¹ An re mazhir manku vereh an pezeh awoh, ana tuk a wuri arong ayaor anka kotokoh yaon nan urumenu u yaon, a rene mahankali mayaon nan mazhir mu zizeh kuna suwhu, nan u misem o sifuh. ² Innung in chotti nan kunah kuma vutu ama vik mayaon onka yelli ripura. ³ Anka rene majir irunga nan kusere ku mariniru mani nan Kasirih ka nafsa, awar an wanzana nan u sangjihi innung ana yah ama rume a gura yaoh rivin. ⁴ Awar an kusu nasang mumi nan Kasirih ka nafsa mu rib. Awar an kusu nasang mumi nan teh sereh nan ku sangjinghi, mu zaku rih uwoh tivonirih mun. ⁵ Awar a ma vurkane mun ti mavervene ma Sirih nan riyaop. ⁶ Innan pe reneh rikommina rin dinneh an kusu mu pen ka wana pi rereh uma tini u Almasihu. Awar an kusih suwavu tima vervene mu rumenu nan u misenu u rib umi nan pe dorkoroh. ⁷ Na pi ma karme masara al'mara mami nan a reveh a nyowo a suni a tu teng chimah ritia ripu ti dorkoro ko Sirih. ⁸ Awar ku chima ku ripuhm kun ku rih u anfani na chini. Are ku chima ku ritih tu dorkoro ko Sirih kuri u amfani an kusu nasang. Awar innung a ku matazzana marim awar ku voh ku nan kuvoh kuma ruvah. ⁹ Mavervene mana mu rumenu mama wana uwoh an ser man na kurum. ¹⁰ Matuzi mami ma reniri ti seri u tuma za ma vonsono. Awar ti sin riseh a suwhu nan Kasirih kuvoh, piyu waska koyaor nasang, musamman ayu rumenu. ¹¹ Wagha a gura miseh a nang a ra'arana. ¹² Kasu rume pirong i yaksa tizaoraoh ti pu. Atu teng wana ki kusu ku gbweksenu nan ayu rumenu; ana vereh, u halli, u sunu, matini nan u vur. ¹³ Seh nh ku ka ruva, reneh a suwhu nh teske ki nyara, nan u wagh'anu, a maneh nan u miseh nu. ¹⁴ Kasu rise ribana nan ka peru ka Siri kami nan pirih nan kan kami nan a rovu turina u annabci kunnan a yah chirvu amah waoware vu nachara na yaon. ¹⁵ Kula nan an kusu mu reneh a suwhu a mun, asa kari ku zonon upu kan wan ki kusu kus yaoh ana yhizi a yaor nasang. ¹⁶ Kavara nan ritih ripu a gura miseh ritih ripu, raoh u zonoh innung a mun. Awar tu riseh ken nan pen ka waska ritih ripu nan ayah a pok bu.