¹ Awar ken azohn nasang, Ma tanzanini a tanzu kami, riyaop, katanzu, nang ku sambarka anka riseh kun awarkayhaor, ² Awar kuwoh awomoh nang ayaor ami aseri tiwomoh, asa tiriseh azohm kama vuk nang kuvoh kukizikun inung ana Sirih nang u gwaku. ³ Mure murip nang usenu nang Kasirih piyu waska kuwuri. ⁴ Isunuwoh ayhaor nasang anka waska yhaon anreh ankuruvah inung unyhao ku riving. ⁵ Awarkuwoh tirih aSirih karaoh agura ri apitumi uraoh oSirih nang pirumi, pirumi Kristoh Yesoh. ⁶ Ima roah ritih riyhi awarka yhaor nasang, kinne ku migha ko yizi adhaor karip. ⁷ Awar kikusu ki, mini, aritih rinang, ama renem unwana kagbeng. nsin missini riving. Nzahku serini chutti. Nreh pimisseni u majir ma Yahudawa inung arivin nang riving. ⁸ Neh kini, nsuni arumi anatege anriseh riyaop anreh anku zhaovaoh ana chara na vur zah righaozaoh vah uraowaonaoh. ⁹ Neh kini, nsuni uwoh anyogho anren makusu inung unrinah urip, nang uvur nang kuyhaop kuripum. Ankasu nuwa tih tiyhaon, vah azurfa, vah itari vah makusu mi korgho. ¹⁰ Nrusuh uwoh aren makusu mammi mamanim awar ka nyogho ami akuh chira ne nasiri inung untuma irip. ¹¹ Pinyogho igbwekse inung amakiziyhaon nang inung unrumenu. ¹² Nrotoh marume pinyogho i misseh vah e riseh tiwomoh aritih ripirumi, anre in riseh azohm kama kiziyhaon. ¹³ Awarkuwoh kadamu na ama zoh'ngoro napsa kan, adorkorun Hawawu. ¹⁴ Kadamu kama rotoh marume nang i chutti, anreh pinyogho nang ama riseh yhi. ¹⁵ Neh kini, anka reske kin inung un reghu nohnoh, inang a karim inung a riving nang usunu nang u vezu inung a sugwu.