kasirih ke nan. ⁴ Piyallu piyu gwaku nritih igura zaku yhao irankwu. nko ken iri nang ku kokoze ko vere agwakane nang nzaurumenu ama vervene ma mavernene ma maku yende nza usu nang ku chonze kosugwhu, nang tisuraru nang an vervezene mu yimun, ⁵ Ngbwaku, nza njaru nasang ana yhaor ami avozozi nasugwhu. Ama vandare rivin a tinni aku dinni na yhin ako ibada nrina nwana piyu zuwu." Chunuwoh ankusu mu. ⁶ Kini kun dorkoro Kasirih nang ku rene kosugwhu nzuwu agbwakane. ⁷ Awar ti rhoto mu yendi rankwa en rikukay, ten ka suskiri nchiram inung nhkun nang kirangkwa. ⁸ Nko ken, ti rume nang marinuru nang makusu. ⁹ Na aya asuni an wan ayu rih aku righi inung unjaraba inung amadankari (banki) aseri anang ati bana nang nsunu nyiuni nang ankusu nasang mumi moku rene piyhar ininghe a riva inung nwantanu nang ku khao. ¹⁰ Areh nsunu ikorogo nni nreh kutinis ko nang ayhiani nasang. Arong ayhaor tu righu ikorgo aa cho yhaon nang ku rho kotih ayhaon, ama tini ayende atih ayhaon nsir masugwhu a gwakani ¹¹ Na pighi piyhaor Kasirih, vonobu ankusumu, adorkoro matini (ibada) nrumenu nsunu, nkwakturwonu nang ven ritih. ¹² Nvurana, ivura irih nrumenu. Apuru nvoh kuza rhara nang akanyhi bu nang yhi. Ari ti re rahra nang pe rho (nshaidu) nh zon oya are nshaidu agbwakane aritih ri kusu kire kirib. ¹³ Nh sin ruzini avere ara nh zon Kasirih kamin kaku wargane ankusu nasang, nang nzon nKristoh Yesoh, nmi ima vere ikusu kire rivin nang Bilatus Babunti. ¹⁴ Dorkononi ndokaaa na riva, ba kikusu kiti suraru aka jagha nchin ntitu gwaki Yesoh Kristoh. ¹⁵ Kasirih kan sa nchinnu kan adhaor kami ka rikkwa Kasirih, piya zikine piyadde nmirganu, piwonmi iseri tiwomoh, titu gwaki piya tiwomoh. ¹⁶ Yi ntenyi enka zaku khao, piya izomi inung an peze mumi nang ba piya enka paturwom. Ba piya eku regheyhi vah isusku rhenghe yhi. Tichirvu tima wana nang yhi nang nzauranu nniganu. Ken ¹⁷ Miya ayu rhi nh rikuya an su zovoh atih ansu rene nasugwhu nang kurhi ku za nang anka rava riwuri nko ken an rhe nasugwhu na yhaon nang Kasirih kami kaku rhoiri nrhi ku rivin awar ku pok kuma rhantu mawur. ¹⁸ Miya yhaon anyelli murib an wan nrhi nh tuma nrib, an wan ayu rho a vizkinene nachara. ¹⁹ Miya yhaon an thar nsemenu nrin aritih ren kusu mon ruva asa an ser nrim kurib. ²⁰ Timoti yhaobte mariva ankusu nang arho vuh. Ranguruwovuh nang anang ati bana nang iwarmi oku saba ajangi umi nang akuwo kuyhao incotti. ²¹ Arong ayhaor asin mise an kusu muna, awar ken ama cho yhaon nang kurho kuritih. Sa mapse man wan nang ayhini.