¹ Avere ara areh rikwang reh vereh: piya i rusu iriseh u tuma utih Bishop, i wana piriseni anang a rip. ² Bishop i wana piya na anka viza i kusu ku sama yhi mihm, pirumi upinyowo uraoh, pih punmi u ritih, piya mateni, piya iduwa zani, piseseni oh jaon piya enka suska u misenu. ³ A rotoh wana yhi risir kasuh kumur, nan piya eku riseh utankiya, awar ken, i wana piya izuk ritih, piya isuni mavok. Zah risir unsunu ikorwo. ⁴ I wana piya enka susku yaoptaoh urara kuyhi nateng, vhono nayhi nan riseh yhi matini inung a nohm kuriteh ka matini. ⁵ Awarwo nna piyaor i rotoh susku yhaophao urara kureh kuyhi, ini na enka yhaopthao a masujada ma Sirih. ⁶ A zang pituvi u pas, awar kuwo i kasu koroh nan rifalla, (maghaonguzuwo) a riigyi inung u uwartanu neh pisufu. ⁷ Atini kanang arah nasang uyah nan ikklisiya anka dinne marif makana nan yhi, awar kuwo ika suka ringhi inung an ciin nan inung abhang ka pisifu. ⁸ Tu rinuru ina ya curvu, wanani aya na arong a pokh a ciin mu yhaon a zakuri aya vereh avah, zah kasu kumur na gbwakane vah usunu i korwo. ⁹ A yhaon an kareh aya aku yhaopthao u misenu a suwhu ka rivin inung a suwu kayhaon ka vur. ¹⁰ Mureh murif an rumeh nan yhaon ina kini an seme u tuma awar kuwo a zayhaon ikusu ke sasah. ¹¹ Tuken, anyowo ayhaon an wana aya matini, za i chowoma, aya a punni ritih a rivin inung an kusu nasang. ¹² A wana risir aya curvu (Dikinoni) an wana aya nyowo a rhaondhao, nan ku suska uyhaopthao ku nhono na yhaon nang arara a yhaon. ¹³ Awar kuwo aya a riseh u tuma yhaon mariva anka zuwah a yehzu karip nawang inung asuwhu kami kari inung Kristoh Yesoh. ¹⁴ Nkusu nyakara vu an kusu muh, nan ku rene ko suwu ku ruvu nan pu kinkini. ¹⁵ Inna ma rhaothaorhaonhao, insi nyakara vu sa pia yhao kenna pen jitari anang a pu inung urara ko Sirih, a matoroh muh ikklisiya eh Sirih iwar, ginshiki nan ku kannu u rivin. ¹⁶ Zah iwarmi amah miya awo ibada iwurhi rivin ibgwaki nagbwing, "Imah miya ritih rini a ripuhm, Mazhir mamah waska yhi, maleku mamah rehye yhi, amah waha a vereh ayi na aya a zaku yhao a Sirih, amah rumeh nan yhi u rikuya, anu zika yhi inhaori izo un daukaka uyhi.